news-inner
clock11:11 calendar-gray 16 İyul 2013 view-gray1478 dəfə oxunub
view-gray1478 dəfə oxunub

Kamal Abdulla: “O uşağı hələ öldürməyiblər?” MÜSAHİBƏ

Dünən müxtəlif media orqanlarında gənc şair Emin Pirinin çıxışları dərc edilib. Gənc şair bu çıxışlarında Kamal Abdullanı onu ölümnlə hədələməsini deyib. Məsələ ilə bağlı Kamal Abdulla ilə blitz müsahibəni təqdim edirik.

-Kamal müəllim, sizin son böyük müsahibənizdən sonra tənqid etdiyiniz adamlar, təşkilatlar Sizə qarşı kompaniya başladılar. Cəlil Cavanşir bu hücumların arxasınca duran tənqidçinin də adını açıqlamışdı…

-İndi nə yazırlar?

-Emin Piri yazır ki, Siz onu öldürməklə hədələyirsiniz. Gecə saat 3-də evinə zəng elətdirib bu hədənizi ona çatdırıblar.

- (təəccüb içində) Onu hələ öldürməyiblər? Mən axı adamlarıma dəqiq göstəriş verib Bakıdan çıxmışam. Onu artıq öldürməliydilər. Belə də idarəçilik olar? Görürsən, hətta mənim də sözümə düz-əməlli baxmırlar. Eybi yox, geri dönəndə bu işə bir əncam çəkərəm.

- Neyləyəcəksiniz ki?

- İlk əvvəl əmrimi vaxtında yerinə yetirməyənləri cəzalandıracağam. Özü də çox ağır şəkildə. Sonra növbət həmən gəncə çatacaq. Sonra onun "mürşidinə", yaxud da "mürşidlərinə".

- Kamal müəllim, axı gəncdir,bəlkə fikrinizdən vaz keçəsiniz...

- İstərdim vaz keçəm. Qüsura baxma. Artıq gecdir. Ox yayından çıxıb. "Zakaz" verillib.

- Axı bu adamın günahı nədir? Nə üçün o öz həyatını gənc yaşında itirməlidir ki?

- Vallah, günahı nədir, ümumiyyətlə günahı vardır, yoxdur, mən özüm də düz-əməlli bilmirəm. Mən belə adamam. Heç bir günahı olmayan adamları öldürməkdən, təhdid etməkdən, döydürməkdən, min cür əzab verməkdən həzz alıram.

- Bu oğlanı tanıyırdınız?

- Mən əvvəl elə bilirdim, o bir sektanın üzvüdür. Belə deyilmiş. Bir az əvvəl o sektanın mürşidi mənə zəng eləyib Allaha and içdi ki, onun bu işlərdən xəbəri yoxdur. Məni yenə böyük və qüdrətli yazıçı bilir və biləcək. Səsi telefonumda qalıb. Bu uşaq özü özbaşına hərəkət edir. Yəni, "odinoçkadır". Mən o "mürşidə" inandım. Belədisə, cəzalanmalıdır. Cəza verməkdə fikrim qətidir. Çünki osektanın adını hələ çəkmək istəmədiyim başqa bir müridi mənə yazıb ki, Kamal müəllim, bütün bu məsələlər əvvəlcəçayxanalarda götür-qoy edilib, ölçülüb-biçilib... Sizə şər atmağın yolları dəqiq müəyyənləşdirilib. Siz onları hökmən cəzalandırmalısınız. Məndən bunu xahiş edənlər var. Özü də sektanın içindən.

- Necə düşünmüsüz cəzanın yerinə yetirilməsini? Barı əzablı olmayacaq ki, cəza?

- Əzablı olmasa ləzzəti olmaz. Mən onda mən olmaram ki. Uşaqdı, başa düşürəm, amma o, böyük yerişi yerimək istəyib. Cəzasını alacaq. Mən belə tapşırmışdım. Ətini kəsib qiymə-qiymə etsinlər, qulaqlarını ət maşınından keçirsinlər, sümüklırini həll bişirsinlər...

- Müəllim, bəlkə bunun həqiqətən günahı yoxdur?

- Bişirilmiş bu yeməkdən mürşidi Əsəd Cahangirə versinlər. Yedisə, həmən oğlanın günahı yoxdur. Yemədisə, var. Və yaxud əksinə.Bir də bilirsən, Qan Turalı, nə var? Əsas olan cəzadı, yerdə qalan...

- ... Təfərrüatdır?

- Ay sağ ol. Hardan gəldi bu söz ağlına?Təfərrüatdır ki var.Haman adını çəkdiyin o başabəla məqaləni, deməli, həqiqətən, oxumusan və elə bilirəm ki, çıxardığın nəticə doğrudur.

news-inner-user
Qan Turalı

228 məqalə

Oxşar xəbərlər

Xəbər lenti

Nəriman Qasımoğlu: “Atam sovet dövrünə görə tövbə elədi” - Müsahibə
21:00 28 İyul 2021
Sənət müsabiqəsi elan olundu - Mükafat fondu 50 min avro
19:00 28 İyul 2021
Qobustanda Hindistan qalereyası açıldı
18:20 28 İyul 2021
“Ev dustağıyam” kitabının təqdimatı olub
17:25 28 İyul 2021
Bu mənəm - şairlərin yuxusuna gizli kamera yerləşdirən – Güneydən şeirlər
16:40 28 İyul 2021
Bakıda yeni fotosərgi açılacaq
16:00 28 İyul 2021
“Nimdaş” müxbirin dönər sifarişi - Ulucay Akif yazır...
15:29 28 İyul 2021
Müslüm Maqomayevin heykəlinin yeri müəyyənləşdi
15:01 28 İyul 2021
Səndən ayrılanda, dağlar, cavandım - Günün şeiri
14:15 28 İyul 2021
Boşanmadan ikinci qadınla evləndi, ölümündən sonra oğlu meydana çıxdı, müəmmalı qəzada öldü – Səxavət Məmmədovdan 10 maraqlı fakt
13:30 28 İyul 2021
Səməd Səmədovun dəfninə gəlmədilər - Giley
12:40 28 İyul 2021
İşıqları keçirib yazanlar
12:00 28 İyul 2021
Dərnəgülün qansoranları – Vüsal yazır…
11:20 28 İyul 2021
“Fəryad 2” filminə kişi axtarırlar – 15 manata
10:40 28 İyul 2021
Müğənni 56 yaşında öldü
10:05 28 İyul 2021
Votsapda beş roman yazan xanım: “Mənim davam internetdəki əxlaqsız kişilərlədir” - Müsahibə
09:00 28 İyul 2021
Homoseksual kralın aşiq olduğu bəstəkar
21:00 27 İyul 2021
Özbək şairi 44 günlük müharibədən kitab yazdı
18:51 27 İyul 2021
Adam öldürmək istəyirəm - Yeni hekayə
18:01 27 İyul 2021
Bakıda caz müsabiqəsi elan olunub
17:09 27 İyul 2021