news-inner
clock08:45 calendar-gray 03 İyun 2013 view-gray2857 dəfə oxunub
view-gray2857 dəfə oxunub

Seks başlıqlı yazılar niyə çox oxunur?

İnternet saytlarına, xəbər portallarına girəndə qarşımıza tez-tez içində seks sözü olan başlıqlar, kiminsə açıq-saçıq şəkilləri çıxır. Əksəriyyət o saytları qınasa da, danılmaz fakt budur ki, bu tip yazılar digərlərindən qat-qat çox oxunur. Bəs bunun səbəbi nədir? Axı niyə media hansısa yazının daha çox oxunması üçün ona “seksual başlıq” seçir?

Bu sualı türk köşə yazarı Sərdar Turqut araşdırıb və hər şeyin beynimizlə bağlı olduğunu ortaya çıxarıb:

“İnsan beyni çox möcüzəvi və mürəkkəb orqandır. Bu mürəkkəb orqanın işləmə mexanizmini başa düşmək üçün məsələləri bir az sadələşdirmək lazımdır. Sadələşdirəndə isə “Bizim əslində üç beynimiz var” nəticəsinə gəlirik.

Köhnə beyin – kəllə sümüyünün arxa tərəfindəki bölümdür; hərəkətlərimizə nəzarət edir, mövcudluğumuz və yaşamağımızla birbaşa bağlıdır. Əsas qərarları verir və digər iki beyindən gələn məlumatları toplayır.

Orta beyin – hisslərlə bağlı bölümdür; intuisiya və hislərə nəzarət edir.

Yeni beyin – alnımıza yaxın bölümdür; rasional məlumatları işləyir, rasional düşüncə buradan idarə olunur.

Son araşdırmalar göstərir ki, beynimizə saniyədə 11 milyon informasiya daxil olur. Beynimiz bunların ancaq 40 ədədini istifadə edir. Qalan informasiya isə köhnə beyindəki şüurxarici bölümə yönəlir. Bu, Freydin şüuraltı anlayışından fərqlidir. Şüurxarici yaşamaq üçün avtomatik etdiyimiz işlərdən ibarətdir.

Media nəzəriyyəsi üzərində işləyənlər, xüsusilə internet vasitəsilə uğur qazanmaq istəyənlərə üç beyin bölümünə də xitab edən tədbirlər görməyi məsləhət görürlər. Onlar əsasən köhnə beyinə xitab etməyi bacarmalıdırlar. Adından da göründüyü kimi bu bölüm ən birinci inkişaf edən və genetik kodların toplandığı bölümdür.

Yəni təkamül nəzəriyyəsini də nəzərə alsaq, biz vizual məlumatları oxuyaraq əldə edilən məlumatlardan daha tez öyrənirik. İnsan beyni 2500 fotonu uzun müddətdən sonra 90 faiz dəqiqliklə xatırlayır. Eşitdiyimiz, yaxud oxuduğumuz şeylərin bir il sonra ancaq 10 faizini xatırladığımız halda, gördüyümüz bir şəkli bir il sonra 63 faiz xatırlaya bilirik.

Demək, beynin vizual (əyani) bölümünə xitab etmək internet-media sahəsindəki “uğurun əsas açarı”dır.

Araşdırmalar onu da deməyə imkan verir ki, bir müddətdən sonra foto paylaşma şəbəkəsi “Instagram” və video paylaşma şəbəkəsi “Youtube” digər sosial şəbəkələri qat-qat üstələyəcək.

Seks

Köhnə beyin mövcudluğumuz və yaşamağımızla bağlı olduğu üçün seks həmişə ən təsirli vasitə olacaq. Saytlarda istifadə etdiyimiz seksual motivli və ya erotik şəkillər beynin demək olar ki avtomatik diqqətini çəkir.

Yemək şəkilləri

Yemək şəkilləri də köhnə beyninin diqqətini avtomatik çəkənlərdəndir. Sırf bu səbəbdən “New York Times” qəzetinin saytındakı yemək şəkilləri, slayd şouları böyük maraq yaradır və sayta çox sayda oxucu gətirir.

Mənbə: “Habertürk”

news-inner-user
Rəna Nevzat

298 məqalə

Oxşar xəbərlər

Xəbər lenti

“Son zəng”lə bəkarətini itirənlər
11:38 14 İyun 2021
Dahi yazıçıdan yığcam bir şeir - Kimdir ki bu dəniz?
11:01 14 İyun 2021
“Tərəkəmə qadın” filmi çəkilir
10:30 14 İyun 2021
Aysel Əlizadəyə küçədə hücum ediblər: Yazıçı polisə müraciət edib
09:56 14 İyun 2021
Hacıbaba Bağırovun həyat yoldaşı: “Hacının dostu mənə evlilik təklif etdi” - Müsahibə
09:00 14 İyun 2021
Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur özündən yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021