Kulis.Az-ın “Tək kəlmə” layihəsinin qonağı yazıçı Seyran Səxavətdir. Bu layihədə qonaqlar tək kəlməlik suala qısa və assosiativ cavablar verir.

- SSRİ

- Qüdrətli və qorxulu dövlət.

- Uşaqlıq

- Ən təmiz, ən gözəl ərazi. Uşaqlığın pisi olmur. Baxmayaraq ki, yetimliklə böyümüşəm, amma ən gözəl vaxtlarımdı mənim.

- İran

- Qədim İran musiqisi, İran xanəndələri.

- AYB

- SSRİ vaxtından siz bu sualı verənədək fəaliyyət göstərən təşkilat.

- Qarabağ

- Qarabağ assosiasiya deyil, Qarabağ yaradı. Yara assosiasiya olunmur, ağrıyır. Ona məlhəm axtarırsan.

- Ailə

- Gözəl birlikdi, bəşəriyyətin davamı üçündü.

- Milli

- Nimdaş bir assosiasiya oyadır. Bu sözü o qədər işlədib köhnəldiblər ki...

- Allah

- İçimizdəki sevgi.

- Cənnət

- Realist yazıçıyam, görmədiyim şey haqda düşünmürəm. Deyirlər orada Tuba ağacı var, onun altında nə arzulasan, ona yetirsən. Onun altında nə arzuladığımı soruşsanız, deyərəm. İndi nə desəm nisyə söhbət olacaq.

- Qocalıq

- Çox yaxşı şeydir. Niyə pis olsun? Ona qədər sən uşaqlıq, gənclik yaşamısan. Kim onu ömrün kontekstindən çıxarırsa əbləh adamdı.

- Ziyalı

- Yəqin Azərbaycan ziyalısı nəzərdə tutulur. Mənim gözümün qabağına nöyüt lampası gəlir. O vaxt elektrik olmayanda nöyüt lampası yandırırdılar. Bəzən dükançı da nöyütə su qatırdı, ona görə çırağın piltəsi yananda pır-pır edirdi. Ziyalı deyəndə o cür pır-pır eləyib yanan nöyüt lampasını düşünürəm.

- Yusif Səmədoğlu

- Dünyanın ən rahat adamı. Onu heç nəylə təəccübləndirmək olmurdu. Hər gün hiss edirsən ki, o çatmır.

- Milli Məclis

- Assosiasiyaya gəlmir.

• Həqiqi hekayə - Dilan Tomas
• Sallaqxana zirzəmisində əsir saxlanıldı, bacısının uşaqlarını övladlığa götürdü - Kurt Vonnequt niyə intihara cəhd etmişdi?
• Rəssamlıq Akademiyasında “Ahəng” adlı fərdi sərgi açılıb