news-inner
clock13:07 calendar-gray 18 Oktyabr 2013 view-gray799 dəfə oxunub
view-gray799 dəfə oxunub

Bakıda amazonlara həsr olunmuş sərgi keçiriləcək

9 ildir, 7 ölkədə (Almaniya, Braziliya, Yunanıstan, Türkiyə, Ukrayna, Gürcüstan, Azərbaycan) və 5 dildə (alman, ingilis, rus, türk, Azərbaycan) aparılan tarixi, etnoqrafik, arxeoloji tədqiqatlar nəticəsini verib.

APA -nın məlumatına görə, Azərbaycan Mədəniyyət və Turizm Nazirliyi, N. Gəncəvi adına Almaniyadakı Mədəniyyət İnstitutu, AMEA və Almaniyanın bir çox qurumlarının dəstəyi ilə Moskva, Sankt-Peterburq və Qafqazın bir çox bölgələrinə - Gürcüstan, Çeçenistan, İnquşetiya, Dağıstan, Osetiyaya 10-a yaxın elmi ekspedisiya təşkil edilib, muzeylərdə, arxivlərdə, fondlarda tədqiqatlar aparılıb, son 170 ilin arxeoloji qazıntıları analiz edilərək əksəriyyəti dünyanın indiyə qədər heç bir sərgisində nümayiş etdirilməyən 500-ə yaxın eksponat sərgi üçün seçilib.

Amazonlar sərgisinin ilk olaraq Bakıda 2014-cü ildə təşkil olunması nəzərdə tutulur.

Amazonların Qafqazda ilk tədqiqatçısı, N. Gəncəvi adına Almaniyadakı Mədəniyyət İnstitutunun direktoru Nuridə Atəşi APA -ya bildirib ki, tədqiqatların elmi nəticələri tarixi döyüşçü qadınlar olan amazonların ilkin məskənlərinin bugünkü Azərbaycan, Naxçıvan, Astara və Qarabağ bölgəsinin olduğunu sübut eləməyə imkan verir.

Onun sözlərinə görə, yalnız Azərbaycanda silahla (ox-yay, qılınc, xəncər, bıçaq, ox qabı, təbərzin balta), bəzək əşyaları ilə (baş bəzəkləri, təbərzin formalı bəzək əşyaları, ağır qol-qıç bilərzikləri, güzgü və s) dəfn edilmiş 20-yə yaxın döyüşçü qadın qəbri analiz edilib: “Amazonların mifologiya deyil, tarixi həqiqət olduqlarını və onların son tunc, erkən dəmir dövründə ilkin yaşayış yerlərinin bugünkü Azərbaycan torpaqları olduğunu və buradan Kür, Araz, Alazan çayları boyunca İberiya, Kaxetiya vasitəsi ilə Qara dəniz sahillərinə, oradan Yunanıstana və bütün dünyaya yayılmalarını sərgidə üç əsas tədqiqat obyektlərinin köməyi ilə nümayiş etdiriləcək: Qobustan qayaüstü rəsmlərində ox-yay, at belində döyüşçü qadın təsvirləri, Naxçıvan, Gədəbəy, Qarabağ, Mingəçevir və digər bölgələrdən aşkar edilmiş silahlarla dəfn olunmuş döyüşçü qadın qəbirləri və qəbirdən aşkar edilmiş əyani arxeoloji nümunələr və Astara döyüşçü daş qadın heykəli, antik müəlliflərin mənbələri, qədim tarixi xəritələr və son 10 ilin arxeoloji tədqiqatları vasitəsi ilə...”

N. Atəşi hazırda AMEA Arxeologiya və Etnoqrafiya İnstitutunda mövzu ilə bağlı “Azərbaycanın hərb tarixində qadının rolu” mövzusunda dissertasiya müdafiə etmək ərəfəsində olduğunu da deyib. O, Almaniya muzeylərində, arxivlərində apardığı tədqiqatlar nəticəsində müəyyən edib ki, SSRİ dövründə Azərbaycanda aparılan arxeoloji qazıntılar zamanı Azərbaycanın tarixi torpağı olan Qarabağ Ermənistan tarixi kimi təqdim olunub, Xocalı-Gədəbəy mədəniyyəti, yüzlərlə tarixi, arxeoloji, coğrafi, etnoqrafik faktlar saxtalaşdırılaraq, Ermənistan tarixinə aid edilib, eyni saxtakarlıq Almaniya və Avropanın elmi mətbuatına, dərsliklərinə də yol açıb.

Bu elmi əsərlərin Azərbaycan dilində tərcümələrində isə bu faktlar yox edilərək, Azərbaycan elmi və tarixi bundan xəbərsiz qalıb. Tədqiqatçı qeyd olunanlarla bağlı Azərbaycan və Almaniyanın müvafiq qurumları qarşısında məsələ qaldırdığını deyib.

news-inner-user

19131 məqalə

Oxşar xəbərlər

Xəbər lenti

Onu repressiyadan Mirzə İbrahimov xilas etdi – Abdulla Şaiq haqqında maraqlı faktlar
21:00 24 İyun 2021
BMT-nin nümayəndəsi Bakıdakı erməni kilsəsində olub
19:02 24 İyun 2021
Nişanını qaytarıb qohumu ilə evləndi, sevgilisi damarlarını doğradı, arvadı ona görə özünü öldürdü – Video
18:15 24 İyun 2021
Nüsrət Kəsəmənlinin oğlu Şuşaya görə medal aldı
17:40 24 İyun 2021
Cinsi yolla çoxalma sona çatır: Seksdən qurtuluş
17:30 24 İyun 2021
Azərbaycanlı prodüser iş yerində öldü
16:47 24 İyun 2021
Xalq şairinin kitabı təqdim edildi
16:44 24 İyun 2021
Kann festivalının münsiflərinin çoxu qadınlar olacaq
16:04 24 İyun 2021
Qasımın metamorfozu – Yeni hekayə
15:37 24 İyun 2021
Nizami haqda musiqi albomu təqdim olunub
14:55 24 İyun 2021
Cem Yılmazdan peyvənd açıqlaması: Bunun üçün axmaq olmaq lazımdır
14:12 24 İyun 2021
Azərbaycan-İraq mədəni əlaqələri müzakirə olundu
13:36 24 İyun 2021
Kəlbəcərli şair ata ocağına getdi, şeirlər yazdı - Fotolar
12:50 24 İyun 2021
Həkim olmaq istədi, 18 ay daş daşıdı, namaz qıldı – Elçibəy haqda 10 inanılmaz fakt
12:11 24 İyun 2021
Bütün azərbaycanlıların əzbər bildiyi şeir – Mətn
11:30 24 İyun 2021
Uyuşdurucudan çürüyən 16 yaşlı Aykalar - Tarqovıda, Neftçilərdə, Qaraçuxurda...
11:01 24 İyun 2021
Gənc şairimizin kitabı Özbəkistanda çap olunub
10:37 24 İyun 2021
Tanınmış yazıçımızın xanımı vəfat etdi
10:05 24 İyun 2021
Ayaz Salayevin başına bəla olan qadın – Zamin Hacı yazır...
09:01 24 İyun 2021
7 yaşında atasını güllələdilər, Rəsul Rza onun xəstələnməsinə dözməyib dünyasını dəyişdi, ərinin öldüyünü axıracan bilmədi – Nigar Rəfibəylinin film kimi həyatı
21:00 23 İyun 2021