Lənkəranda teatr Festivalı olacaq.

Kino

Ana səhifə
Kino

Lənkəranda teatr Festivalı olacaq.

13 iyun 2011

10:59

Festival iyun ayının 21-dən 27-ə kimi Mədəniyyət və Turizm Nazirliyinin xətti ilə keçirilir

Bu barədə kulis.az-a Nəcəf bəy Vəzirov adına Lənkəran Dövlət Dram Teatrının direktoru İslam Həsənov məlumat verib. “Ölkənin 15-dən artıq nüfuzlu sənət ocağının qatılacağı festivalda hər gün bir neçə tamaşa nümayiş olunacaq.

Lənkəran teatrı özü də iki tamaşa ilə çıxış edəcək .”
İslam Həsənov hazırda kollektivin paralel olaraq üç əsər – Mirzə Fətəli Axundovun “Sərgüzəşti vəziri-xani Lənkəran”, Kamran Nəzirlinin “Şeytan işığı” və Maarif Məmmədovun “Sovqat” pyesi üzərində işlədiyini bildirib.

Gələcək planlardan danışan direktor Moskvadan və Kiyevdən dəvət olunan rejissorların quruluşunda Molyerin “Zorən təbib” və Karpenko-Karonun “Bəxti gətirməyənlər” əsərlərinin motivləri əsasında tamaşalar səhnələşdiriləcəyini və teatrsevələrə təqdim olunacağını diqqətə çatdırıb.

Ramilə Qurbanlı