“Türk dünyası mədəniyyət paytaxtı” proqramının 2013-cü il qalibi seçilən Əskişəhərdə ilboyu həyata keçirilən silsilə tədbirlər yekun proqramla başa çatdırılıb.
Bu çərçivədə türk dünyasının tanınmış şəxsiyyətlərinə “Türk dünyası elm, mədəniyyət və sənət mükafatları” verilib. Mükafata Azərbaycandan şair Ramiz Rövşən layiq görülüb. “Media forum” saytının məlumatına görə, türk coğrafiyasının müxtəlif yerlərindən gəlmiş elm, mədəniyyət adamlarına və ictimai xadimlərə mükafatları Türkiyənin təhsil naziri Nəbi Avcı və Əskişəhər valisi Güngör Əzim Tuna təqdim edib.
Təntənəli konsert və şənliyin ardından “mədəniyyət paytaxtı” estafeti Tatarıstanın mədəniyyət nazirinə ötürülüb.
“Türk dünyası mədəniyyət paytaxtı” proqramı türkdilli dövlətlərin 2010-cu il sammitinin (İstanbul) qərarı ilə gerçəkləşdirilir. Məqsəd YUNESKO-nun “Qeyri-maddi mədəniyyət irsi” müqaviləsi çərçivəsində türk dövlət və xalqlarının ortaq dil, din, tarix və mədəniyyətini, adət və ənənələrini qorumaq, yaşatmaq və gələcək nəsillərə miras qoymaqdır.
Mədəniyyət paytaxtı ilk dəfə 2012-ci ildə Astana elan edilmişdi.
mediaforum.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər