İyrənc film qadağan olundu

Kino

Ana səhifə
Kino

İyrənc film qadağan olundu

8 iyun 2011

10:42

Holland rejissoru Tom Siksin ”Çox ayaqlı insan” filmi Böyük Britaniyada qadağan edilib.

Kulis.az-ın The Guardian qəzetinə istinadən verdiyi xəbərə görə, filmin prokata daxil olmağı yasaqlandığından onun DVD və ya internet vasitəsilə yayılması da mümkün deyil.

Filmin qəhrəmanı - plastik əməliyyat üzrə cərrah üç insanın ağzını bir-birinin anusuna tikir.

Cərrahın məqsədi üç adamın orqanizmindən həzm etmə sistemi yaratmaqdır.

Bundan başqa qəhrəman onlarla cinsi münasibətdə də olur.

Britaniya Film Klassifikasiya Bürosu bəyanatında qeyd edib ki, filmdə baş qəhrəman zövq almaq üçün qurbanlarını zorakılığa məruz qoyur, təhqir edir. Büronun fikrincə, bu insanlara ziyan gətirə bilər.

”Çoxayaqlı” filmi Britaniya Film Klassifikasiya Bürosunun 100 illik tarixində qadağan olunmuş 12-ci filmdir.

Müxtəlif vaxtlarda Kubrikin “Portağal mexanizmi”, Serco Kobruççinin “Canqo” filmləri qadağan edilib.

Rəna NEVZAT