news-inner
clock08:15 calendar-gray 31 Avqust 2013 view-gray1685 dəfə oxunub
view-gray1685 dəfə oxunub

Evin böyük uşağı olmağın çətinlikləri

Böyük bacı, yaxud qardaş olmaq həqiqətən gözəl hissdir. Amma yeri gələndə müxtəlif çətinliklər ortaya çıxır. Həmin çətinliklərin bəzilərini təqdim edirik.

“Axı o balacadır”

Evin böyük uşağının ən çox eşitdiyi cümlədir. Balaca uşaq ona istədiyini edər, amma o əsəbiləşib qışqırsa, günahkar çıxar. Üstəlik ata-anadan da danlaq eşidər: “O balacadır, başa düşmür, sən ki böyüksən!”.

Özünə alınanları yeyib böyük uşağınkılara göz tikmək

Balaca uşaqların ən çox sevdiyi şey yəqin ki budur. Ata iki dənə şokolad alır, böyük uşaq şokoladı açınca balaca uşaq özününkünü tez yeyib qurtarır. Çünki arxayındır ki, biri də var. Başlayır ağlamağa. Ana da “qardaşın indi bunu yesin, sənə sonra alarıq” deyir.

Balacaların əşyaları qırıb dağıtmağı

Böyüklər həvəslə bir şəkil çəkər, yarım saatdan sonra həmin şəklin üstündə ya tüpürcək, ya da başqa cızma-qara, ən pis halda balkondan atıldığını görərlər. Mobil telefonu suya atar, televizorun pultunu gizlədər, ən sevimli oyuncaqları qırar, amma ona “gözün üstə qaşın var” deyən tapılmaz.

Daha çox diqqət

Balaca uşaq dünyaya gəldiyi gündən diqqət mərkəzində olur. Ana bir neçə günlük yoxa çıxır, bir də görürsən əlində bir uşaqla evə gəlir və böyük uşağın həyatı tamamilə dəyişir. Əvvəllər şahzadə kimi yaşadığı evdə indi adi bir adama çevrilir.

20 yaşında da çörək almağa göndərilmək

“O balacadır, 50 metr uzaqlıqda olan mağazaya gedəndə itər, maşın vurar” və s. kimi min cür bəhanəylə böyüyü çörək almağa göndərirlər.

Həmişə nümunə olmaq məcburiyyəti

Böyük uşaqlar bəlkə də vecsiz, avara biri olmaq istəyir. Amma olmaz, böyüksənsə nümunə olmalısan. Balaca isə böyüyün olmaq istədiyi hər şey ola bilər. Heç kim səsini çıxarmaz.

Planların yarımçıq qalar, uşağa baxarsan

Böyük uşaq dostlarıyla axşam bir yerə vaxt keçirmək, kinoteatra getmək istəyir bəlkə də, amma qəfildən nənəsinin xəstələndiyini eşidər, valideynlər tələsik evdən çıxar və balaca qardaşına, yaxud bacısını ona əmanət edərlər. Bəs böyük qardaş, bacı hansı gün üçün lazımdır? Dostları əylənəndə o da uşağın dalınca qaçar.

Balaca uşağın çox vaxt daha yaraşıqlı-gözəl olmağı

İlk uşaqlar çox vaxt təsadüfi dövrlərdə dünyaya gəldiyi üçün bəzi qüsurları olur. İkinci uşaq isə valideynlərin şah əsəri kimidir. Hələ aralarında yaş fərqi azdırsa, çoxlu problemlər yaranır. Məsələn, böyüyün xoşladığı qız yaxınlaşıb balaca qardaşın nömrəsini istəyir, böyük də qalır yana-yana.

“Səni qardaşıma döydürəcəm” cümləsindəki “qardaş” olmaq

Balaca qardaş gedib kimlə gəldi dava edər, Şvarsnegger kimi oğlanlara bağıra-bağıra “Qardaşıma deyəcəm dərsinizi versin!” deyər. Heç düşünməz ki, qardaşım onları döyə bilər, ya yox. Böyük uşaq da qardaşının yanında pərt olmamaq üçün gedib dava edər və çox vaxt döyülər, ya da diplomatik bacarığını işə salıb davasız aradan çıxar.

Balaca qardaşın xəbərçilik eləməsi

Valideynlərin bilməyini istəmədiyi bir şey edən böyük uşağı həmişə balacalar “satar”. Bir qab sındırsa, ən balaca qırıntısına qədər təmizləsə də, balaca uşaq hadisənin şahididirsə, mütləq işin üstü açılar. Balaca əvvəl-axır gedib ana-ataya xəbərçilik edər.

news-inner-user
Rəna Nevzat

298 məqalə

Oxşar xəbərlər

Xəbər lenti

Qəbirdə molla ölünün qulağına nə deyir? – Mənasını bilmədiyimiz sirli dəfn adətlərimiz
12:10 14 İyun 2021
“Son zəng”lə bəkarətini itirənlər
11:38 14 İyun 2021
Dahi yazıçıdan yığcam bir şeir - Kimdir ki bu dəniz?
11:01 14 İyun 2021
“Tərəkəmə qadın” filmi çəkilir
10:30 14 İyun 2021
Aysel Əlizadəyə küçədə hücum ediblər: Yazıçı polisə müraciət edib
09:56 14 İyun 2021
Hacıbaba Bağırovun həyat yoldaşı: “Hacının dostu mənə evlilik təklif etdi” - Müsahibə
09:00 14 İyun 2021
Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur özündən yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021