news-inner
clock21:00 calendar-gray 09 Sentyabr 2019 view-gray6375 dəfə oxunub
view-gray6375 dəfə oxunub

Alen Delon sevgi haqqında nə demişdi?

Alen Fabyen Marsel Moris Delon 1935-ci il 8 noyabrda Paris yaxınlığında o qədər də böyük olmayan bir şəhərcikdə – Soda anadan olub. Amma çox çəkmədi ki, balaca oğlan valideynlərinə görə taleyin sərt üzü ilə qarşılaşmalı oldu. 5 yaşı tamam olar-olmaz valideynləri ayrıldılar, Alen Delon isə pansiona verildi. Pansiondan sonra daha çətin dövrlər başladı. 16 yaşı olanda sallaqxanada qəssab işlədi. Hər hansı yeniyetmə üçün ağır sayıla biləcək bu işdə təxminən bir il çalışdı. Amma, yalnız bununla kifayətlənmədi. O, boş vaxtlarında idmanla – velosport və boksla məşğul oldu. Tez-tez filmlərə baxmaq üçün kinoteatrlara getməyə başladı. 17 yaşına çatanda Alen Delon Hind-Çinə müharibəyə yola düşdü. Və burada gördükləri, yaşadıqları bu yeniyetmənin həyatında dərin izlər buraxdı. O, orduda da özünü sərbəst apardığına görə, rütbəsini üç dəfə endirib, amma sonradan bərpa ediblər.

Image result for alain delon child

1956-cı ildə Alen Delon hərb ilə üzülüşdü və Parisə dönərək yaxın dostlarından biri ilə kirayə ev tutdu. Özünə bəyəndiyi bir iş tapa bilmədiyi üçün fərqinə varmadan hər bir sahədə çalışmağa başladı: qəzet payladı, ofisiantlıqla... məşğul oldu. Amma belə demək mümkünsə, tale onun üçün başqa yol seçdi. Həyat onu Hollivud üçün gənc istedad "ovuna" çıxan Harri Uilsonla qarşılaşdırdı. Kino mütəxəssisi gəncin daxilindəki aktyorluq istedadını hiss etdiyi üçün onu özü ilə aparmaq qərarına gəldi. Amma bundan ötrü Alendən üç ay ərzində ingilis dilini öyrənmək tələb olunurdu. Bu hadisədən xəbər tutan fransız rejissoru Alleqre onu filmlərindən birində ikinci dərəcəli rola dəvət etdi. Artıq bu gənc Alen üçün həyatın sürprizi, şansı idi və o, Amerikaya getməkdən vaz keçdi, "Qadınlar işə qarışanda" filmində qanqster obrazını yaratmaqla özünün kino karyerasına başladı. 1958-ci ildə onun oynadığı "Gözəl ol, sus" ekran əsəri tamaşaçılara təqdim edildi. Bu rollarda Alen şedevrə imza atmasa da tamaşaçıların rəğbətini qazana bildi. Elə bu rəğbətə görə də həmin il növbəti təklif özünü çox gözlətmədi. "Kristina" filmində çəkildi və uğur qazandı. "Zəif qadın"dan sonra Azərbaycan tamaşaçılarına da yaxşı məlum olan "Rokki və qardaşları"nda rol aldı. Yaratdığı rəngarəng obrazlar aktyoru tamaşaçıların sevimlisinə çevirdi. Həmin dövrün məşhur aktrisalardan biri hesab edilən Romi Şnayder onunla eyni filmdə "Kristina"da oynamağa razılıq verəndə Alen sənət aləmində tanınmırdı da. Onların tanışlığı çox qısa müddətdən sonra məhəbbətə çevrildi və cütlük uzun müddət eyni mənzildə yaşamalı oldular. Sonradan hətta evlənməyə qərar versələr də bu, baş tutmadı.

Image result for alen delon

Ümumiyyətlə, müxtəlif sevgi macəraları yaşayan Alen Delonun həyatında nə qədər qadının olduğunu heç aktyorun özü də bilmir. Ancaq məlumdur ki, Natali ilə olan evlilikdən Entoni adlı bir oğlu var. Qısa müddət ərzində məşhurlaşan gənc aktyor fransız kinosunun şedevri sayılan Jan Qabenin də diqqətini çəkdi. Onların tanışlığı 1962-ci ildə ekranlaşdırılan "Zirzəmidən eşidilən melodiya" filmindən başladı və uzun müddət davam etdi. Həmin ekran əsəri qazandığı müvəffəqiyyətə görə "Qızıl qlobus" mükafatına təqdim olundu. 1964-cü ildə İspaniyada çəkilən "Qara zanbaq" filmi ilə Delon bir daha tamaşaçıların ürəyini fəth etdi. Bir il sonra Alen Hollivuda dəvət alır. Aktyor burada bir neçə filmdə oynadı. Amma səmimiyyətlə demək olar ki, Alen Delonun Hollivuddakı filmlərini uğurlu alınmayıb. Bunu aktyorun özü də duyurdu. Bəlkə də elə buna görə də Alen yenidən vətəninə döndü və biri-birinin ardınca gözəl obrazlar yaratmağa nail oldu. Rober Enrikonun "Macəra axtaranlar" lentində çəkildiyi rolu tamaşaçılar böyük rəğbətlə, hərarətlə qarşıladılar. Ardınca "Samuray" və məşhur "Zorro" filmlərindəki oyunları ilə Alen bir daha sübut etdi ki, o, möhtəşəm aktyordur. O, ən yaxşı kişi roluna görə "Sezar" mükafatına da sahib olub.

