writer1

Rövşən Naziroğlu

Məqalə sayı

28
clock11:08 calendar-gray 03 Mart 2014 view-gray2521 dəfə oxunub
view-gray2521 dəfə oxunub

Milli Məclisdə yubka qanunu

Abbasqulu atdığı şeş-qoşanı oynayıb əvvəl gülümsədi, sonra özünü saxlaya bilməyib sevincindən gəyirdi. Zahid müəllim oyun yoldaşının əlindəki pivə şüşəsinə diqqətlə baxıb dedi ki, bizim arvadağa da bu pivədən içir. Abbasqulu dostunun dediyini nərdin tamaşasına dayananlar eşitməsin deyə bu dəfə daha şövqlə gəyirsə də xeyri olmadı. Kimsə bərkdən güldü. Zahid müəllim özünü sındırmayıb başladı pivənin xeyrindən danışmağa...

Əslində müəllim-zad deyildi Zahid. Qadın bərbəriydi. Bir arvadı, iki qızı var idi o vaxtlar. Sonra arvadından boşandı. Qızlar da qoşuldu analarına. Tək qoydular Zahidi. Niyə boşandıqlarını qapı qonşuları Gülsənəm daha dəqiq bilirdi. Arvadı xəyanət eləyirmiş Zahidə. Günlərin bir günü işdən həmişə olduğundan bir az tez gəlib evə. Qapıdan girən kimi evdə yad adamın olduğunu hiss eləyib. Keçib yataq otağına. Görüb arvadının qucağı boş deyil. Arvadının qucağında eşələnən əğyar arxaya boylananda gözü sataşıb Zahidə. Qazıntı işlərini istəmədən yarıda saxlamalı olub. Sığınıb çarpayının bir küncünə. Arvadı da xınalı başını soxub yastığın altına. Zahidin amiranə səsi eşidilib: “Qalx , şalvarını geyin və rədd ol burdan!” “Arxeoloqu” nifrətli baxışlarla sağ-salamat yola salandan sonra yaxınlaşıb arvadına. İstəməyib ailə səadətləri hansısa kürəyi qıllı namərdin ucbatından dağılsın. Arvadının gözlərinin içinə baxıb diqqətlə. Kədərdən boğula-boğula soruşub: “Əzizim, niyə belə elədin?”

Arvadı da Zahidin gözlərinə göz gəzdirib. Ürəklənib bir az. Cavab vermək əvəzinə isti və yuxulu səslə darıxdığını deyib. Səhəri gün Soçiyə biletlər alınıb. İstirahətdən qayıtdıqdan sonra arvadı bir müddət darıxmağına ara verib. Ancaq çox çəkməyib ki, yenidən başlayıb darıxmağa. Yenə gediblər kurort şəhərlərindən birinə. Üçüncü dəfə arvadının sahəsində əkin-biçinin şahidi olanda dözməyib. Boşanıblar. Gülsənəm sözünü bitirib əlini aparardı ağzına. Gülüşü danışdığı əhvalatdan daha iyrənc idi...

Qəribə və bədbəxt adamıydı Zahid. Hansısa zənən xeylağını dar şalvarda, qısa yubkada görsəydi ağzı köpük gətirənə kimi milli mentalitetdən üyüdüb tökərdi: “Sahibi olan belə fasonda bayıra çıxmaz, əsil azəri qızının yubkasının ətəyi dizdən dörd barmaq aşağı olmalıdı! Mən bu barədə Milli Məclisə məktub yazmışam. Yəqin bu yaxında yubka qanunu çıxar.” Sözünü tamamlayıb susardı məhləmizin qeyrət inspektoru...

Gözlərinə baxmaqdan çəkinərdim. İstəmirdim utansın. Çünki öz qızları küçəyə çıxanda axirət hazırlığı görən qoca kişilərin belə damarlarında axan qan səmtini dəyişirdi. Çox istəyirdi qızlarını. Böyük qızı Dubaya getmişdi işləməyə. Zahidin bu dünyada ən çox qorxduğu xəstəlik quş qripiydi. Vicdanım ağrıyırdı o, kiçik qızından danışanda. Dilində qüsuru olsa da çox gözəl qızıydı Lalə. Dünya boyda arxası varıydı... Bir dəfə necə olmuşdusa arxasına baxıb bir bayatı çağırmışdım:

əziziyəm hal səndə

şəkər səndə, bal səndə

baxmaqla doymaq olmur

hardandı bu dal səndə?

Bayatı dilimdən çıxar-çıxmaz məhlədə dillər əzbəri olmuşdu. Lalə bu bayatını eşidəndə qızarmışdı bir az. Bəlkə də həyatında ilk dəfə utanmışdı.

Çox şeydən xəbərsiziydi Zahid...

REKLAM

Yazarın digər yazıları

Xəbər lenti

Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020
Nazirlikdən gedənlər və gələnlər – Sərdar Amin yazır...
14:11 13 Avqust 2020
Mədəniyyət Nazirliyinin aparat rəhbəri vəzifəsindən azad olundu
13:24 13 Avqust 2020
Mahnılarını Niyaməddin Musayev oğurladı, rayonu işğal olunanda beyninə qan sızıb öldü – Bu gözəl musiqilərin müəllifini siz də tanıyın
13:19 13 Avqust 2020
Mühacirətdə olan yazıçı vəfat etdi
12:34 13 Avqust 2020
Sərdarın atası və əlləri
11:52 13 Avqust 2020
Bizə əl atan qoca müəllim
11:07 13 Avqust 2020
Britaniyalı jurnalistin Xocalıdan yazdığı ssenariyə film çəkildi
10:43 13 Avqust 2020
"Qarabağ hekayələri" özbək dilində nəşr olundu
10:04 13 Avqust 2020
Stalin Rəsulzadəni bu yolla qaçırdı, Səməd Vurğun yaralıları apardı – Ayxan Ayvazın reportajı
09:00 13 Avqust 2020
Türkiyəli şair vəfat etdi
18:30 12 Avqust 2020
Məhəllə futbolu - Hekayə
17:58 12 Avqust 2020
Özündən 25 yaş kiçik qadınla evləndi, yoldaşının ikinci əri bütün şəkillərini yandırdı, məzarı hələ də bilinmir – Nəsibə Zeynalovanın atasının dramatik həyatı
17:04 12 Avqust 2020
Məşhur "20th Century Fox" fəaliyyətini sona çatdırır
16:14 12 Avqust 2020
İtaliyada vəfat edən müğənnimizin nəşi vətənə gətiriləcək? - Açıqlama
15:30 12 Avqust 2020
Səfər Alışarlının "İşıq" hekayəsi
14:42 12 Avqust 2020