news-inner
clock16:46 calendar-gray 04 Mart 2014 view-gray1320 dəfə oxunub
view-gray1320 dəfə oxunub

O dünyanın Məzisi

Aktyor Elçin Həmidovun xatirəsinə

kocaman bir oyuncak gibiydin pırıl pırıl.
pırıl pırıl gözlerin, dazlak kafan,
saygıdeğer göbeğin.


dışarıda geceye bulanmış karşı bir orman.
sana bakıp düşünüyordum:
eski şarap fıçısı gibi keyifli, hazret,
eski şarap fıçısı gibi sağlam...

Bu misraları Nazim Hikmət ölümündən sonra Mikayıl Rəfiliyə yazmışdı... İndi bu parça ilə sizlərə aktyor Elçin Həmidovu xatırladacam. O da ölümündən sonra...

Sağlığında onu bayram yumurtasına bənzədirdim. Bayramlarda çəkildiyi komediyaları, nömrələri televizorda verirdilər. Həm də bu assosiasiya tək məndə deyilmiş. Elçin Həmidov Musiqili Komediya Teatrında Qoqolun “Evlənmə” tamaşasında Yaiçnitsanı oynayıb, özü də yazılanlara görə əla oynayıb: “Yaiçnitsa aktyor Elçin Həmidovun ifasında dönüb olub xalis yumurta adam: o, səhnədə yerimir, iri yumurta kimi ləngərli-ləngərli gəzişir və hətta... yumurta kimi “danışır”, yumurtalaşır. Lakin bu da aktyora bəs eləmir: o, Yaiçnitsanı qaxsımış, lax yumurta kimi “oynamaqla” öz məmur personajının evlənmək şansını sıfıra endirir. Bu, Elçinin öz aktyor karyerasında ən uğurlu işidir.” (A.Talıbzadə).

Heyf ki, çoxları onu bu obrazdan yox, “Parni iz Baku” əyləncə teatrının tamaşalarından, “Məhəllə” filmindən xatırlayır. Elçin Həmidov bu tamaşalarda gah kiprik taxıb, don geyinib göbək atırdı, müğənniləri parodiya edirdi, gah əlindəki radio ilə öz sirli dünyasından gələn səsləri dinləyən, gözlərindən kədər axan Məzi olurdu. O dünya nə dünya idi, o kədər hardan gəlirdi? Bunu yəqin Elçin Həmidov özü bilirdi. Bilməmiş olmazdı. 10 yaşından ata-anasını, sonra da bacı qardaşlarını itirmişdi. Qardaşının intiharı onun həyatında dərin sarsıntı yaratmışdı. Ailəsindən bir doğması da qalmamışdı. Şad-şalayın konsertlər, tamaşalar öz yerini tənhalığa verirdi. Ən komik səhnələrdə belə gözlərindəki kədər və səksəkə yox olmurdu. Rasim Qaracanın “Qəh-qəh çəkib sevincləri çox da uçurtmayın, ürək kədərə qalmasın” misralarını yəqin ki oxumamışdı, amma o qorxunu yaşadığını etiraf etmişdi: “Bugünkü premyerada aktyorların hər birinin yaxınları zalda idi. Mənimsə zalda ancaq tamaşaçılarım olur. Bu, mənə pis təsir edir. Tamaşadan, konsertdən sonra otağıma gedirəm, özümə gələ bilmirəm”.

Elçin Həmidov bayram adamı idi. Şıq geyinməyi sevirdi.

Elçin Həmidov karnaval aktyoru idi. Heyf, bizim Musiqili Komediya Teatrının bir karnaval hazırlamaq qədər gücü olmadı.

Şarjlar onun yaradıcılığında uğurlu alınırdı - təkcə “Evlənmə”ni xatırlamaq kifayətdir. O, personajlarının karikaturasını ustalıqla cızırdı və ən yaxşısı o idi ki, personajını milli cizgilərlə məhdudlaşdırmırdı. Həm də “Parni iz Baku” yerli auditoriyaya hesablanan konsertlərində belə...

4 mart Elçin Həmidovun dünyadan getdiyi gündür. Bir neçə günə Musiqili Komediya Teatrının açılışı olacaq. Heyfslənməyin yeri varmı, yoxmu bilinmir.

Elçin Həmidov dünya teatrları səhnəsində oynaya biləcək potensialı olan komediya aktyoru idi. Musiqili Komediya Teatrı dünyaya göstəriləcək səviyyədə tamaşalar hazırlayacaqmı? Bu, Elçin Həmidov kimi çox aktyor üçün bir az ümid, bir az inamsızlıq qarışmış ciddi sualdır.

Mart ayıdır. Teatrlar bayram edəcək. Camaat bayramlar keçirəcək.

Dostları, yazını oxuyanlar Elçin Həmidovu xatırlayacaq.

Ruhu şad olsun!

news-inner-user
Aliyə

1003 məqalə

Oxşar xəbərlər

Xəbər lenti

Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021