news-inner
clock11:35 calendar-gray 08 İyul 2013 view-gray1682 dəfə oxunub
view-gray1682 dəfə oxunub

Məşhur rejissorun dəfninə niyə 11 nəfər gəldi?

Sevda Sultanova

Ötənlərdə alman mətbuatında gözümə bir başlıq dəydi: “Penelopa Kruzu kəşf edən rejissor öldü”.

Söhbət ispan rejissoru Biqas Lunadan gedir. Onun yaradıcılığı ilə ilk tanışlığım keçən ilin sonlarına təsadüf edir. Lunanın “Vetçina, vetçina” dramını izləmişdim. İxtisasca rəssam, dizayner olan Luna bu filmdə ehtirasla, dəlisovluqla dolu tipik ispan əhvalatı danışır.

Lunanın ölüm xəbərindən sarsıldım.

Adətən baxdığım filmlərin müəllifləri, filmlərdə rol alan aktyorlar, bəzən filmin operatorları, ssenaristləri, bəstəkarları haqda ətraflı məlumat almaq üçün uzun-uzadı internetdə dolaşıram.

Bu insanların yaradıcılığı, şəxsiyyəti ilə tanış olduqca aramızda bağ yaranır, yad adamlar mənə doğmalaşır, istər-istəməz həyatımın əhəmiyyətli, ayrılmaz parçasına çevrilir.

Onların həyat hekayətlərindəki kədərli məqamlarla tanışlıqdan sonra qəlbimi izah edə bilmədiyim xiffət hissi sarır, sanki məndə də nəsə ölür, qırılır.

Həmişə olmasa da ara-sıra onları xatırlayıram, çox vaxt da bu xatırlamalar assosiativ baş verir: bir detal, cümlə, kadr, küçədə rastlaşdığım, tanımadığım insanın cizgisi...

Bu insanlar ayrı-ayrılıqda iradəmdən asılı olmadan yaddaşımın dərin qatlarında yaşayır.

Ən çox kədərləndiyim əhvalatlardan biri Amerikanın önəmli rejissorlarından sayılan Nikolas Reyin 1950-ci illərin gənclərinin cəmiyyətdə yerini tapa bilməməyindən, övlad-valideyn münasibətlərinin nahamarlığından bəhs edən “İdealsız qiyamçı” filmində üç əsas qəhrəmanı oynayan aktyorların sonrakı faciəli həyatı olub.

Bu film hər üç aktyorun sonrakı taleyini sanki lənətləyib.

Baş rolların ifaçıları Din Ceyms 24 yaşında avtomobil qəzasında, Natali Vud 43 yaşında müəmmalı şəraitdə, Sel Mineo isə 46 yaşında evə dönərkən ona hücum edən cinayətkarın bıçağından ölüb.

Acı taleli aktrisalardan biri Jan Lyuk Qodarın “Son nəfəsdə” filmində Patrisiya rolunun ifaçısı, amerikalı Cin Seberg olub.

1960-cı illərdə aktrisa hinduların, afroamerikalıların hüquqlarını müdafiə edən təşkilatlara maliyyə yardımı göstərirdi. Ona görə Amerikanın Federal Təhqiqat Bürosu Seberg haqda mətbuatda məlumat yayır ki, o, ikinci uşağa ərindən yox, qaradərilidən hamilədir. Əsəb sarsıntısı keçirən Seberg nəticədə dünyaya ölü qız uşağı gətirir.

Sonralar da uğursuzluqlar yaşayan aktrisa 1979-cu ildə, 40 yaşında intihar edir və onun əlində “mən daha bu əsəblərlə yaşaya bilmirəm” yazılmış kağız parçası tapılır.

Ekspressonizmin ən əhəmiyyətli rejissorlarından biri, alman Fridrix Murnau Amerikada 42 yaşında avtomobil qəzasında həlak olub.

Hollivudda, qəzanın homoseksual olan rejissorun avtomobildə sürücüsü ilə sevişməsi üzündən baş verdiyi haqda şayiələr yayılır. Bu səbəbdən, dünya kinosunda “Nosferatu: Gecənin kabusu”, “Sonuncu adam” kimi incilər yaratmış məşhur rejissorun dəfninə cəmi 11 adam gəlir.

Oxşar xəbərlər

Xəbər lenti

Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021