news-inner
clock12:45 calendar-gray 19 Fevral 2014 view-gray2566 dəfə oxunub
view-gray2566 dəfə oxunub

Yazıçılar sevimli aktrisalarını seçdilər SORĞU

Kulis.Az şair və yazıçılar arasında keçirilmiş “Ən çox sevdiyiniz aktrisa kimdir?” sorğusunun nəticələrini təqdim edir.

Maqsud İbrahimbəyov: “Siyahıda iyirmi beş nəfər var, saysam yorularam. Qoy saymayım (gülür)”.

Əkrəm Əylisli: “Altı, ya yeddi yaşım olardı. Bizim Əylisə “Tahir və Zöhrə” adlı Sovet filmi gətirmişdilər. Filmi gətirməmişdən əvvəl filmin musiqisini yayımlayırdılar. Həmin filmdə “Zöhrə” rolunun ifaçısına dəli kimi vurulmuşdum. Bir dəfə ceviz ağacına çıxmışdım, ceviz ağacı da hündür olur, onun səsini eşidən kimi az qala yıxılacaqdım (gülür). Bu hadisə yadımda qalıb. Daha sonra Elizabet Teylor və Cülyetta Mazinanı aktrisa kimi çox bəyənirəm. Ümumiyyətlə, dramatik, faciəli rolları oynayan aktrisalar mənə daha çox təsir edir. Bizim aktrisalardan isə daha çox Leyla Bədəlbəyli yadımda qalıb. Görünür emosional cəhətdən onu unutduran bir aktrisa olmadığı üçün yadımda qala bilib”.

Fikrət Qoca: “Sofi Loreni daha çox bəyənirəm”.

Mövlud Süleymanlı: “İtaliyalı Cülyetta Mazinanı çox bəyənirəm. Dahiyanə bir aktrisa olub. Azərbaycanda Nəsibə Zeynalova çox istedadlı idi. Şəfiqə Məmmədova da dəyərli aktrisadır. Onun oyununda dünyəvilik vardı”.

Seyran Səxavət: “Biz yaşlı nəsilik. Azərbaycanda ən çox bəyəndiyim aktrisa Hökümə Qurbanovadır. Dünya miqyasında isə Sofi Loren və Gina Lollobricidanı deyə bilərəm”.

Vaqif Bayatlı: “Sevdiyim, dərdindən öldüyüm əlahiddə bir aktrisa yoxdur. Hamısını tanıyıram və hamısına da hörmətim var. Birinin adını çəksəm, başqaları inciyə bilər”.

Səfər Alışarlı: “Məhsuldarlığını və sənətində ardıcıllığı nəzərə alaraq, Culiya Robertsin adını çəkə bilərəm. Azərbaycanlı aktrisalardan isə heç kimə önəm vermirəm”.

Çingiz Abdullayev: “Amaliya Pənahovanı həmişə çox sevmişəm. Şəfiqə Məmmədova, Həmidə Ömərova, Şükufə Yusupova da sevdiyim aktrisalardandır. Bilirsiniz, mən ümumiyyətlə, qadınları sevən adamam (gülür)”.

Sabir Rüstəmxanlı: “Sənət aləmini uzun müddət izləyə bilmədiyim üçün ciddi bir söz deyə bilməyəcəm”.

Mübariz Cəfərli: “Təbii ki, ən sevdiyim aktrisa Sofi Lorendir”.

Natiq Rəsulzadə: “Yerli aktrisalardan Həmidə Ömərovanı qeyd edə bilərəm. Həmidə xanımın ifasını çox bəyənirəm. Oynadığı rolların öhdəsindən gəlir. Əcnəbi aktrisalardan isə Şeron Stounu daha çox bəyənirəm. Möhtəşəm aktrisadır”.

Şərif Ağayar: “Yazıçıdan sevdiyi aktrisanı soruşmaq əsl təxribatdır (gülür). Niyə məhz aktrisa? Aktyor olmaz? Siz deyən kimi ilk ağlıma gələn Salma Hayek oldu. Xüsusilə “Notrdam qozbeli” filmindəki Esmiralda... İlk vaxtlar vurulmuşdum da bu xanıma! Monika Belluçinin hikmətli, Ancelina Colinin humanist, Cenifer Lopezin qıcıqlandırıcı gözəlliyi var. Türk kinosunda Demet Akbağı çox sevirəm. Azərbaycanda isə, Səfurə İbrahimova və Şükufə Yusupova. Hə, bir də Vəfa Zeynalovanın adını çəkməliyəm... Amma sonuncu yalnız gözəlliyinə görə diqqətimi çəkib. Sənətdə elə də ciddi işini görməmişəm”.

Seymur Baycan: “Hollivud nə isə mənə təsir eləmir. Bilmirəm, niyə. Məsələn, Natali Portman mənə çatmır, energetik deyil. Daha çox “Qafqaz əsiri” filmindəki qız (Nataliya Varley) və “Afonya”dakı aktrisa Yevgeniya Simonovanı bəyənirəm. Bu yaxınlarda “Afonya” filminə bir də baxdım. Çox təsirli filmdir. Türkiyə və İranın çəkdiyi filmlərdən də yadımda qalan elə bir aktrisa yoxdur. Təəssüf ki, yerli aktrisalardan da yaddaqalan birini xatırlaya bilmirəm”.

Varis: “Ən çox sevdiyim aktrisa Kira Naytlidir”.

Qan Turalı: “Deyirlər, Elçibəy Türkiyədə xəstə yatarkən könlünün nə istədiyini soruşublar, mərhum prezident də Türkan Şorayla görüşmək istədiyini deyib. Belə bir sualı mənə versəydilər bəlkə də hansısa bir məqamda sevdiyim aktrisalardan birinin adını çəkərdim, amma indi sevdiyim aktrisaya heç bir şans vermirəm.

Ekrandan görüb aşiq olduğum aktrisa olmasa da sevdiyim aktrisalar çoxdur. Onların arasında ilk yerə Cülyetta Mazinanı qoyardım. Cülyetta oynadığı faciəvi obrazlarla hər zaman mənim həyata və insanlara olan münasibətimə, düşüncələrimə yenidən baxmağa sövq edib. Bayağı çıxmasa, hər cür gözəl qadının əzab çəkməsini, gülən gözlərin içindəki göz yaşlarını görməyi Cülyettadan öyrəndiyimi deyərdim. Bertaluççinin “Parisdə son tango” filminin qəhrəmanı Maria Şnayderi çox gözəl qadın hesab edirəm. Ya da “7 dəfə qadın” filmindən Şirli Makkeyni…

Azərbaycanda ən çox sevdiyim aktrisa Şəfiqə Məmmədovadır. Türkiyədən isə Demet Akbağ və Nurgül Yeşilçay...

Bir də Penelopa Kruz.

Çox danışardım, amma axşam evə getməliyəm (gülür)”.

Oxşar xəbərlər

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021