Yeni teatr mövsümünün açılışı oldu

Yeni teatr mövsümünün açılışı oldu
11 mart 2014
# 10:45

Martın 10-da Musiqili Komediya Teatrında Azərbaycan teatrının yeni mövsümünün açılışı olub. APA-nın məlumatına görə, tədbirdə respublikanın mədəniyyət xadimləri, aktyorlar, millət vəkilləri, həmçinin mədəniyyət və turizm naziri Əbülfəz Qarayev iştirak edib.

Əvvəlcə Ə. Qarayev təmir olunmuş Musiqili Komediya Teatrının binası və foyedəki sərgi ilə tanış olub.

Daha sonra tədbirə qatılan nazir çıxış edərək bildirib ki, bu ildən dövlət başçısının sərəncamı ilə 10 mart Azərbaycan Teatr işçilərinin peşə bayramı kimi qeyd olunmağa başlayıb. Hazırda respublikada 30-dək teatrın olduğunu deyən Ə. Qarayevin sözlərinə görə, son 7 ildə Azərbaycan teatrında çalışan 300-dən çox şəxs müxtəlif fəxri adlara, o cümlədən 272 nəfər “Xalq artisti” adına layiq görülüb. Teatrlarda son 10 ildə 900-dən artıq tamaşa qoyulub. Teatrların maddi-texniki bazası gücləndirilib.

Sonra nazir prezidentin sərəncamı ilə təltif olunan mədəniyyət işçilərinə mükafatları, həmçinin mədəniyyət və turizm nazirinin əmri ilə təltif olunmuş bir qrup şəxsə Mədəniyyət və Turizm Nazirliyinin fəxri döş nişanlarını təqdim edib.

Tədbirdə çıxış edən Azərbaycan Teatr Xadimləri İttifaqının sədri Azərpaşa Nemətov teatr işçilərini peşə bayramı münasibəti ilə təbrik edib. Bir qrup teatr xadiminə Azərbaycan Teatr Xadimləri İttifaqının “Sənətkar” medalı təqdim olunub.

Tədbir Musiqili Komediya Teatrının açılışına həsr olunmuş “Bu bizik” tamaşasının nümayişi ilə davam edib.

# 1883 dəfə oxunub

Oxşar xəbərlər

Səssiz filmlərdən rəqəmsal dövrə... - Dublyaj sənəti hansı tarixi yolu keçib?

Səssiz filmlərdən rəqəmsal dövrə... - Dublyaj sənəti hansı tarixi yolu keçib?

16:30 18 oktyabr 2025
Bred Pit ölümlə üz-üzə qaldı - "F1" filminin ən qorxulu səhnəsi

Bred Pit ölümlə üz-üzə qaldı - "F1" filminin ən qorxulu səhnəsi

10:48 16 oktyabr 2025
Milyonların gözlədiyi filmdə o da çəkiləcək

Milyonların gözlədiyi filmdə o da çəkiləcək

12:11 14 oktyabr 2025
Azərbaycanlı rejissor beynəlxalq film festivalında mükafata layiq görüldü

Azərbaycanlı rejissor beynəlxalq film festivalında mükafata layiq görüldü

11:37 13 oktyabr 2025
"Azərbaycanfilm"in direktor müavini və aparat rəhbəri işdən çıxarıldı

"Azərbaycanfilm"in direktor müavini və aparat rəhbəri işdən çıxarıldı

14:23 10 oktyabr 2025
"Dune 3"  filminin hazırlıqları davam edir

"Dune 3" filminin hazırlıqları davam edir

10:40 9 oktyabr 2025
#
#
Ana səhifə Yazarlar Bütün xəbərlər