Bu həftə məşhur italyan rəssam, heykəltəraş Salvador Dali dünyasını dəyişib. Dali deyəndə çoxumuzun ağlına onun uzun və ucu qıvrım bığları gəlir. Federiko Qarsia Lorka, Luis Bunyuel, Pepin Bello, Elena Rubinşteyn, Koko Şanel kimi incəsənət adamları ilə dostluq edən rəssam incəsənətin az qala bütün növlərində öz bacarığını nümayiş etdirməyi sevirdi. Bunyelin “Əndəlus köpəyi” filminə ssenari yazır, Alfred Hitçkokla “Uolt Disney” studiyalarında film çəkir, Ziqmund Freydi oxuyub şüuraltı qavramı anlamağa cəhd göstərirdi.

Kulis.az sürrealizm cərəyanının ən parlaq simalarından olan və məşhur “Sürrealizm mənəm” sözünün müəllifi Dalinin 10 məşhur rəsmi və sitatını təqdim edir.

Mənim əsərlərim həyat və qidadır, ət və qandır. Onlarda nə ağıl, nə də hiss axtarın.

Sürrealizm dağıdıcıdır; təxəyyüllümüzü məhdudlaşdıran bütün qandalları məhv edir.

Mən narkotik qəbul etmirəm. Mən özüm narkotik maddəyəm.

Hər səhər yuxudan oyananda yenidən fövqəladə həzz yaşayıram: Salvador Dali olmağın həzzini!

Mən həmişə başqalarının görmədiklərini görmüşəm, amma başqalarının gördüklərini heç vaxt görməmişəm.

Ölüm mənim köhnə dostumdur. Yəqin gələndə ona deyəcəm: "Oturun, dincəlin! Bəlkə şampan içək?”. Axı mən ürəyimin dərinliyində qorxağam.

Taleyə iki şeyə görə minnətdaram: Birinci - ispan olduğum, ikinci - Salvador Dali olduğum üçün.

Axmaqlar elə bilirlər ki, başqalarına verdiyim məsləhətlərə özüm də əməl edirəm. Yox, mən başqalarına qətiyyən oxşamıram.

Səhvlər həmişə müqəddəsdir. Onları düzəltməyə çalışmayın. Əksinə, onları başa düşməyə çalışın. Yalnız bundan sonra onları ucaltmağınız mümkün olacaq.

Dahi olmasan belə, özünü elə göstər...

• Bizim dost itirən vaxtımız deyil... - Hafiz Baxış
• Gürcüstan azərbaycanlısı dünya dəbinin ən nüfuzlu simalarının siyahısında
• ADA Universitetində şanlı zəfər tariximiz “Zəfər Rəqsi” filminin nümayişi ilə anıldı