Kann festivalında Azərbaycan pavilyonu

Kino

Ana səhifə
Kino

Kann festivalında Azərbaycan pavilyonu

26 may 2011

11:41

Mədəniyyət və turizm naziri Əbülfəz Qarayevin başçılıq etdiyi nümayəndə heyəti Kann kinofestivalda iştirak edib. Bu il beş postsovet ölkəsinin qatıldığı festivalda ilk dəfə Azərbaycanın pavilyonu təşkil olunub.

Kulis.az-ın məlumatına görə pavilyonda ilk olaraq “Dövlət Film Fondu təqdim edir” adlı film təqdim edilib. Bu filmlə Azərbaycan kino tarixi ən kiçik detallarına qədər qonaqlara təqdim, daha sonra “Filmland of Azerbaijan” adlı multimedia kino bələdçisi nümayiş olunub.

İlk pavilyonda əsasən dövlət sifarişi ilə çəkilən, habelə “Salnamə” və “Yaddaş” studiyalarının filmləri yer alıb. Göstərilən filmlər arasında “Sahə”, “Aktrisa”, “İlahi məxluq”, “Hökmdarın taleyi”, “Qırxıncı qapı” bədii filmləri yer alır.

Nümayəndə heyəti festivalın sonrakı günlərində nüfuzlu kino xadimləri, prodüser mərkəzlərinin nümayəndələri ilə görüşlər keçiriblər.

Günel ƏSGƏRZADƏ