news-inner
clock13:23 calendar-gray 15 Noyabr 2013 view-gray2187 dəfə oxunub
view-gray2187 dəfə oxunub

Dahilərin qəribə işləri

Dahilər insanları yalnız öz əsərləri ilə deyil, qəribə xasiyyətləri ilə də heyrətləndirirmiş. Bu, onlara marağı birə iki artırır.

Kulis.az dahilərin qəribəliklərini təqdim edir.

Edqar Alan Po

Ömrü boyu qaranlıqdan qorxub. Bəlkə də bu onun uşaqlıqda qəbiristanlıqda oxuması ilə bağlıdır. İş orasındadır ki, Edqarın getdiyi məktəb çox kasıb olub Dərsliklər belə yox imiş. Müəllimləri uşaqları yaxınlıqdakı qəbiristanlığa gətirir, qəbirlərin üstündəki doğum və ölüm tarixlərini göstərək uşaqlardan ölənin neçə il yaşamasını soruşurmuş. Uşaqlar elə qəbirin üstündəcə hesablama aparıb düzgün cavabı deməli imişlər. Təəccüblü deyil ki, Edqar dünya ədəbiyyatında qorxulu obrazları məşhurdur.

Viktor Hüqo

1862-ci ildə, məzuniyyətdə olan vaxt “Səfillər” romanına oxucuların münasibətini öyrənmək üçün naşirə bir işarədən ibarət teleqram vurur- “?”

Naşirin cavabı da lakonik olur – “!”.

Bu, bəşər tarixində ən qısa yazışma hesab olunur.

Lev Tolstoy

Tolstoyun qarmaqarışıq xətti varmış. Üstəlik yazısına əlavə və işarələr artırırmış. Onun xəttini yalnız arvadı Sofya Andreevna oxuya bilirmiş. Zavallı qadın “Hərb və sülh”ün üzünü bir neçə dəfə köçürməli olub. Psixatr Lombazo Tolstoyun xəttinə baxaraq onun ruhi pozğunluqları olan, yüngül həyat tərzi keçirən qadına məxsus olduğunu söyləyib.

Mark Tven

Zarafat etməyi öz hobbisinə çeviribmiş. İşdən vaxtı qalan kimi qəzet redaksiyalarına guya öz ölümü haqda yayılan şayiələrə açıqlama göndərirmiş. Mütləq sonunu bu şəkildə bitirirmiş: “Mənim ölümüm haqqında şayiələr həddən artıq şişirdilib”. Bu məktubları ilə redaktorları o qədər bezdirib ki, redaksiyadan ona belə cavab yazırlar: “Çox təəssüf ki”.

Anton Pavloviç Çexov

Arvadı Olqa Knipperə məktublarında standart əzizləmələrdən başqa qəribə müraciətlər də edirmiş: “itim”, “ilanım” və s. Lirik yerlərdə isə “qəlbimin iti dişli timsahı” kimi ifadələrdən yararlanırmış.

Ernest Hemenquey

İctimai çıxışlar etməkdən qorxurmuş. Bundan başqa o ən səmimi oxucularının da təriflərinə inanmırmış. Dostlarındansa danışmağa belə dəyməz.

Onore de Balzak

Öz romanlarını qaranlıq düşəndən sonra, altı şamın işığında yazırmış. Ona elə gəlirmiş ki, gecə sonsuz, nəhayətsizdir, onun sərhədi yoxdur, o fasiləsiz işləyə bilər. Bəzən o saatı geri və ya irəli çəkərək özünə gecə effekti yaradır, pərdələri bərk-bərk bağlayıb yazı masasına otururmuş.

Stiven Kinq

1970-ci ildə Amerika naşirləri bir yazıçının ildə birdən artıq kitab çap etdirməsini məqbul saymırmışlar. O zaman Stiven Kinq, Riçard Baxman təxəllüsü ilə kitablar yazıb nəşr etdirir. 1980-ci ildə bir kitab dükanı satıcısı üslubda dildə oxşarlığı hiss edir və konqresin kitabxanasından öz şübhələrini təsdiqləyən yazı tapır. O naşirləri bundan xəbərdar edir. Kinq onun ağzını yummaq üçün ona müsahibə söz verir. Daha sonra yazıçı mətbuat konfransı keçirib Riçard Baxmanın “təxəllüs xərçəngi”ndən öldüyünü deməyə məcbur olur.

Mopassan

Mopassan Eyfel qülləsinə qıcıq olurmuş. Eyfeli görməyə gözü olmasa da Mopassan qüllənin restoranlarından birində nahar edirmiş. Yazıçı öz hərəkətini məntiqlə də əsaslandırırmış: “Bura yeganə yerdir ki, buradan o lənətə gəlmiş qüllə görünmür”...

news-inner-user
Aliyə

997 məqalə

Paylaş

Oxşar xəbərlər

Xəbər lenti

Məşhur yazıçı kimin dilini kəsmək istəyirdi?
21:00 18 Noyabr 2019
Yazıçımızın kitabı erməniləri qəzəbləndirib - Foto
20:08 18 Noyabr 2019
Alim Qasımovun qızından Nəsimi sürprizi - Video
18:42 18 Noyabr 2019
O viranə yuxu - Xəyyam Rəfilinin şeirləri
18:20 18 Noyabr 2019
Aydın Talıbzadə yazır: Onun adı Gülşad...
17:41 18 Noyabr 2019
Mirzə Cəlilin nəticəsi danışdı: "Onunla fəxr edirəm"
17:00 18 Noyabr 2019
Mirzə Cəlilin 150 illik yubileyinə həsr olunmuş konfrans keçirilib
16:15 18 Noyabr 2019
50 yaşda eşqə düşən, işə içkili gələn, jurnalistləri aldadan Xalq artisti
15:33 18 Noyabr 2019
Şövkət Ələkbərovanın xatirə gecəsi keçirilib
14:40 18 Noyabr 2019
Ahmet Kayanı bu aktyor canlandıracaq - Foto
14:01 18 Noyabr 2019
Elməddin Cəfərov: "Söyüş intellektuallıqdırsa, Cem çox intellektualdır"
13:14 18 Noyabr 2019
Ayaz Salayevin çəkilməyə qorxduğu AzTV verilişi – Sevda Sultanova yazır...
12:40 18 Noyabr 2019
Nəticəsi Mirzə Cəlilin ev-muzeyinin açılışında - Fotolar
11:57 18 Noyabr 2019
Məhəmməd Hadinin müasiri Bakıda kitab satır
11:38 18 Noyabr 2019
Səfər Alışarlı: “İsa Hüseynovdan sonra nəsrimiz düşünməyə başladı” – Müsahibə
11:04 18 Noyabr 2019
Cem Yılmaz bizi necə utandırdı?
10:30 18 Noyabr 2019
Məşhur aktrisa avtobus qəzasında öldü
10:00 18 Noyabr 2019
Səfurə İbrahimova: “Ailəli olsa da, yalvarırdı ki, onunla yaşayım” - Müsahibə
09:03 18 Noyabr 2019
Mübariz Örənin Fransada romanı çıxır
14:32 17 Noyabr 2019
Rusiyada rəssamımızın sərgisi açılıb
16:12 16 Noyabr 2019