news-inner
clock08:00 calendar-gray 01 İyun 2013 view-gray2780 dəfə oxunub
view-gray2780 dəfə oxunub

“Möhtəşəm Qetsbi”: Yalnız qadınlar baxsın

Bu ilin kino brendi şübhəsiz ki, 105 milyon dollara başa gəlmiş “Möhtəşəm Qetsbi” filmi oldu. İndiyə kimi F.S. Fitsceraldın məşhur romanı 5 dəfə ekranlaşdırlıb.

Sonuncu da daxil olmaqla romanın üç ekran versiyasını izlədim: 1974- cü ildə Cek Kleytonun, 2000 - ci ildə Robert Markovitzin və sonucu, Baz Lurmanın təklif etdiyi kinoversiya.

Hər üç versiyadan gəldiyim ümumi nəticə bu oldu: Onların heç biri ciddi sənət əsəri deyil. Romanı oxumayanlarda filmlərin belə təəssürat oyatmaq təhlükəsi də var: “Möhtəşəm Qetsbi” daha çox qadın tamaşaçılara hesablanmış belletristikadır. Hətta filmlərin süjeti məşhur “Zoluşka” nağılının motivlərinin müəyyən korrektələrə məruz qalması kimi də görünə bilər.

Robert Redfordun və Mia Ferrounun baş rol aldığı 1974 –cü il versiyası retrospektivdir. C.Kleyton təhkiyəni emosional, hissiyyatlı və sentimental işləyib. Qadın obrazlar daha çox xolerik temperamentdə təsvir olunub.

R.Markovitz filmdə fleşbeklərdən, assosiativ əlaqədən istifadə edir. Kleytonun versiyasından fərqli olaraq əhvalat da, obrazlar da soyuq rənglərlə təsvir edilir. Ümumi atmosferdə isə yenə lirizm dominantdır.

Baz Lurman isə “Möhtəşəm Qetsbi”ni balaqana çevirib, əhvalatı tamamilə reklam anturajı ilə yükləyib. Yalnız ilk dəqiqələrdə rejissorun niyyəti, konkret hansı motivə vurğu etmək istəyi hiss olunur. Qlamur interyeri, nəhəng, təmtəraqlı dekorasiyaları, itici dizaynı, parlaq, xüsusi effektləri, kostyumları, karnaval və klip estetikası ilə rejissor 20-ci illərin Nyu-York mühitinin, Fitsceraldın “caz əsri”nin (“caz əsri”- Birinci Dünya Müharibəsi bitəndən sonra ölkədə iqtisadi bumun yaşanmasını, əyləncələrin bürüməsini, seksi, rəqsi, musiqini və bu aldadıcı görüntü altındakı insanın daxili boşluğunu, qeyri-müəyyənliyi, narahatlığı ifadə edir) anatomik və psixoloji quruluşu haqda tam, əhatəli təsəvvür yaratmağa hədəflənib.

Baz eyni zamanda çağdaş dünyanın istehlakçı acgözlüyünə də eyham vurur.

Romanın son ekran versiyasında rejissor müxtəlif növ musiqiləri bir-birinə qarışdırır, dramın, fantastikanın, horrorun, faciənin, melodramın, müziklin elementlərindən istifadə edərək janrların eklektikasını yaradır.

Hərçənd, təsvirlər ümumən nuar filmərinin pessimist, skeptik atmosferini xatırladır.

Filmdəki balaqan, çal- çağır, parıltı, qlamurun davamlılığı lazımsız həddə kimi qroteskləşdirilir, adamı yorur, 3D formatının effektləri, məkana yaxın olmaq illüziyası, avtomobillərin hərəkətinə, aktyor oyununun teatrallığınadək hər şey zibil fantastik filmlərdəki kimi anlamsız şərtiliyə, cansızlığa yuvarlanır.

Film sənət anlamından kənara çıxaraq qeyri-ciddi nəsnəyə, şouya çevrilir. Daha dəqiq desək, Lurman kino sənəti yox, film-şou yaradır.

Nəticədə romanın ideyasından, sosial - əxlaqi məsələlərindən yayınan, parıltılı vizuallığa hesablanan meynstrim ortaya çıxıb.

Digər iki versiyada olduğu kimi burda da obrazlar açılmır, müəllif əsərin məğzinə illüstrativ baxış edir.

Yeri gəlmişkən, Lurmanda filmi çəkmək ideyası Rusiyaya səfəri zamanı peyda olub: “Audiokitabı dinləyərkən birdən-birə milyonlar qazanan və indi naz-nemət içində yaşayan rus zənginlərini düşündüm”.

Oxşar xəbərlər

Xəbər lenti

Qətlə yetirilmək istərdim: Gecənin qaranlığında... Bıçaqla...
10:05 08 May 2021
2021-ci ilin “Oskar” saxtakarlığı – Sevda Sultanovadan sərt tənqid
09:00 08 May 2021
Jurnalist Fulya haqqında film çəkiləcək
18:56 07 May 2021
Sabir Rüstəmxanlıdan təsirli sözlər: “Əlvida, əziz qardaş!”
18:08 07 May 2021
Nizami Gəncəvi və Yunus Əmrəyə həsr edilən səhnə əsəri nümayiş olunub
17:46 07 May 2021
“Buynuzdan yazanda kəndi işğal olunan şairlərdən utanırdım” - Musa Yaqubun son müsahibəsi
17:15 07 May 2021
Musa Yaqubun dəfn olunacağı yer bəlli oldu
16:39 07 May 2021
Azərbaycanlı şairin ingiliscə kitabı çıxdı
16:12 07 May 2021
Musa Yaqub vəfat etdi
15:35 07 May 2021
Erməni ilə yeyib-içən Mirişin faciəvi aqibəti – Yeni hekayə
15:21 07 May 2021
“Digitalart-lab” layihəsi mayın sonunadək davam edəcək
14:37 07 May 2021
Xalq artisti Arif Quliyev dəfn olundu - Fotolar
13:49 07 May 2021
“Min bir gecə” baleti beynəlxalq festivalda nümayiş olunacaq
13:09 07 May 2021
Çarşablı bir qadın onu küçəyə atıb getdi, nişanlısı başqasını sevdi, soyadı olmadığı üçün pionerə keçirmədilər - On doqquz “ana”sı tapılan Arif Quliyevin dəhşətli həyatı
12:14 07 May 2021
Küçədə alça yeyən Arif Quliyev və təbəssümünü itirən uşaqlığımız
11:37 07 May 2021
Gənclik və qocalıq haqda ən gözəl şeir - Mətn
10:54 07 May 2021
Faiq Ağayev Arif Quliyevdən yazdı - Foto
10:17 07 May 2021
Müharibə futbol kimidir - Cəbrayıl Dövlətzadə haqqında roman
09:00 07 May 2021
Arif Quliyev vəfat etdi
01:53 07 May 2021
“Karlson” tamaşası onlayn göstəriləcək
19:00 06 May 2021