news-inner
clock08:45 calendar-gray 02 Dekabr 2013 view-gray4555 dəfə oxunub
view-gray4555 dəfə oxunub

Ögey qızı ilə evləndiyinə görə peşman deyil

Kulis.az rejissor Vudi Allen haqda beş maraqlı faktı təqdim edir.

Səhvdir: “Oskar” mərasiminə heç vaxt qatılmayıb

23 dəfə namizəd göstərilib, 4 dəfə “Oskar” alıb. Belə əfsanə dolaşır ki, guya Vudi Allen heç vaxt “Oskar” mərasiminə qatılmayıb. Qatılıb, amma mükafat almaq yaxud təqdim etmək məqsədi ilə deyil, çox sevdiyi Nyu-Yorkun xətrinə. 2002-ci ildə 11 sentyabrdan sonra düzənlənən ilk mərasimdə terrorda ölənlərin ruhunu şad etmək üçün ən romantik Nyu-York filmlərindən video rolik hazırlanmışdı. Həmin roliki təqdim etmək Vudi Allenə həvalə olunur. O da sevdiyi şəhərin naminə buna razı olur. Və təqdimatda o bu sözləri deyir: “Dörd həftə əvvəl evdə oturmuşdum, birdən zəng gəldi. Zəng eləyən Oskar Akademiyanın nümayəndəsi idi. Panikaya düşdüm. Elə bildim verdikləri “Oskar”ları geri istəyirlər...” Sözügedən təqdimata dəvət edildiyini bilən Vudi “Nyu York üçün hər şeyi edərəm”- deyib razılaşır...

Doğrudur: Ssenarilərini eyni masada, eyni makinada yazır

Asisstenti yoxdur, ofisi yoxdur, ssenarist komandası yoxdur. Ssenarilərini evində, yatağının yanındakı iş masasında, makina ilə yazır. “Alman markası “Olimpus”. 30 ildir bu makinada yazıram. Qeydlərimi heç kim başa düşə bilməz”.

Doğrudur: Aktyor seçimi 10-15 saniyə sürür

Filmə aktyor heyətinin seçilməsi prosesində Allenin özünəməxsus və qeyri-adi ritualları var. 40 ildir-ilk filmindən bəri-eyni kastinq rəhbəri Culliyet Teylor ilə işləyir. Seçim prosesində Vudo otağın bir küncündə eləcə səssiz-səmirsiz oturur. Ssenari yox, məşq yox. Aktyora sadəcə bir nəzər salması bəs edir. 10-15 saniyə içində aktyor “gəldiyiniz üçün təşəkkür edirik” deyib yola salır.

Səhvdir: Çəkilişlərdən qabaq Hollivud ulduzları ilə qaynayıb-qarışır

Aktyorların dilindən “Vudi… Vudi…”-nin əksik olmamağına baxmayın. Təkliflərin verilməsi, ssenarilərin çatdırılması qeyri-adi rituallarla həyata keçirilir. Ssenari için Vudinin komandasından biri Nyu-Yorkdan çıxıb aktyorun evinin olduğu şəhərə uçur. Səhər tezdən aktyorun evinə çatan nümayəndə ssenarinin bir nüsxəsini ona verir və axşam saat 5-ə qədər oxuyub qərar verməsi üçün qapının ağzında gözləyir. Məqsəd odur ki, aktyor ssenarini başqalarına ötürə bilməsin. Ssenarinin kənarına Vudi Allen bir qeyd də yazıb yapışdırır: “Salam, Skarlett. Bu yay Londonda bir film çəkirəm. Noa Rays obrazını sənin canlandırmağını istəyirəm. Ümid edirəm ssenarini bəyənəcəksən. Bəyənməsən kağızları məhv et. Ümid edirəm bir gün birlikdə işləyə bilərik… Böyük heyranınam…”

Doğrudur: Ögey qızı ilə evləndiyinə görə peşman deyil

“Qalmaqalımı? Nə qalmaqalı?”- deyir Allen. 1992-ci ildə Vudinin 10 illik sevgilisi Mia Forrounun 20 yaşındakı qızlığı Sun Yiyə aşiq olduğunu etiraf etdiyi günə dönək. Forrounun Allenin siyirməsindən qızın çılpaq fotolarını tapması ilə başlayan qalmaqal uzun müddət “Time”, “Newsweek” kimi jurnalların üz qabığından düşmədi. “New York Times”ın, “Daily Mail”in manşetlərinə mövzu oldu. Ancaq Vudi Allen bu qalmaqallara ironiya ilə yanaşırdı. Müsahibələrinin birində deyir: “Mən burda heç bir skandal görmürəm. Mən bir qızla tanış oldum, ona vuruldum və evləndim. 15 ildir çox xoşbəxtik. İnsanlar bunu skandal kimi görə bilər. Mənim üçün problem deyil.

Mənbə: “Hürriyet.com.tr”

Qeyd: Dünən Vudi Allenin 78 yaşı tamam olub.

Oxşar xəbərlər

Xəbər lenti

Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021
Azərbaycanlı musiqiçi vəfat etdi
16:20 08 May 2021
Gənc yazardan yeni hekayə: Şlaqbaum
15:39 08 May 2021
Aktyor kitabxananın qonağı oldu
15:01 08 May 2021
Musa Yaquba sevgi və iztirabla - Kamal Abdulla yazır...
14:20 08 May 2021
Çingiz Hüseynovun ən çox sevdiyi 10 roman - Siyahı
13:36 08 May 2021
Xalq şairi Musa Yaqub dəfn olunub - Fotolar
12:37 08 May 2021
Şeir yazmağa Stalinə görə başladı, evli ola-ola bir qadına vuruldu, arvadı sevgilisinə yazdığı şeirləri gizli oxudu – Musa Yaqubun nağıl kimi həyatı
12:30 08 May 2021
Xalq artisti koronavirusdan dünyasını dəyişdi
11:38 08 May 2021
Şuşanın Mədəniyyət paytaxtı elan olunmasının 10 tarixi dərsi
11:10 08 May 2021
Ölən adamdan şair olar? - Gənc şair Fikrət Qocaya şeir həsr etdi
10:35 08 May 2021
Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021