Öpüş uşaqlara ziyandır PROTEST

Kino

Ana səhifə
Kino

Öpüş uşaqlara ziyandır PROTEST

27 may 2011

11:37

“Billboard” mükafatları gecəsi yaşanan ən maraqlı hadisələrdən biri Rihanna ilə Britni Spirsin öpüşməsi olub. ABC telekanalından yayımlanan gecədə baş verən bu hadisə amerikan valideynləri hiddətə gətirib.

Kulis.az “Deadline.com” portalına istinadən xəbər verir ki, televiziya üzrə şurada valideynlər belə kadrların axşam saat 8-də verilməsini tənqid ediblər. Valideynlər mükafatlandırma gecəsində baş verən hadisənin təsadüf olduğuna inanmadıqlarını və bunun əvvəlcədən təşkil olunduğunu qeyd ediblər.

Mayın 22-si keçirilən mükafatlandırma gecəsində pop-ulduzlar Rihannanın “S&M” mahnısını ifa etmək üçün səhnəyə çıxıblar. Çıxışın sonunda isə öpüşüblər.

Qeyd edək ki, Britni Spirs bundan əvvəl də belə şou yarada bilmişdi. O, 2003-cü ildə “MTV Musiqi Mükafatları” axşamında Madonna ilə öpüşərək hər kəsi şoka salmışdı.

Valideynlər Disney kompaniyasına məxsus olan televiziya rəhbərliyinə şikayət ərizələri göndəriblər.

Televiziya üzrə Valideyn Şurası ABC telekanalında uşaqların psixologiyasına təsir edə biləcək proqramlara, filmlərə senzuranın müəyyən olunması məqsədilə yaradılıb.

Günel ƏSGƏRZADƏ