news-inner
clock13:13 calendar-gray 07 İyun 2013 view-gray2073 dəfə oxunub
view-gray2073 dəfə oxunub

“Kurtlar Vadisi”ndəki gizli təriqət ARAŞDIRMA

“Opus Dei” təriqəti katolik kilsəsinin daxilində təşəkkül tapan böyük güclərdən biridir. Azərbaycan oxucusu bu təriqətlə Den Braunun “Da Vinçi şifrəsi” romanında tanış olur. Eyni zamanda məhşur “Kurtlar Vadisi Pusu” serialının tamaşaçıları da bu təriqət haqqında az-çox məlumatlıdır.

“Opus Dei” nədir?

“Opus Dei”, 2 oktyabr 1928-ci ildə Madriddə sıravi bir keşiş olan Jose Maria Escriva de Balaguery Albas tərəfindən qurulan ispan kökənli bir təşkilatdır. “Opus Dei” latıncadır, mənası “Tanrının işi” deməkdir. Təşkilat katolikliyə sadiq, dünyəvi iş adamlarını bir araya gətirərək Papaya Vatikandan kənarda dəstək arayır. “Opus Dei” hal-hazırda Vatikanda ən təsirli dünyəvi təşkilatdır. Gizli təşkilat olan “Opus Dei”ninin bütün üzvləri katolik iş adamlarıdır.

Hər ölkədə də təşkilatın işlərinə məsul bir kardinal var. Onlara görə Papanın şəxsiyyəti, kilsədən də, papalıq vəzifəsindən də üstündür. Papa, Tanrı krallığının müqəddəs lideridir. Belə uca bir mərtəbəyə çata bilən şəxs fövqəladə adamdır. Bu səbəblə “Opus Dei”, belə fövqəladə bir adam tərəfindən təmsil edilən Vatikan dövlətini ucaldır və kilsəni ikinci planda görür. Fantastik məbləğdə - 2.8 milyard dollar sərvəti, 20 universiteti, 600-dən artıq qəzeti, 60 radio və televiziya kanalı, 40 xəbər agentliyi, 20 kino şirkəti, 97 kolleci, 36 ibtidai təhsil məktəbi olan “Opus Dei” ilə bağlı böyük qalmaqallar yaşanıb. Eyni zamanda təriqətlə bağlı əfsanələr uydurulub. “Opus Dei” isə öz sirrini qorumağa çalışır, haqqında danışılanlara reaksiya vermir və fəaliyyətini davam etdirir.

Hər gün özünü qırmanclayanlar...

“Opus Dei” təriqətinin üzvlərinin riayət etməli olduğu qaydalardan əlavə, hər gün etməli olduqları ibadətlər var. Bu ibadətlərin içərisində ayaqlarına "cilice" deyilən mismarlı zənciri gündə iki saat bağlamaq da var. Bu ibadəti İsanın əziyyətini anlamaq üçün reallaşdırdıqlarını bildirirlər. Əzab bütün “Opus Dei” üzvlərinin gündəlik ruhani proqramlarının bir parçasıdır. “Opus Dei” nin 30 faizini təşkil edən evlənməyəcəyinə söz verən üzvlər hər gün “cilice” və dua oxuyaraq özlərini qırmanclamaq məcburiyyətindədirlər.

Qadınlar isə yalnız ərini məmnun etmək və uşağa baxmaq kimi gündəlik vəzifələrə məsuldurlar. Təşkilatın həddindən artıq mühafizəkar strukturları var. Nə qədər dünyəvi görünsə də, “Opus Dei” dini təriqətdir.

Təriqətin üzvləri kimlərdir?

Təriqət dünya siyasətini öz ağuşuna almaqdadır. İngiltərənin Milli Təhsil Naziri, Polşa hökumətindən 3 nazir, Perulu 2 nazir, ABŞ Konstitusiya Məhkəməsinin 2 hakimi, Konqresin onlarla üzvü, köhnə FTB şefi Luis Freeh və Fox televiziyasının şərhçisi Robert Novak “Opus Dei” müridi olduğunu gizləmir. ABŞ-da abort, homoseksual evliliklər barədə rəhbərliyin mühafizəkar mövqeyinin arxasında “Opus Dei” nin dayandığı ehtimal edilir.

