writer1

Səhər Əhməd

Məqalə sayı

197
clock08:30 calendar-gray 21 Oktyabr 2013 view-gray1837 dəfə oxunub
view-gray1837 dəfə oxunub

Başımıza düşən daş

Xəstəxanadaydım. Bir həftəydi ki, real həyatdan qismən, virtual həyatdan tamamilə uzaqdım. Axırda ayrılığa dözməyib elə xəstəxana otağındaca özümü birtəhər topladım və noutbukumu dizimin üstünə aldım.

Cəmi beş-on dəqiqəlik gücüm vardı, odu ki, Facebookda ilk “salam” yazan dosta “əleyküm” yazıb, “necesən?” soruşdum. Dostun cavabı gözlənilməz oldu:

- Xəstəxanadan gəlirəm.

- Niyə?

- Xəbəriniz yoxdu? O sizə şeirlərini göndərdiyim gənc vardı ha, Rövşən Hüseyn...

- Hə.

Xəstəxanadadı. Komada.

- Hə olub axı?

- Başına daş düşüb. Eləcə yolla gedəndə doqquzuncu mərtəbədən suvaq qopub düşüb başına. Vəssəlam. İndi komadadı.

- Səncə ayılacaq?

- Heç üzünü bəri çevirmək istəmir. Bütün günü yanındayıq. Bilirsiz, bircə gün qabaq birlikdəydik. Çay içə-içə sizin şeirlərinizdən danışmışdıq. Eh. Nəysə. Siz necəsiz, niyə görünmürsüz?

Heç bir cavab vermədim, gücüm fərz etdiyimdən də tez bitmişdi. Titrəyən əllərimlə noutbukun qapağını örtdüm.

Ətrafıma göz gəzdirdim. Bu sakit, bomboş xəstəxana odası ilk dəfə gözümə o qədər də dəhşətli görünmədi. Mənim qayıtmağa can atdığım həyata baxanda bura daha güvənliydi. Heç olmasa burda göydən daş düşmürdü.

Bütün mübarizələrin, hətta ən ədalətsiz müharibənin belə qanunauyğunluqları olur. Bircə yaşamaq uğrunda mübarizədən başqa.

Həyat çox əclafcasına oynayır. Onun səni hardan, nə vaxt, necə, ən əsası isə niyə vuracağı məlum deyil. Yaşamaq get-gedə kəndirbazın ip üstündəki yerişinə bənzəyir. Burda nəinki manevr etmək, heç müvazinətini saxlamaq mümkün deyil. Çünki küləyin hansı tərəfdən əsəcəyini bilmirsən.

Hər gün televiziya xəbərlərindən, saytlardan çoxlu bədbəxt hadisələr eşidirik. Sanki həyat bizi durmadan təhdid edir, qorxu altında saxlayır; heç kim bədbəxt təsadüfdən sığortalanmayıb, növbəti qurban sən ola bilərsən, bu sənin də, yaxınlarının da başına gələ bilər...

Və hərdən, lap hərdən düşünürsən ki, sevgisiz də, xoşbəxtliksiz də, azadlıqsız da yaşamaq olar, təki yaxınlarının başına göydən daş düşməsin.

Xoşbəxtlikdən, bu qənaət ani və keçici olur, yoxsa yaşamaq uğrunda mübarizəni tam uduzmuş sayılardıq.

REKLAM

Yazarın digər yazıları

Xəbər lenti

Sabir Əhmədli işğaldakı rayonuna necə qayıtdı?
16:32 17 Aprel 2021
Sirk ustaları bir araya gəldi
14:19 17 Aprel 2021
Şəhid polkovnikin təsirli piano ifası yayıldı - Video
13:28 17 Aprel 2021
Əsəbi gün - Humay Quliyevanın yazısı
12:30 17 Aprel 2021
Gözləri görməyən laçınlı şairin yurd gəzintisi
11:01 17 Aprel 2021
UNESCO Azərbaycan teatrının layihəsini qəbul etdi
10:29 17 Aprel 2021
Ağadadaşın kişi sözü – Elçindən yeni hekayə
09:00 17 Aprel 2021
“Nadir şah. Avşar dövləti” adlı kitab çap olunub
18:53 16 Aprel 2021
Prezident Eldar Quliyevin vəfatı ilə bağlı nekroloq imzalayıb
18:41 16 Aprel 2021
Qəmbər Hüseynlinin 105 illiyi qeyd olunub - Foto
18:17 16 Aprel 2021
Filmimiz Rotterdam Beynəlxalq Film Festivalında
17:29 16 Aprel 2021
Klinton ilk romanını nəşrə hazırlayır: "Terror dövləti" - Foto
16:37 16 Aprel 2021
Azərbaycanlı qadının fotosu Türkiyədə “İlin media fotosu” seçildi - Video
15:49 16 Aprel 2021
Təzəpirdə sinə vurdu, qızlarına görə Moskvada yaşamaqdan imtina etdi, atası onunla işləmək istəmədi – Tanımadığımız Eldar Quliyev
15:01 16 Aprel 2021
Yazıçıya vəzifə verildi
14:47 16 Aprel 2021
Qarabağda qırılan tut ağaclarına elegiya
14:31 16 Aprel 2021
Əməliyyatdan çıxan Zümrüd: “Xərçəng deyiləm” - Açıqlama
13:49 16 Aprel 2021
Həmid Herisçi Seymur Baycandan danışdı: “Təəssüf ki...”
13:02 16 Aprel 2021
Şimşəkdən sonra - İlham Əzizin yeni hekayəsi
12:16 16 Aprel 2021
Eldar Quliyev Fəxri Xiyabanda dəfn olunmayacaq
11:34 16 Aprel 2021