news-inner
clock13:14 calendar-gray 05 İyun 2013 view-gray1648 dəfə oxunub
view-gray1648 dəfə oxunub

Görkəmli yazıçılar Şərif Ağayarın AYB-dən çıxarılmasından danışdı

Dünən Şərif Ağayar Azərbaycan Yazıçılar Birliyi (AYB) sıralarından xaric edildi. Yazıçının AYB-dən çıxarılmasına xalq şairi Fikrət Qoca haqda səsləndirdiyi xoşagəlməz fikirlərin səbəb olduğu deyilir. Kulis.az mövzu ilə bağlı görkəmli yazıçı və şairlər arasında sorğu keçirdib.

Yazıçı Əkrəm Əylisli Ş. Ağayara qarşı baş vermiş hərəkəti pislədi: “Şərif Ağayar istedadlı yazıçılardan biridir. Təbii ki, belə bir hadisənin yaşanmasını istəməzdim. Şərif sözünü ölçüb-biçən, yerini bilən adamdır. Ədəbiyyat adamını dediyi sözə görə üzvlükdən çıxarmaq, bu cür cəzalandırmaq düz deyil. Qəti sürətdə onun Yazıçılar Birliyindən çıxarılmasının əleyhinəyəm, yazıçı ilə belə davranmaq olmaz. Fikrətə qalsa inanmıram ki, o, Şərifin çıxarılmasına razılıq verərdi. Digər tərəfdən Şərifə zəng gəlib, o da əsəbi şəkildə deyib ki, Fikrət Qoca hələ sağdır. Bu məsələdə jurnalistlərin də “əməyi” var. Jurnalistlər düşünürlər ki, Şərifə yaxşılıq edirlər. Şərifin dediyi sözləri olduğu kimi vermək Şərifə şərəf gətirmir axı. Jurnalistin borcudur ki, salamını verib desin ki, mən filan mövzuda sizdən müsahibə almaq istəyirəm. İstəsəm razı olaram, istəməsəm də razılıq vermərəm. Bizdə isə adamın ağzından iki kəlmə alıb tez saytda yerləşdirirlər. Mən belə düşünürəm ki, jurnalistlər adından Şərifə qarşı düzgün hərəkət olmayıb. Şərif əsəbi ola bilər, amma jurnalist də nə yazdığını bir fikirləşməlidiraxı. Fikrət Qoca da eşidir ki, Şərif atası yaşlı bir kişi haqda belə sözlər işlədib. Hər halda bu vəziyyətdə insanlar bir-birini qorumalıdır. İnsanlar bir-birinə qarşı rəhmli olmasa cəmiyyətdə sağlamlaşma prosesi getməyəcək, gərginlik davam edəcək və bu da pis nəticələrə gətirib çıxaracaq”.

Ə. Əylisli F. Qocanın oğlunun vəziyyətinin həqiqətən də pis olduğunu, Ş. Ağayarın bu cür həssas məsələlərdə ehtiyatlı olmasını da bildirdi: “Fikrətin oğlu talehsiz biridir. O uşaqla ünsiyyətdə olmuşam. Onunla danışandan sonra ürəyimin içi oyuldu, pis oldum. Fikrətin oğlunun vəziyyəti heç də Şərifdən yüksək deyil. Bunu bilirəm və ona görə deyirəm. Elə bir insana qəzəb nümayiş etdirmək mənə xoş gəlmədi. Şərif onun həyatından bixəbər olduğuna görə belə danışıb. Fikirləşib ki, cavan uşaqdır, cibi pulla doludur, kef çəkir. Belə deyil axı”.

Yazıçı Seyran Səxavət ədəbiyyat adamlarına qarşı belə hərəkətlərə yol verilməsini bağışlanılmaz və mənasız bir iş adlandırdı: “Şərif üzülməsin, ona uğurlar arzulayıram. Yazıçılar Birliyinin üzvü olmaq, yazıçı olmaq demək deyil. Və yaxud Yazıçılar Birliyinin üzvü olmamaq da yazıçı olmamaq anlamına gəlmir. Mənim üçün bunun elə bir böyük əhəmiyyəti yoxdur. Yazıçıya qarşı başqa təbəqənin insanları kimi münasibət bəsləmək, elə üsullardan istifadə etmək son dərəcə gülünc bir hadisədir”.

Xalq yazıçısı Mövlud Süleymanlının isə məsələyə münasibəti qısa oldu: “Vallah, məsələnin mahiyyətindən xəbərsizəm. Yəqin ağzına gələni danışıb, düzgün bilib, Yazıçılar Birliyində çıxardıblar”.

Oxşar xəbərlər

Xəbər lenti

Xalq artistinin oğlu vəfat etdi
01:53 10 İyul 2020
Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Qadına görə başına bəla gələn məşhurlar: onların arasında Müşfiq də var
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020