news-inner
clock21:00 calendar-gray 01 Avqust 2017 view-gray3957 dəfə oxunub
view-gray3957 dəfə oxunub

Sərraf Balaxan: "Placebo effekti" - Ən qısa hekayə

Kulis.az Sərraf Balaxanın “Ən qısa hekayə” müsabiqəsinə göndərdiyi “Placebo effekti” (499 işarə) hekayəsini təqdim edir.

- Səməd dayı, bu, təzə dərmandı. Uzağı üç günə sağalacaqsan. Al, ud görüm. Tələsmə.

Baş ağrısından ilan kimi qıvrılır, qulaqları ovuşdurmaqdan yaradır, gözləri qanla dolu, dili şiş, dişləri qırıq-qırıq, gur saçını yolub qurtarıb.

Xatırlamağa amanı yox. Başının çürük diş tək çəkilməsinə belə razı.

- Səhərə sağalaram. Həkim yaxşı adamdı. Ağrım azalır. Sən də yat, bala, neçə gündü oyaqsan.

“Tavandan hörümçək toru ilə asılan baxışlar, dodaqların kənarında donmuş təbəssüm. Oğlunun toyunda yorulub yatmış ata” - tibb bacısının səsinə oyanan oğul bu mənzərənin qarşısında dayanmışdı.

news-inner-user

12888 məqalə

Paylaş

Oxşar xəbərlər

Xəbər lenti