writer1

Samirə Əşrəf

Məqalə sayı

197
clock11:32 calendar-gray 06 Aprel 2011 view-gray839 dəfə oxunub
view-gray839 dəfə oxunub

Qadından çox qadın...

“Ben köküne kadar kadınım ve ben kendi kendimi yaptım...”

40-dan çox bəstəyə imzasını atan Deniz Seki deyir bu sözləri.
Məxməri səsli, bəstəboylu, füsunkar Seki. Yaşadığı ömür boyunca çəkdiyi acıları bəstələrinə və mahnılarına hopdurdu. Dəlicəsinə sevdi, həm də yaşının ən gözəl çağında.. Qadınlıq çağında...

Dedi-qodular, qalmaqallar yaşadı, adına yuva yıxan qadın damğasını vurdular. Amma o israrla bu tənələri rədd etdi. “Yıkılıcak yuva yıkılacakdı zaten” deyib məhəbbətinə qaldığı yerdən davam etdi. Daha sonralar adı narkotikaya qarışdı.

Qarışacaqdı da zatən. İçindəki coşqulu, ehtiraslı qadını tapa bilməsi, bütünləşdirməsi üçün çox sınaqlardan keçməyə boyun əyəcəkdi. Denizə dərsi həyat özü keçəcəkdi.. O isə bütün bunlardan xəbərsiz, azad, xöşbəxt günlərinin birində yatdığı şirin yuxulardan ayılmağa məcbur oldu...

... Həmişə dəbdəbəli, parıltılı və cazibədər olan Seki bu dəfə qolları qandallı, qızılı saçları pərişan həbs olundu. Sevənlərinə duyduğu dərin hörmətdən olmalıydı ki, biləklərindəki qandalları əllərində tutmuş olduğu plastik su qabıyla gizlətməyi də bacardı. Tam 218 gün məhbus həyatı yaşadı.

Məhbuslarla birgə döşəmələri sildi, qabları yudu və çox kitab oxudu. Göz yaşlarını tənha gecələrinə saxladı. Artıq həyata çəhrayı gözlüklərlə baxdığı günlər çox gerilərdə qalmışdı... Və acımasız müəllimi onun da gözlərinə qəhvəyi qadın eynəyini endirdi. Qazandığı şöhrəti bir gecədə itirdi Seki.

Lakin sevənlərinin sevgisini heç bir zaman itirmədi. Denizi sevənlərdən biri də mən oldum hər zaman. Onu mübarizələrdən yorulmayan, üsyan etməyi isə əsla sevməyən, həyata on əllə sarılmağı bacaran qadın kimi, sənətkar kimi sevdim və ondakı qadınlıq zərifliyinə həmişə heyran oldum...

Azadlığına qovuşduğu gün ən xöşbəxt günlərindən birini yaşadı. Bir müddət özünü dinlə təsəlli etdi. Sonra içindəki melodiyaları çölə axıtdı. Ona gözəl, unudulmaz günlər yaşadan, onlarala mahnılar bəstələdən, lakin məhbus olduğu günlərdə vəfasını ondan əskik edən yarı Hüsnüdən üz çevirməyi də bacardı Seki.

Amma “Sevmeden duramam. Ben hayatı sadece aşk için yaşıyorum” deməyi də unutmadı.

Bu günlərdə Deniz ən son musiqi albomunu pərəstişkarlarının ixtiyarına verdi. Albomdakı 16 mahnıdan 13-ü Deniz Seki bəstəsidi. Onun bütün mahnıları gözəl və duyqularla dolu idi. Suya hapsettim mahnısı dinləyən hər kəs Dənizin və ən əsası dolu-dolu bir qadının bütün həyatını gözləri önünə gətirməyi bacarmalı..

“Qadın gitara kibidir. Ona toxunmağı bildiğin zaman inanılmaz melodiyalar eşidərsən...” Dəniz Seki bu sözləri əlində işıq tutaraq yoluna qaldığı yerdən davam etdi. Amma bu dəfə heç kəsə məhəbbət hissi duymadan, yalnız özünü sevərək başladı bu yola... Öncə özünü, öz içindəki Dənizi sevdi, onu sıfırdan yaratdı və bunu bacardı...

REKLAM

Yazarın digər yazıları

Xəbər lenti

Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021
“Səhnədə” adlı müsabiqə elan olunub
18:35 06 May 2021
Yoldaşı ilə 55 il nikahsız yaşadı, qızının dəfninə getmədi – İslam Rzayev Zeynəblə oxumaqdan niyə imtina etmişdi? - Video
18:10 06 May 2021
“Nizami Gəncəvi obrazı bədii ədəbiyyatda” monoqrafiyası çap olundu
17:21 06 May 2021
Kim bizi görüşdürüb öpüşdürə bilər? - Elzadan yeni şeir
16:36 06 May 2021
“Ata-anamın tanımadığı bir oğlanın qoluna girib getdim, yaxşı da elədim!” – Müsahibə
16:01 06 May 2021
Gənc yazıçının kitabı çap olundu
15:09 06 May 2021
Herman Hessenin povesti Azərbaycan dilində
14:36 06 May 2021
O qızın mənim 20 yaşımdakı barmaqları – Ulucay yazır...
13:50 06 May 2021
“Mənim arvadım sənin nəyinə lazımdır?!” – Ailəsindən qışqıra-qışqıra danışan “bomj” - Reportaj
13:10 06 May 2021
Tanınmış türk yazıçı vəfat etdi
12:25 06 May 2021
Aktrisa teatrların açılması ilə bağlı müraciət etdi: Görün nə cavab aldı?
11:52 06 May 2021
Meyxanaçı Kərim ağır vəziyyətdədir - Həkimlər evə qaytardı
11:21 06 May 2021
Fikrət Qoca getdi, geridə nəyi qaldı?
10:59 06 May 2021
Yazıçılar Birliyindəki balacaboy kişinin zarafatı – İngiltərədən yazırlar...
10:24 06 May 2021
Misirdə Azərbaycan rəssamlarının sərgisi açıldı - Foto
09:35 06 May 2021
Abırsızlıqla azadlığın sərhədi itəndə – Sevda Sultanova "Həmin Zaur"dan yazır...
09:01 06 May 2021
Qızın qohumları onu öldürmək istəyirdilər – Məşhur şairdən maraqlı faktlar
21:00 05 May 2021
“Pişiyin evi” tamaşası nümayiş ediləcək
19:00 05 May 2021