news-inner
clock10:24 calendar-gray 29 Yanvar 2014 view-gray1194 dəfə oxunub
view-gray1194 dəfə oxunub

Kultura.az saytı məqalə müsabiqəsi elan edir

Hörmətli bəylər və xanımlar, əziz həmvətənlər, Kultura.az saytı öz missiyasına sadiq qalaraq, vətəndaşlarımızın maariflənməsi, elmin, mədəniyyətin, sənətin təbliğ olunması üçün fasiləsiz fəaliyyət göstərməkdə davam edir.

Azərbaycan klassiklərini daima xatırlamaq, onları gənc nəslə tanıtdırmaq, təbliğ etmək: Azərbaycanın müasir yazıçılarının, qələm adamlarının, ziyalılarının, intellektuallarının fikirlərini cəmiyyətə çatdırmaq: özlərini ifadə etmək istəyən gənclərə saytımızda yer ayırmaq: müxtəlif tərcümələr, araşdırmalar, sorğular təqdim etməklə insanlarımızın maariflənməsi istiqamətində iş aparmaq bizim əsas vəzifələrimizdir. Kultura.az-ın ən böyük vəzifələrindən biri də daima kitabı təbliğ etməkdir.

Hörmətli bəylər və xanımlar, ölkədə kitab satışını və kitabın təbliğatını gücləndirmək, kitabın bir dəyər olduğunu bir daha göstərmək üçün növbəti fürsətdən yararlanmaq fikrindəyik. Bu məqsədlə Kultura.az saytı Azərbaycanın görkəmli yazıçısı, ziyalısı, ictimai-siyasi xadimi Yusif Vəzir Çəmənzəminlinin "Studentlər" romanı mövzusunda yazı müsabiqəsi elan edir. "Studentlər" romanı Azərbaycan ədəbiyyatında, romançılığında mühüm hadisə olsa da, müəyyən səbəblərdən dolayı təbliğ olunmayıb. Müsabiqəni elan etməkdə məqsədimiz Azərbaycanın görkəmli klassikini bir daha cəmiyyətə tanıtdırmaq və onun həm mövzu, həm də Azərbaycan romançılığı baxımından unikal olan əsərini yenidən gündəmə gətirməkdir.

Şərtlər

- Müsabiqədə iştirak edənlər Y. V. Çəmənzəminlinin "Studentlər" romanı haqqında fikirlərini, düşüncələrini yazı (rezensiya) şəklində Azərbaycan dilində ifadə etməlidirlər.

- Məqalələrin həcmi 10 000 işarədən (boşluqsuz) artıq olmamalıdır.

- Müsabiqədə yaş həddi 30 yaşa qədərdir.

- Müsabiqədə iştirak etmək niyyətində olanlar yalnız bir yazı göndərə bilərlər. Məqalələr əvvəlcə hansısa mətbuat orqanında, internet resursunda çap edilməməlidir. Şərtə əməl etməyən müəlliflərin məqalələri müsabiqəyə buraxılmayacaq.

- Müsabiqə iştirakçıları [email protected] ünvanına yazı ilə birlikdə, özləri haqqında məlumat (ad, soyad, ata adı, əlaqə nömrələri, fotoşəkil) göndərməlidirlər.

- Müsabiqəyə yazı qəbulu 2014-cü ilin fevralın 1-dən martın 8-ə qədər (həmin gün də daxildir) nəzərdə tutulub.

Mükafat

Müsabiqədə qalib olanlar pul mükafatı ilə təltif olunacaqlar. Birinci yerin sahibi 500 manat, ikinci yerin sahibi 300 manat, üçüncü yerin sahibi isə 200 manat məbləğinda mükafata layiq görüləcəklər. Müsabiqədə həmçinin iki həvəsləndirici mükafat da nəzərdə tutulub.

Münsiflər heyəti

Müsabiqəyə göndərilən məqalələr Kultura.az saytının redaktorlar heyəti tərəfindən yoxlanılacaq və qiymət veriləcək. Müsabiqə boyunca seçilmiş məqalələr Kultura.az saytında yayımlanacaq və oxuculara təqdim ediləcək. Müsabiqə qaliblərinin mükafatlandırılması mart ayının ikinci ongünlüyündə keçirilməsi nəzərdə tutulur.

Müsabiqədə iştirak etmək niyyətində olan hər kəsə uğurlar arzulayırıq!

Kultura.az

news-inner-user

19069 məqalə

Oxşar xəbərlər

Xəbər lenti

Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021