news-inner
clock08:15 calendar-gray 25 Fevral 2014 view-gray2795 dəfə oxunub
view-gray2795 dəfə oxunub

"Qəzetlərdə bircə kəlmə də həqiqət yoxdur"

Bencamin Dizraeli (1804 - 1881) – Böyük Britaniya tarixinin ən görkəmli ictimai-siyasi xadimlərindəndir. Yəhudi əsilli bu şəxs Konservatorlar (Mühafizəkarlar) Partiyasının liderlərindən biri olub, İcmalar Palatasının sədri və maliyyə naziri təyin olunub, 1868-ci və 1874-80-ci illərdə ölkənin baş naziri seçilib, kraliça tərəfindən ona qraf və İngiltərə peri ünvanları verilib.

Gənclik illərindən sözə-sənətə dərin maraq duyan B.Dizraeli bayronizm ruhunda bir romanla bədii yaradıcılığa başlayıb. Sonralar o, 2 sosial, 1 ekzotik və 1 tarixi roman yazıb.

Kulis.az Bencamin Dizraelinin aforizmlərini oxuculara təqdim edir.

Öz kitabları barədə ağızdolusu danışan yazar da elə övladlarıyla öyünən ana qədər darıxdırıcıdır.

Qaranlıq daxmaları bürüyən çarəsizlik çilçıraqlı saraylar üçün aşkar təhlükədir.

Tarixi kitablar əvəzinə bioqrafiyaları oxuyun, çünki onlarda təsvir olunan həyatlar heç bir nəzəriyyənin əsiri deyil.

Qardaşlıq şüarı altında bu dünyada o qədər şər işlər törədilir ki, əgər mənim doğma qardaşım olsaydı, sırf bu üzdən onu «xalaoğlu» adlandırardım.

Qəzetlərdə bircə kəlmə də həqiqət yoxdur. Elə buna görə də onları hamı oxuyur.

İstənilən dühanın yaratdıqları sırf onun təşəbbüskarlığının bəhrəsidir.

Qəhrəmanları yetişdirən – onların qəhrəmanlığa bəslədikləri inamdır.

Səs – insan xarakterinin ən doğru aynasıdır.

Bəli, mən – yəhudiyəm və məni buna görə aşağılayan cənabın əcdadları bilinməz bir adada icma halında yaşadıqları vaxt mənim babalarım Solomon (Süleyman) peyğəmbərin məbədində rahib idilər.

Ən qaranlıq saatlar alatoran vaxtına təsadüf edir.

Bismark bilərəkdən ixtilaflar yaradırdı ki, sonradan onları yoluna qoymaqdan həzz ala bilsin.

Düşdüyü şərait insanı formalaşdırmır, insan şəraiti formalaşdırır.

Səbirli olan birisi üçün hər şey gəlib keçir.

Xırda-xuruş işlər xırda-xuruş insanların yaranmasına səbəb olur.

İnsanın pula duyduğu hərislik eşqdən daha güclü ehtirasdır.

Başqası üçün edə biləcəyin ən böyük xeyirxahlıq təkcə sənə aid ən yaxşı şeyləri onunla paylaşman deyil, həm də ondakı gizli üstünlükləri onun özünə göstərməkdir.

Əgər bir insanın könlünü fəth eləməyi umursansa, mübahisə zamanı bilərəkdən ona yenil.

Nə bir şeyi izah elə, nə də kimsəni suçla!

Hamımız sevilmək üçün doğuluruq. Bu varlığımızın prinsipi və yeganə məqsədidir.

Bütün həyat – cıdır yarışıdır. Başqa izah… yersizdir.

Kasıb yaşasam da, zəngin kimi öləcəyəm. Kaş hər şey tam tərsinə olaydı.

Çoxları elə zənn edir ki, bizim əcdadımız yük heyvanı olub və buna görə də biz istənilən yükü daşımaqdan yalnız məmnunluq duymalıyıq.

İlk sevginin bütün tilsimi də ondadır ki, onun ardınca ikincinin də gələcəyinə hələlik inanmırsan.

16 yaşında liberal (sərbəst) düşüncə sahibi olmayanın qəlbi-ruhu yoxdur. 60 yaşına çatıb, konservator (mühafizəkar) olmayanın isə ağlı yoxdur.

İnsanlıq tarixindəki ən böyük faciə – çap dəzgahının ixtirasıdır.

Ən dəqiq məlumatlara malik olanlar daha böyük uğurlar qazanırlar.

Hər hansı mövzu ilə tanışlığın ən yaxşı yolu – ona dair kitab yazmaqdır.

Ədliyyə – canlı ədalətdir, ədalət isə – hərəkətdə olan həqiqət.

Cavanlıq – yanılmalar dövrüdür, yetkinlik çağı – mübarizələr, qocalıq isə – acı təəssüflər.

Bütün ümumiləşdirmələr kimi bu da yanlışdır.

Bir şeyin ciddiyyəti onun doğruluğuna əsla dəlalət eləməz.

Yalanın üç növü var: yalan, ağ yalan və statistika.

Müstəqillik elan etmələri müstəmləkələri heç də asılılıqdan qurtarmır.

Təcrübə – fikirdən doğur, fikir isə – hərəkətdən. Ona görə də insanları sadəcə kitablarla yetişdirmək imkansızdır.

Eyni adamla Allahın ver günü səmimi davranmaqdan ötrü insan möhkəm əsəblərə malik olmalıdır.

Partiya – təşkilatlanmış ictimai fikirdir.

Könlümə roman oxumaq düşəndə mən onu… özüm yazıram.

news-inner-user
Azad Yaşar

83 məqalə

Oxşar xəbərlər

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021