news-inner
clock08:45 calendar-gray 18 Fevral 2014 view-gray6033 dəfə oxunub
view-gray6033 dəfə oxunub

Keçmiş porno ulduz: “Porno izləmək yemək qədər təbii ehtiyacdır”

Keçmiş porno ulduz Saşa Qrey hazırda kitab yazmaqla məşğuldur. Yeni kitabı və ilk romanı “The Julitte Society”ı (“Cüliyetin cəmiyyəti”) Türkiyədə nəşr etdirməyə hazırlaşan keçmiş porno ulduz “Hürriyət” qəzetinə müsahibə verib.

Kulis.az müsahibədən maraqlı hissələri təqdim edir.

- Sizinlə telefonda danışdığımı desəm, dostlarım soruşacaq ki, səsi necəydi?

- Səsimin əsl transseksual səsinə oxşadığını deyərsiniz onlara. Səndən mənimlə bağlı ağız sulandıracaq ifadələr gözləyəcəklərsə, açıb hansısa bir filmimə baxsınlar.

- Türkiyədə yeni internet qaydaları filmlərinizi izləməyə imkan vermir.

- Porno mədəniyyəti olmayan ölkələr mənə yalançı və təcavüzçü kimi görünür. Çində, İranda pornoçular tanınmırmı sizcə? Əksinə, oralarda bəzi mədəni cəmiyyətlərdən daha çox tanınıram bəlkə də... Porno izləmək ən azı yemək qədər təbii hüquq və ehtiyacdır. Utanmadan bu haqqınızı müdafiə etməlisiniz. Bu o demək deyil ki, siz pozğunsunuz. Milyonlarla insanın pul qazandığı, 6 milyard dollarlıq bir sektordan danışırıq.


- Bu müsahibəni sizdən 2-3 seksual söz eşitmək üçün oxuyacaq xeyli adam olacaq.

- Ha, ha! Onda kitabım Türkiyədə uzun müddət ən çox satılanlar siyahısında qalacaq. Super! Bu düşüncə həmişə var əslində. Cəmiyyətin bir hissəsinin gözündə mən səhərdən axşama qədər çılpaq gəzən, gündə bir neçə dəfə sekslə məşğul olan, əlində həmişə banan tutan bir qadınam.


- DJ-lik, aktyorluq, indi də yazıçılıq. Hamısı “porno ulduz” obrazından xilas olmaq üçün edilən cəhdlərdimi?

- Xeyr! Pornoqrafiyanı 4 il əvvəl tərk etmişəm. Çünki etmək istədiyim və bacardığım hər şey etmişdim. Elə bir sərhəd qalmamışdı ki, onu da aşım. Hər şeyi vaxtında qurtarmaq lazımdır.

- “Məndən bu qədər. Artıq gedirəm...” – dediyiniz vaxta qayıdaq. Həmin anı necə xatırlayırsınız?

- Konkret elə bir an yoxdur. Müəyyən zaman müddətində verilən qərardır. Yavaş-yavaş sonunun gəldiyini hiss etmişdim. Əvvəlcə prodüserliyə, rejissorluğa meylləndim. Özümə bir prodüser şirkəti yaratdım. Sonra da filmlərdə oynamağa son verdim.

- Hansı daha ləzzətli idi: kameranın arxası, yoxsa qabağı?

- Kamera arxasından çox baş çıxartmadım. Şərikimlə dil tapa bilmədim, şirkət bağlandı, filmlər də yarımçıq qaldı.

- Porno dünyasını tərk etdikdən sonra həyatınızda nələr dəyişdi?

- Hobbilərim dəyişdi. Əvvəllər seks - hobbilərimi işlə əvəz etmək demək idi. İndi isə sadəcə sevdiyim kişi ilə etdiyim dünyanın ən gözəl şeyidir.

- Arada öz filmlərinizi izləyirsinizmi?

- Xeyr, internetdən mümkün qədər uzaq gəzməyə hazırlaşıram. Pornodan sonra həyat asan deyil. Sən özünə yeni bir düzən qursan da, cəmiyyət buna imkan vermir. Mən də dirəşmişəm, kitab yazıram!

- Roman əvəzinə avtobioqrafiya yaza bilərdiniz...

- Bu həyatda mən nə görmüşəm ki? 25 yaşındakı bir qızın həyatını kim oxumaq istəyər? Özümü elə də ciddi biri hesab eləmirəm. Cüliyet kimi bir obraz yaratdığım, təcrübələrimi və yaşadıqlarımı bu obraz vasitəsilə çatdırmaq daha maraqlı gəldi mənə.

- İnsanların porno ulduz olmağı üçün üç səbəb var deyirlər: pul, əyləncə, ya da ancaq maraq. Düzdü?

- Həqiqətən belədir. Məndə maraq idi. Düzdü, pul da yaxşı idi, amma bu sektoru tərk etdikdən sonra ömür boyu sizə yetəcək qədər də çox deyildi. Ciddi intizamlı olmalısan bu işdə. Hər işi özünüz etməlisiniz. Hansısa bir rəfiqəniz gedib sizin əvəzinizdən onlarla yatmayacaq təbii ki.

Oxşar xəbərlər

Xəbər lenti

Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021