“İnsan nə qədər ağıllıdırsa, bir o qədər içkiyə meyl edir”. “New Scientist” jurnalının yazdığına görə bu nəticəyə bir qrup amerikalı və ingilis alim gəlib.

Alimlərin fikrincə, insanın IQ göstəricisi nə qədər yüksəkdirsə, o qədər çox içir.

Alimlər könüllüləri IQ göstəricilərinə görə 5 qrupa bölərək onlardan içki barədə soruşublar.

Bəlli olub ki, intellektuallar hamıdan çox içir. Orta səviyyəli intellektə malik olanlar spirtli içkilərdən asılı deyillər. Onların arasında içməyənlər daha çoxdur. Ekspertlər hələlik bunun səbəblərini izah edə bilmirlər. Ancaq burada birbaşa asılılığın olduğunu bildirirlər.

Bəlkə də bu və ya başqa səbəbdən məşhur şəxslərin adı tez-tez içki ilə birlikdə hallanır.

Tanınmış və məşhur içki düşkünləri. Alkoqol asılılığından yaxa qurtara bilməyən məşhurların haqqında çoxlu kədərli əhvalatlar mövcuddur. (Bəzilərində bu asılılıq narkotik vasitəsilə daha da çətinləşib). Təəssüflər olsun ki, çoxlu sayda istedadlı aktyor, musiqiçi, rəssam, modelyer, yazıçı, hətta idmançılar içki ucbatından həyatdan vaxtsız köçüblər.

Vladimir Vısotski, Merlin Monro, Elvis Presli, yazıçılar - O. Henri, Doroti Parker, Ernest Heminquey, Edqar Alan Po ,müğənni Emmi Uaynhaus, aktyor Vladislav Qalkin, futbolçu Valeri Voronin.

Əfsuslar olsun ki, tanınmış alkoqoliklərin siyahısını uzatmaq olar.

Ancaq bütün bunlarla bərabər, bəzi məşhur alkoqoliklər normal həyata qayıda biliblər. Britni Spirs, Paris Hilton, Uitni Hyuston, Rinqo Starr, Conni Depp, Raymond Pauls, Aleksandr Rozenbaum, Yuri Şevçuk, Aleksey Nilov-bunlar hamısı keçmiş alkoqoliklərdir. Onların normal həyata qayıtmalarına ölüm və ağır xəstəlik qarşısında qorxu, doğmalarının dəstəyi, reabilitasiya mərkəzlərində müalicə və əlbəttə ki, məhəbbət böyük rol oynayıb.

• Daha bir ölkə "Avroviziya 2026"da iştirakdan imtina etdi
• Ənənəvi psixologiyanı sarsıdan alim
• Nobel mükafatçısı: "Zorakılıq və gözəlliyin iç-içə olduğu dünyada məsumiyyət mümkündürmü?" - Müsahibə