Kulis.Az Səhər Əhmədin “Bu ili də qarşıladım” şeirini təqdim edir.
***
Bu ili də qarşıladım,
Yorğun və pərişan.
Arxada ötən ömür,
Qarşıda bayram.
***
Hər axşam soyuqdan və zülmətdən
Səngərdəymiş kimi üşüyürəm.
Amma yenə hərdən
Əsgər olmaq istəyirəm.
***
Nə fərqi var,
Ömrümün neçənci əsridir,
Hansı fəslidir.
Hələ də məni incitməyə
Kimsə həvəslidir.
***
Keçilmiş yollarda
Təzə sevdalar doğular.
Söndürün gözünüzü mən,
Ardını görmüş kimiyəm.
***
Hansı yola düşüm, görən,
Deməsinlər: yaxşı yol?
Ölümdən başqa ünvan yox,
Yaşamaqdan başqa yol.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər