«Evlənmə» Lənkəranda oynanılacaq

Kino

Ana səhifə
Kino

«Evlənmə» Lənkəranda oynanılacaq

13 iyun 2011

11:04

Azərbaycan Dövlət Musiqili Komediya Teatrında hazırlanmış «Evlənmə» (N.V.Qoqol) komediyası iyunun 26-da Lənkəranda oynanılacaq. Rejissor, əməkdar incəsənət xadimi Bəhram Osmanovun quruluşunda səhnə həllini tapan bu komediyada əsas rollarda xalq artistləri Şükufə Yusubova, Məleykə Əsədova, Arif Quliyev, əməkdar artist Ramiz Məmmədov, aktyorlar Qurban İsmayılov, Emma Məlikova, Çingiz Əhmədov, Elxan İsmayılov, Ülviyyə Əliyeva, Möylə Mirzəliyev, Məhərrəm Qurbanov çıxış edəcəklər.

«Yeni teatr» Respublika Teatr Festivalı çərçivəsində oynanılacaq bu tamaşa Musiqili Komediya Teatrının bu mövsümdə son qastrol tamaşası olacaq. İyunun 29-da isə kollektiv «Hərənin öz ulduzu» (S.Ələsgərov, İ.Məlikzadə) tamaşası ilə 101-ci mövsümünü yekunlaşdıracaq. Mövsümün son tamaşası əməkdar artist, sevimli gülüş ustası Elçin Həmidovun xatirəsinə həsr olunacaq.

Ramilə QURBANLI