Dünyanın hər yerində biznesmenlər, həkimlər, jurnalistlər, yazarlar, vəkillər, memarlar bu təşkilatın möhkəmlənməyi üçün çalışırlar.

Təriqətin qurucusu Müqəddəs Escriva 26 iyun 1975-ci ildə dünyasını dəyişir və yerinə illərdir onun yanında olan Diez Sollano keçir.

Təriqətin əsas missiyası, ruhani olmayan kəslərin cəmiyyət içində “Tanrının sözünü” yaymaqda dinamik rol oynamasını təmin etməkdir.

Katolik dünyasında tərəfdarlarının sayı bir milyonu keçən təriqət az qala ikinci katolik kilsəsi missiyasını yerinə yetirir.

Vatikan pasportu daşıyan “Opus Dei” Kardinalları toxunulmazdırlar və yalnız Papaya hesabat verirlər. “Opus Dei”nin ABŞ-da müxtəlif vəzifələrdə 30 min üzvü var.

“Numerari”lər, “Sopranumerari”lər, “Aggregati”lər...

“Opus Dei”də 3 tip üzvlük var: “Numerari” (tam üzvlər) - heç vaxt evlənmirlər, hətta “Opus Dei” evlərində birlikdə yaşayırlar. Qazanclarının hamısını öz təriqətlərinə bağışlayıb yalnız ehtiyacları olan qədər götürürlər. “Sopranumerari” isə “Opus Dei”yə tam üzv olduqdan sonra evlənib, uşaq sahibi olan üzvlərdən meydana gəlir. Bunlar həyatlarını “Opus Dei”ninin evlərindən kənarda normal bir şəkildə yaşayır və aylıq haqq ödəyirlər. “Aggregati” adı verilən üçüncü tip üzvlər isə evlənməsələr də müxtəlif səbəblərə görə “Opus Dei”nin evlərində yaşaya bilməyən insanlara verilən bir üzvlük formasıdır. Bunlardan əlavə “cooperatori” adı verilən “Opus Dei”nin yardım və təhsil işlərinə qatılan könüllülər var. Tam üzvlər normal universitetlərdə təhsil aldıqdan sonra, teologiya təhsilini də təriqətə bağlı universitetlərdən birində alırlar. “Numerari”lərin doktorluq işi müdafiə etməsi də əsas şərtdir.

Araşdırmaçılar hesab edir ki, “Opus Dei” dünyanın hər yerində öz üzvlərini yerləşdirməyi bacaran bir təriqətdir. Bu məntiqlə təriqətin Azərbaycanda da üzvlərinin olması istisna edilmir. Dörd-beş il öncə bu barədə mətbuatda şaiyə xarakterli yazılar işıq üzü görürdü. Şaiyələrə görə “Opus Dei” ölkəmizə II İohan Pavelin Azərəbaycana səfərindən sonra ayaq açıb.

Oxşar xəbərlər

Xəbər lenti

Azyaşlı qızla evləndi, arvadı onu yatdığı yerdə tərk elədi, eyvandan yıxılıb öldü – “Arşın mal alan”ın talesiz Soltan bəyi
14:20 23 İyun 2021
Azərbaycan Beynəlxalq Film Festivalında təmsil olunub
13:41 23 İyun 2021
Nazirlik Qarabağdan film çəkmək istəyirsə... – Sevda Sultanova yazır
12:59 23 İyun 2021
"Fəlakət" boşandı
12:49 23 İyun 2021
Fərid Hüseynin kitabı Moldovada çap olunub
12:25 23 İyun 2021
Xanım şairimizin ən gözəl sevgi şeiri – Mətn
11:50 23 İyun 2021
Yaşı keçmiş subay kişilərin qorxuları - Günel Natiq yazır...
11:12 23 İyun 2021
Millət vəkilindən ilginc açıqlama: “Hüseyn Cavidi oxuya bilmədim”
10:38 23 İyun 2021
“Yaxından” adlı sərgi açılıb
10:04 23 İyun 2021
Qənirə Paşayeva: “Vaqif Səmədoğluna dedim, bir də məni belə məclislərə çağırmayın” – Müsahibə
09:01 23 İyun 2021
"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021
Azərbaycanlı rejissor vəfat etdi
14:01 22 İyun 2021