Türk şairlərinin maraqlı əhvalatları

Türk şairlərinin maraqlı əhvalatları
17 yanvar 2014
# 09:00

Kulis.az türk şairlərinin başına gələn maraqlı əhvalatları təqdim edir.

Can Yücel bir yazar dostuyla Bodruma gedirmiş. Avtobus yolda qısa ehtiyac fasiləsi verir. Beş dəqiqədən sonra hamı avtobusda olur, təkcə Can Yüceldən başqa. Hamı onu axtarır. Bir az sonra əlində bir paketlə avtobusa çıxır. Konduktor soruşur:

- Can baba, hardaydın? Hamı səni axtarırdı.

- Balaca bir rakı almağa getmişdim.

- Amma beş dəqiqəlik fasilə vermişdik, bunun sırasıydı?

- Mən də qısa fasilə olduğuna görə balaca rakı aldım!

***

Can Yücelin 70 illik yubileyi keçirilirmiş. Aparıcı sözü yubilyara verəndə zarafatla onu belə təqdim edir:

- Qarşınızda, türkcəylə oynayan şair!

Söz başlayan şair belə deyir:

- Səhvin var, türkcə mənimlə oynayır.

***

Bir nəfər Necip Fazıl Kısakürekə deyir:

- Fransada yeni çıxan bir ensiklopediyaya Türkiyədən ancaq iki şairin adını salıblar.

N.F.Kısakürek dərhal soruşur:

- İkincisi kimdi?

***

N.F.Kısakürekdən soruşublar:

- Ustad, şəxsi avtomobiliniz yoxdur?

Şair cavab verib:

- Ona ən axırda minəcəm.

***

Sait Faiq qış vaxtı xəstəlikdən əziyyət çəkən dostları ilə söhbət edirmiş.

- Mən əvvəllər soyuqlayanda tez bir əlac qılardım.

- Neynirdin ki?

- Dərhal bir meyxanaya gedib yarım litr rakı sifariş verərdim. Yarım saatdan sonra bir şey qalmazdı.

- Xəstəliyindənmi?

- Yox əşi, rakıdan.

***

Yəhya Kamal bir yoxuşu çıxıb təngnəfəs olur. Yoxuşun sonunda bir kafedən ofisiant qışqırır:

- Buyurun bəy, bir şey alacaqsınız?

- Oğlum, imkan olsa bir nəfəs almaq istəyirəm.

***

Nazim Hikmət Bursada həbsxanasında cəza çəkərmiş. Bir gün Ədliyyə Nazirliyindən bir müfəttiş həbsxananı yoxlamağa gəlir. Həbsxana rəisindən xahiş edir ki, Nazim Hikməti çağırsın, onunla görüşmək istəyir.

Nazimi çağırırlar. Otağa daxil olur. Aralarında qısa söhbət olur. Amma nazirliyin əməkdaşı Nazimə oturmağı təklif etmir. Söhbətdən sonra “gedə bilərsiniz”, - deyir. Nazim qapıdan çıxarkən geri dönür və müfəttişdən soruşur:

- Ömər Xəyyamı tanıyırsınız?

- Əlbəttə. Onu tanımamaq olarmı?

- Bəs Ömər Xəyyamın dövründə padşah kim olub, deyə bilərsiniz?

Müfəttiş bu gözlənilməz sualdan təəccüblənir və cavab verə bilmir. N.Hikmət deyir:

- Görürsünüz, sənətkarı xatırladınız, amma padşahı xatırlamadınız. Vaxt gələcək, nə ədliyyə nazirini xatırlayacaqlar, nə də sizi. Amma mənim adımı hər zaman xatırlayacaqlar.

Bunu deyib çıxıb gedir. Müfəttiş səhvini başa düşür. Onu çağırsa da, şair geri dönmür.

***

Məhkəmədə hakim Necip Fazilə deyir:

- Bax, səni bundan sonra bir də qabağımda görməyəcəm, yaxşı?

N.Fazil soruşur:

- Cənab hakim, işinizdən istefa verirsiniz?

# 4066 dəfə oxunub

Oxşar xəbərlər

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

"Bir erməni dəftərinə onları necə məğlub etdiyimizi yazdım…" - 28 yaşında vəfat edən Həsən Kürün film kimi həyatı

11:50 8 iyul 2025
Məni dostlarım öldürdü - Akif Səmədin şeirləri

Məni dostlarım öldürdü - Akif Səmədin şeirləri

12:00 6 iyul 2025
"Səni öldürərlər, uff da deməzlər" - Əsəd Qaraqaplanın yeni şeirləri

"Səni öldürərlər, uff da deməzlər" - Əsəd Qaraqaplanın yeni şeirləri

12:00 5 iyul 2025
"O oxuyanda yekə kişilər göz yaşı tökürdü" - Xan Şuşinskinin ən layiqli varisi

"O oxuyanda yekə kişilər göz yaşı tökürdü" - Xan Şuşinskinin ən layiqli varisi

10:00 5 iyul 2025
Xalq yazıçısı Elçin:  "Səməd Vurğunu "yaltaq" adlandırıb..." - Müsahibə

Xalq yazıçısı Elçin: "Səməd Vurğunu "yaltaq" adlandırıb..." - Müsahibə

09:00 4 iyul 2025
Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

Ona görə Mirzə Cəlil xəstəliyə tutuldu, Mikayıl Müşfiq güllələndi, Hüseyn Cavid sürgün olundu - Erməni müstəntiqin ölümə göndərdiyi ilk qadın nazirimiz

12:08 3 iyul 2025
#
#
# # #