“Oskar” mükafatının qalibləri artıq məlumdur. Sürprizlərin az olduğu “Oskar”da bəlkə də yeganə sürpriz teleaparıcı Ellen Dedcenersin “Twitter”də paylaşdığı “selfi” foto idi.
Bredli Kuperin çəkdiyi şəkil qısa müddətdə 2 milyondan çox retvit aldı və bir milyondan çox insan “favorit” kimi qeyd etdi.
Ancaq fotonun təsadüfən çəkildiyi, yoxsa viral olduğu geniş müzakirələrə yol açdı. Kimisi şəklin “Oskar” həyəcanı ilə çəkilmiş gözəl kadr olduğunu düşündü, kimisi də mobil telefonun reklamı kimi qələmə Verdi.
Bəs viral nədir?
Viral reklam – istifadəçilərin çox vaxt video çəkərək e-mail, yaxud video paylaşım şəbəkələri vasitəsilə yaydığı, qısa müddətdə məşhurlaşan, buna görə də bəzən virusa bənzədilən yeni reklam metodudur.
Viral reklamlar iki yerə bölünür: həqiqətən təsadüfi istifadəçi tərəfindən çəkilən reklamlar və şirkətlərin sifarişlə çəkdirdiyi reklamlar.
Birinci növ viral reklamlara əsasən video paylaşım şəbəkələrində rast gəlinir. Təsadüfi istifadəçi hər hansı məhsulu götürüb onun haqda video çəkir və bu video digər internet istifadəçilərinin xoşuna gəlir, paylaşırlar. Çox vaxt şirkətlər bu reklamı istifadəçidən satın alırlar.
İkinci növdə isə firma və ya şirkət peşəkarlara viral reklam sifarişi verir. Peşəkarların işi reklamı sanki təsadüfi istifadəçi kimi “həvəskar” formada çəkməkdir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər