Yeni filmin adı dəfn edildi

Kino

Ana səhifə
Kino

Yeni filmin adı dəfn edildi

31 may 2011

13:31

Kulis.az-ın “The Los Angeles Times” qəzetinə istinadən verdiyi xəbərə görə, sonuncu Kann kinofestivalında baş mükafatı almış rejissor Terrens Malik artıq yeni filmi üçün distribyüter axtarılır.

Çəkilişləri hələ keçən il bitən filmin süjeti sirr saxlanılır. Məlum olan təkcə odur ki, baş rolları məşhur ulduzlar Ben Afflek, Reyçel Makadams və ukrayna əsilli fransız modeli Olqa Kurilenko oynayıb. Layihə öncə “Dəfn mərasimi” adlansa da, sonradan bu ad dəyişilib.

Filmin ekranlara çıxacağı tarix də bəlli deyil. Rejissor çəkiliş qrupundan bu ilin yayına və payızına hazırlaşmağı xahiş edib.

Ümumiyyətlə, Malik intensiv işləyən rejissor deyil. O filmlərini adətən böyük fasilələrlə çəkir. Məsələn, onun 2005-ci ildə ekranlaşdırdığı “Yeni dünya” ilə bu il mükafat almış “Həyat ağacı” arasında 6 il müddət var.

Rəna Nevzat