Kulis.az şair Mahir Mehdinin yeni şeirlərini təqdim edir.
Təzə hərflər
Qədimsən,
şeirdəsən,
yerindəsən,
təksən,
təzə hərflərdəsən
oxuya bilmirəm səni...
Sonuncu dalan
Bu qaranlıq dalanda
gecənin ən gözəl şeirini yazdım
saçlarına, gözlərinə, dodaqlarına.
axırı, səni də şeirə çevirə bildim -
gecənin ən gözəl şeirinə
43-cü dekabr
Dekabr belə başladı,
sənsiz, səssiz,
doldu otağıma,
hər yeri öz rənginə boyadı,
geyindim dekabr gödəkcəmi,
endim pillələri,
çıxdım küçəyə -
dekabra....
Son söz
Daddım...
addım, addım,
səni özümdən soyunub atdım...
147-ci otaq
Varsan olduğun qədər,
görülən hər işimdə.
sən adlı mən yaşayır
qırx ildi ki, içimdə.
Çıxammamısan çölə,
hələ də uşaqdasan...
yaxın olduğun qədər
uzaqdan uzaqdasan.
Kaş ki, ölüb gedəydim,
sən doğulduğun ildə.
kaş ki, susa biləydim,
sən danışdığın dildə.
Köhnə şeir
Qopa səni bura bağlayan bağlar,
davamın gəlməyə sona yetəsən.
Girəsən gecəyə, bom-boş küçəylə,
yağışın dalınca düşüb gedəsən.
Bilən də olmaya hara getmisən,
tapa bilməyələr səni polislər.
Aparıb çıxara gəldiyin yerdən
bir az da qabağa səni bu izlər.
Qalxasan hər şeydən bir boy yuxarı,
tullanıb düşəsən sonuncu qata.
Yerin çəkimindən qırağa çıxıb
keçəsən olmayan vaxta, saata.
Cümə axşamı
Mən də belə gecəyəm,
düşməyə şəhərim,
üzümü sürtməyə pəncərəm yox,
çöldəyəm,
həmişəki kimi...
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər