news-inner
clock08:30 calendar-gray 11 İyun 2013 view-gray1562 dəfə oxunub
view-gray1562 dəfə oxunub

Nasist roluna görə mükafatlandırıldı, üstünə silahla hücum çəkdilər

Aliyə

-«Şərəfsiz it uşağı» filmində nasist rolunu oynayıb və Kannda «Ən yaxşı kişi rolu» nominasiyasına görə mükafat alıb.

- Niyə ən yaxşı kişi rolu? Məgər o nasist yaxşı kişidir ki?

- Söhbət də ondan gedir də…

(Kristof Valts haqda söhbətdən)

«İlahi, gör neçə ildir kinodayam, nə qədər rol oynamışam. Mükafatı isə nasist roluna görə alıram. Ağlıma sığışdıra bilmirəm».

Bunu aktyor Kristof Valts Tarantinonun məşhur «Şərəfsiz it uşağı» filmində oynadığı Hans Land roluna görə «Ən yaxşı aktyor» nominasiyasında mükafat alarkən düşünürdü. Yazının epiqrafı da təxminən bunu deyir. Əlbəttə, uzun illərdən, onlarla roldan sonra birdən parlamaq şaşırdıcıdır.

Valts kinematoqrafçı ailəsində dünyaya gəlib – onun valideynləri kostyum üzrə rəssam idilər. Babası isə teatr aktyoru idi. Valts teatr məktəbində təhsil alıb. 70-ci illərdə əsasən detektiv seriallarda çəkilib.

Buna qədər o bizə vaxtilə izlədiyimiz «Komissar Reks» filmindən tanışdı. Mütəxəssislərin və publikanın diqqət mərkəzinə isə o, yalnız 2009-cu ildə Tarantinonun «Şərəfsiz it uşağı» filmindəki Hans Land rolu ilə düşdü. Bu rola görə o, Kann festivalında ən yaxşı aktyor nominasiyasına layiq görüldü, «İkinci planda ən yaxşı kişi roluna görə» isə «Qızıl qlobus»la mükafatlandırıldı. Bu rolun gətirdiyi mükafatlar bunlarla tamamlanmır, Kristof bu nasist Hansa görə Amerika Kinotənqidçilər Assosiasiyasının, Amerika Kino Aktyorlar Gildiyasının mükafatlarını aldı, “Oskar”ı qazandı.

Mükafatlar yağış kimi yağdı, amma «Şərəfsiz it uşağı» filmi bu qədər uğurlarına rəğmən birmənalı qarşılanmadı. Onun İkinci Dünya Müharibəsinin alternativ versiyası kimi təqdimatı çoxunda etiraz yaratdı. Elə ssenarini oxuyan Kristofla da bu baş vermişdi: «Oxudum və dedim: Zibildi!»

Amma indi onun bu etirazların qarşılığında kifayət qədər əsaslı fikirləri var: «Bizim müharibəyə özünəməxsus münasibətimiz yoxdur. Bizim reaksiyalarımızı bizə müharibələr haqda verilən məlumatlar diktə edir. «Şərəfsiz it uşağı» İkinci Dünya Müharibəsi haqda alternativ versiya danışdığını gizlətmir. İş onda deyil ki, əslində necə olub deyərək hər şeyi gözdən keçirək. İş ondadır ki, beynimizdə hadisənin mümkün inkişaf variantlarını fırladaq və bu, heç də müharibənin tarixi haqda klassik mövqeyi ləğv eləmir. Şəxsən mən Tarantinonun müharibə haqda bu filmdəki fantaziyalarını məsuliyyətsiz hesab eləmirəm, əksinə məsuliyyətsiz o adamlardır ki, hər şeyin onların eşitdikləri, filmlərində göstərdikləri kimi olduğuna əmindirlər. Kim bilir ki, hər şey əslində necə olub?»

“Mənim Landımın uğuru ondadır ki, o, tam, kamil personajdır, onun cürbəcür cizgiləri var, amma onların hamısı harmonik şəkildə birləşib. Landa darıxdırıcı deyil, maraqlı, mozaik, əqli qabiliyyətləri yüksək olan postmodernist personajdı».

Valts öz qəhrəmanını belə xarakterizə edir.

“Azad olunmuş Canqo” onun karyerasının ikinci böyük uğuru sayıla bilər. Həm də Valts bu filmdə amansız xəfiyyəni yox, qəlbi mərhəmət və sevgi ilə dolu “qanuni qatil”i oynayırdı. Bəlkə bununla Tarantino vəhşiliyin də, insanlığın da milləti yoxdur deyir. Hər halda Valtsın qəhrəmanı yalnız əməllərinə görə deyil, bütün detallarınadək əvvəlkindən fərqlənməyi bacardı. Film boyu onlarla adamı öldürən doktor Şultsun bir arfa musiqisi ilə kövrəlməsinə qədər bütövləşən bir xarakter yaratdı. Aktyorun sözlərinə görə Tarantino az qala bütün personajları üçün, hətta ekranda 3 dəqiqədən də az görünənlər üçün də bioqrafiya yazır. Filmin uğurunun böyük faizi Valtsın oyun üslubunda, janr duyumunda idi: “Tarantinonun filmlərindəki qan əsl qandan daha qırmızıdır və bu onun qandan daha çox metafora olması deməkdir”.

Kann festivalındakı məlum olayda (Kristof Valtsın jüridə olduğu sonuncu Kann festivalında havaya atəş açaraq studiyaya girən hücumçu ordakıları qorxutmuş, amma zərərsizləşdirilmişdi) hücumçunun məhz Kristof Valtsa yönəlib ona “səni varacağam” deməsi də çox ilgincdir. Bəlkə də o, Tarantinosayağı bir tamaşaçı imiş. Kim bilir...

news-inner-user
Aliyə

999 məqalə

Oxşar xəbərlər

Xəbər lenti

Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021