news-inner
clock13:40 calendar-gray 17 İyul 2013 view-gray1474 dəfə oxunub
view-gray1474 dəfə oxunub

Elza Kərimova haqqında yazılanları təkzib edir

Yazıçı Şərif Ağayarın bu gün Kulis.az saytında yayımlanmış “Əli Kərimin öldürüldüyü yer” yazısına mərhum şair Əli Kərimin həyat yoldaşı Elza Kərimovadan etiraz gəlib. Bununla bağlı Kulis.az Elza xanımdan qısa müsahibə alıb. Həmin müsahibəni təqdim edirik.

- Şərif Ağayarın yazısı ilə bağlı konkret nədən narazısınız?

- Konkret ondan narazıyam ki, o adam kimdirsə başından böyük danışır, mən onu məhkəməyə verəcəyəm. Əli 44 ildir rəhmətə gedib. O yazını yazan Əliylə oturmayıb, Əlini tanımır. Tanıdığınız, inandığınız bütün yazıçılardan soruşun görün Əli Kərimin qayınanası, qayınatası, arvadı necə adamdırlar? Onlar Əlini necə qoruyub? Əlinin ailəsinə necə baxıblar?

- Əli Kərim çox içmirdi?

- Yox, Əli içirdi. Çox içirdi. Amma biz Əlini qorumuşuq. Başa düşürsünüzmü məni?

- Deyirsiniz ki, Əli Kərimə şər atırlar?

- Bir daha xahiş edirəm sizdən Əlinin yaşıdı olan yazıçılardan, şairlərdən soruşun ki, Əlinin arvadı, qayınatası, qayınanası Əliyə, onun balalarına necə baxıblar? Arvadı necə tərbiyədə olub? Əli öləndən sonra nə edib onun arvadı?

- Şərif Ağayar yazıb ki, siqaretin külünü arağın içinə qatıb içirdi. Belə bir şey olmayıb?

- Əli papiros çəkməyib. Mənim 75 yaşım var, niyə mənə inanmaq istəmirsiniz?

- Siz xatirələrinizdə yazmısınız ki, Əli Kərim əsasən çaxır içirdi.

- Bəli, çaxır çox içirdi. Mən Əliyə görə dünya ədəbiyyatını oxumuşam. Mən Əlini qıraqdan müşahidə edən biri kimi yaşananları yazdım ki, qoy bilsinlər ki, Əli Kərim kim olub. Yazdım ki, bəli, Əli içirdi. Bunu dost da bilir, düşmən də. Əlinin ailəsinin yükünü onun qayınatası çəkib. Bunu heç kəsə deməmişdim, indi sizə deyirəm.

- Məqalədə Əli Kərimi Rəsul Rza ilə danışandan sonra “öldürdüldüyü” deyilir...

- Rəsul Rza Əliyə qardaş kimi də yox, oğul kimi baxırdı. Azərbaycan ədəbiyyatında Əli Kərimi Rəsul Rza kimi sevən adam olmayıb. Rəsul Rza öldürdü Əlini? Utanmırlar? Mən hər il gedirəm Rəsul Rzanın məzarını ziyarət etməyə. Bu il də ayaqlarım tutulmuşdu, sürünə-sürünə getdim. Çünki Rəsul Rza kimi Əli Kərimi qiymətləndirən ikinci adam olmayıb. Əli öləndən sonra onun iki cildliyi çıxmışdı, Rəsul olmasa buraxılmırdı. Rəsul elədi.

- Kitabda ev probleminə toxunmusunuz. Adını çəkmədiyiniz yazıçının sizə verilməli olan evə yiyə durduğunu yazmısınız. Həmin yazıçı kim idi?

- Deməli Altay Məmmədov kooperativ binadan, dəniz qırağınan ev almışdı. O Əlinin qardaşı, dostu idi. Altaya dedilər ki, sən gəncəlisən, Bakıda olmaz, evdən çıx. O da gəldi mənə dedi ki, pulunu vermişəm, get, evi al. Bilirdi ki, biz kasıbıq. Gəldim Yazıçılar İttifaqına. Mirzə İbrahimov məni qəbul eləmədi. Novruz Gəncəli məni qəbul elədi. Dedi Əli ölüb, uçotu da yoxdur. Deməli, Mirzə İbrahimov həmin mənzilin yerləşdiyi bütün mərtəbəni qızına aldı. Mirzə İbrahimov mənə ev vermədi. Ondan sonra tüpürdüm, dedim, getmirəm Yazıçılar İttifaqına. Anar katib olandan sonra getdim ora. Sonda onu demək istəyirəm ki, o Əlidən yazan kişi kimdirsə bilsin ki, Elza aciz adam deyil. Əli öləndən sonra o qədər mübarizə aparmışam ki, bərkimişəm. Getsin öz dərdini çəksin. Əli Kərimin adını çəkib özünə onun yanına qoymasın. Onu məhkəməyə verəcəyəm.

Oxşar xəbərlər

Xəbər lenti

190 manatlıq qarpızı təpikləyən yutuber
19:41 11 İyul 2020
Əruz vəznində yazılmış ən gözəl təbiət şeiri - Mətn
17:01 11 İyul 2020
Kəramət Böyükçöl: "Məşhurluğumun arxasında dura bilmirəm" - Video
16:29 11 İyul 2020
Özgə adam - Xəyyam Rəfilinin hekayəsi
15:42 11 İyul 2020
Polşa fondu Bakıda müsabiqə elan etdi
14:51 11 İyul 2020
İcazə verək, insanlar Allahlarıyla dalaşsın
14:07 11 İyul 2020
Qarajda yaşayan Əməkdar artistin ürək parçalayan son sözü - Maraqlı Faktlar
13:15 11 İyul 2020
Məktublarda gizlədilmiş sevgilər - Malik Atilayın yeni şeirləri
12:08 11 İyul 2020
Sadəcə, Şahin
11:18 11 İyul 2020
Orxan Pamuk Qərbə yarınır - Şəhriyar yazır...
10:21 11 İyul 2020
Tofiq azərbaycanlı qızı ləkələyir, rus qızıyla evlənir – Məşhur filmin pərdəarxası
08:59 11 İyul 2020
"Sabir Rüstəmxanlı ilə Sirus Təbrizlini atam bu otaqda barışdırdı" - Sabir Əhmədlinin evindən reportaj
21:01 10 İyul 2020
Türkiyəli aktyor ölümlə təhdid olunur
18:17 10 İyul 2020
Əti, sümüyü var, qanı yoxdur – Həmkarları İlham Əzizi tənqid edir...
17:29 10 İyul 2020
Berqmanın filmi əsasında serial çəkilir
16:39 10 İyul 2020
Azərbaycanlı müğənni koronavirusdan sağaldı
15:50 10 İyul 2020
Əliağa Vahidi ölümdən qurtaran dostu - Maraqlı faktlar
15:07 10 İyul 2020
Dördbucaqlı qətl hadisəsi – Əli Şirin Şükürlü yazır
14:20 10 İyul 2020
“Çəkməli pişik” onlayn göstəriləcək
13:39 10 İyul 2020
"Heç yerə çıxarda bilmirik" - Vaqif Bayatlıdan xəbər var
12:52 10 İyul 2020