news-inner
clock11:29 calendar-gray 13 Sentyabr 2013 view-gray2871 dəfə oxunub
view-gray2871 dəfə oxunub

Azad Yaşarın təzə şeirləri MƏTN

Kulis.Az Azad Yaşarın konseptual şeirlərini təqdim edir.

İnsest ehtimallı Edip kompleksi

Gənc aktyorun

filmdə və ya tamaşada

anasının rolunu oynayan

aktrisa ilə

real həyatda sevişməsi

nə dərəcədə

insest faktı sayıla bilər?!

Maşinistin diceyliyi

Bu səhər metro maşinisti

öz işinin

yeknəsəkliyindən bezib,

diceyliyə girişdi və

görün, neylədi:

dinamiklərdən səsi gələn o gözəgörünməz xanım

çatdığımız stansiyanın adını deyib,

qapıların bağlandığını xəbər verəndən sonra

bir-birimizlə diqqətli davranmağı,

qocalara, əlillərə və uşaqlı qadınlara yer verməyi

bizlərə məsləhət gördü.

«Növbəti stansiya…» demişdi ki,

maşinist

əsl dicey məharətiylə qadının səsini tamam azaltdı

və еlana

«Gənclik» sözünü əlavə elədi.

Qara yumor

Öldüyü sanılan qadının

böyür-başında əyninə mavi xələt geyinmiş

bir kişi dolaşır və əlindəki şərid metrlə ölçü çıxarır.

Qəfildən «canlanan» cəsəd soruşur:

«Həkim, niyə məni müalicə eləmək əvəzinə,

enimi-uzunumu ölçürsünüz?»

Cavab qadın üçün gözlənilməz olur:

«Mən həkim deyiləm, xanım, tabutçuyam».

«Bəs onda mən burada neyləyirəm?»

«Bura bax! Əl-ayağını uzadıb,

tez və öz xoşunla öl,

yoxsa səni…

diri-diri torpağa basdırmalı olacağam».

Özünə cəza seçmə imkanı

Qəfəsdə tutmağınla

yetinməyib,

hələ durub bir də

zavallı quşu

cəzalandırmaq istəyirsənsə,

onda tək yol –

onu açıb qəfəsdən, yəni sərbəst buraxmaqdır.

Əgər rahat yem və su

tapmayacağını anlayıb,

könüllü qaydada

təkrar qəfəsə dönərsə,

bu, onun

özünə kəsdiyi ən ağır

cəza olacaq hər halda.

Maşın yağmuru

Məhəlləmizdə

hər səhər

maşınlar elə sürətlə artır ki,

sanarsan

gecələr göydən yerə

səssizcə

və çeşid-çeşid

maşın yağır.

İtirilənlər – tapılanlar

Axtaran insan çox vaxt

öz itirdiyini yox,

başqalarının itirdiklərini tapır

və buna görə də

onları yiyələrinə qaytarmağa

hər hansı gərək duymur.

Ona görə də dünyada

nə isə itirənlərin sayı

tapanlarınkından daha çoxdur.

Çünki bəzi şeylər

bir daha tapılmamaq üzrə

və həmişəlik itirilir.

https://www.facebook.com/azadyasharofficial

news-inner-user
Azad Yaşar

83 məqalə

Oxşar xəbərlər

Xəbər lenti

Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020
Dünyanın sonuncu tənha adamı - Kamal Abdullanın romanları haqda...
16:58 11 Avqust 2020
Nənəmin laylası öpür üzümdən – Şeirlər
15:44 11 Avqust 2020
Məşhur şairin məzarı tapıldı - Foto
14:52 11 Avqust 2020
İntihar edən məşhur aktyorun həyatı film olur
14:01 11 Avqust 2020
Sevdiyi kişidən məcbur ayırdılar, əri xalası qızıyla evləndi, gənc yaşında xiffətdən öldü – Faciələrə dözməyən “Nəsimi”nin Şəmsi
13:11 11 Avqust 2020
Uşaqlıqda hərbçi atamın, gənclikdə hərbçi sevgilimin yolunu gözləmiş adamam – Fəridə yazır...
12:06 11 Avqust 2020
"Azərbaycan Böyük Vətən müharibəsi illərində" kitabı nəşr olunub
11:27 11 Avqust 2020
Əri hamilə yoldaşını dənizdə niyə boğdu? - Günel Natiq yazır...
10:42 11 Avqust 2020
Sevda Ələkbərzadə yeni mahnısını təqdim etdi - Video
10:05 11 Avqust 2020
Atamın əlləri - Sərdar Aminin yeni hekayəsi
09:01 11 Avqust 2020
Özünü Ancelina Coliyə çevirən gənc oğlan - Fotolar
18:43 10 Avqust 2020
İlğım - Şəhla Nihanın yeni hekayəsi
17:59 10 Avqust 2020
Kinonun böhrana təsiri - Çarli Çaplin nə demək istəyirdi?
17:14 10 Avqust 2020
Mədəniyyət nazirinin müşaviri və şöbə müdirləri vəzifəsindən azad edildi
16:24 10 Avqust 2020
Rusların Yer planetində açdıqları "Cəhənnəm qapısı": Əlli ildir, bağlaya bilmirlər - Foto
16:02 10 Avqust 2020
Yazıçı Səfər Alışarlının yeni kitabı çap olundu
15:45 10 Avqust 2020