Kulis.az Alen Delondan 10 sitat təqdim edir.

Mənə 10 il lazım oldu ki, insanları sadəcə gözəl üzü olan yaraşıqlı biri olduğuma inandıra bilim. Mən bacardım.

Image result for alen delon

Atlar insanlardan yaxşıdır. Onlar bütün hallarda yalan danışmırlar.

Mən istəyirəm ki, məni mənim sevdiyim kimi sevsinlər: qəlbimin bütün ehtirası ilə.

Kino peşəkarların məşğuliyyətidir. Hamının rejissor olmaq istədiyini görəndə utanıram. Ona görə də kinoda böhran yaşanır. Yaramaz, axmaq adamlar kinoya gələndə belə də olmalı idi.

Mən – Əqrəbəm, həssas təbiətim var, dalaşqan xarakterə malikəm. Mənim həyatımdakı xoşagəlməzliklər də elə burdan doğur.

Image result for alain delon

Üç tip aktyor var: pis, yaxşı və dahi. Pislə bağlı hər şey aydındır, onlar bərbad oynayırlar. Yaxşılar yaxşı oynayır. Dahilər isə oynamır, onlar kamera qarşısında yaşayırlar.

Masadan qab-qacaq götürülməmiş, durmağı sevirəm.

Image result for alain delon love and women

Müharibə mənim bütün ümidlərimi və illüziyalarımı öldürdü. Müharibədə mən sözün əsl mənasında böyüdüm.

Özümdə hərdən slavyan temperamenti hiss edirəm. Bilmirəm bu hardan çıxıb? Bəlkə dostlarımdan, yaxud da sevdiyim qadından…

Mən öz fiziki görünüşümlə “Hovuz” filmi ekranlara çıxanda barışdım. Onda mənim 13 yaşım vardı. Onda mən qəfildən başa düşdüm ki, məndəki İsa yaşı, samuray ürəyi və qəhrəman-aşiq ruhu mənim bir aktyor kimi əsas ziddiyyətliliyim və üstünlüyümdü.

news-inner-user

19527 məqalə

Oxşar xəbərlər

Xəbər lenti

Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021
Onda mən də doyunca ağlaram - Güneydən hekayə
17:20 04 Avqust 2021
Könül Kərimova gileyləndi: "Nəfəsimiz kəsildi”
16:37 04 Avqust 2021
Varisin romanı Türkiyədə çap olundu
15:55 04 Avqust 2021
Valideynlərindən icazəsiz evləndi, içki ailəsini dağıtdı, intim videosu yayıldı – Anar Nağılbazdan 10 fakt
15:00 04 Avqust 2021
41 yaşını qeyd edən kəlbəcərli şair: “Elə ən çətini də budur” - Müsahibə
14:20 04 Avqust 2021
Anar: “Məndən Təhminənin telefonunu istəyirlər”
13:30 04 Avqust 2021
Belarus qızı ovlamaq istəyirdim, dənizdə boğuldum – Gənc yazarın Antalya xatirəsi
12:30 04 Avqust 2021
Gənc rəssamlar üçün ustad dərsləri - Ödənişsiz
12:03 04 Avqust 2021
Azərbaycanlı şair Türkiyədəki yanğına şeir yazdı – Mətn
11:12 04 Avqust 2021
Atam öləndə mənə "iş" tapan müəllimim - Ayxan Ayvaz yazır
10:47 04 Avqust 2021
Yazıçı həmkarını sərt tənqid etdi: “Fiaskodur!”
10:03 04 Avqust 2021
İspanca çıxan “Nəsimi poeziyası” kitabı təqdim olunub
09:37 04 Avqust 2021
Sən əvvəl qoymurdun sevəm səni – Nərmin Kamaldan yeni şeirlər
09:01 04 Avqust 2021
Falçı ona cavan öləcəyini söyləmişdi – Zərdüşt Şəfinin kədərli həyatı
21:00 03 Avqust 2021
Milli Qəhrəman haqqında sənədli film çəkilib
19:00 03 Avqust 2021
Anar Kərimov Yunus Əmrə İnstitutunun nümayəndə heyətini qəbul edib
18:41 03 Avqust 2021
İki dil bilmək uşaqların nitqinə ziyandırmı?
18:21 03 Avqust 2021