Oktyabrın 10-12 tarixlərində Rusiyanın Omsk şəhərində keçirilən "Pora" Beynəlxalq Sosial Reklam Festivalından rejissorumuz medalla dönüb.
Ağacların mühafizəsindən bəhs edən "Nəfəs" sosial video-çarxının rejissorları Ələkbər Əliyev və Şəhriyar Əkbərov, operatoru Əhməd Xəlilovdur.
"Nəfəs" sosial video-çarxı, video reklam üzrə 3-cü yeri tutaraq bürünc medala layiq görülüb. Festivala Rusiya, Ukrayna, Belarusiya, Qazaxıstan, Latviya və başqa ölkələrdən 500-ə yaxın reklam işi təqdim edilib.
