“Yazı” ədəbiyyat dərgisinin 8-ci sayı işıq üzü görüb. Dərginin əvvəlində bu ilin ədəbiyyat üzrə Nobel ödülünü qazanmış Kanada ədibi Elis Manronun Araz Gündüzün tərcüməsində iki hekayəsi verilib.

Nəsr bölməsində Fərhad Yalquzağın “Dumana qarşı” romanı, Ramilə Qurbanlının “Müharibə minatürləri”, hərbi jurnalist Vahid Məhərrəmlinin “Ölüm vaxtı” povesti, habelə Ataqam, Sevinc Elsevər, Umbulbanu, Mübariz Örən, Həmid Piri, Məhbubə və Azad Qaradərəlinin hekayələri çap olunub.

“Bir kitab şeir” başlığında oxucular Ziba Xəlilin, poeziya başlığında isə Elşən Əzim, Yasemin Pulat, Fikrət Şahbazlı, Taleh Eminoğlu və Aynur Cavidin şeirlərini oxuya biləcəklər.

“Anım” bölməsində M.Arazın 80 illiyi anılır, “Sözümüzün yiyələri” adı altında CşMəmmədquluzadənin bir hekayəsi və Akif Səmədin şeirləri oxuculara təqdim olunur.

Çevirmə başlığında X.L.Borxesin, C.Coysun Q.Markesin, A.Platonovun, eləcə də professor Rahid Uluselin tərcümə və təqdimatında R.Toqor, C.X.Cibran,C.Meric kimi dühaların əsərləri dərc olunub.

Dərginin essestika və tənqid bölümündə Niyazi Mehdinin, Mətanət Vahidin, Kənan Hacının elmi-tənqidi yazıları verilib.

İstedadlı tənqidçi, BSU Yaradıcılıq fakültəsinin dekanı Elnarə Tofiqqızına həsr olunmuş bölmədə isə qələm dostlarının, tələbələrinin və mərhumun özünün son yazısı yer alıb.

“Palirta” bölümü rəssam Nəvai Metinin rəsmlərinə həsr olunub.

Dərginin yeni sayında digər yazılarla da tanış olmaq olar.

“Yazı” dərgisinin yeni sayını “Azərmətbuatyayım”ın və “Qasid”in köşklərindən əldə etmək mümkündür.

• “Melodiya” Vaqif Mustafazadənin caz albomunun rəqəmsal versiyasını buraxdı
• Media və Yayım Şurası yaradılır
• Yılmaz Ərdoğan “Vizontele” ilə ekranlara qayıdır