news-inner
clock17:22 calendar-gray 24 May 2013 view-gray1452 dəfə oxunub
view-gray1452 dəfə oxunub

Kamal Abdulla Sofiya Universitetinin ali mükafatı ilə təltif olunub

Bolqarıstanın ilk ali təhsil ocağı, Müqəddəs Kliment Oxridski adına Sofiya Universiteti 2013-cü ildə özünün 125 illik yubileyini qeyd edir. 23-26 mayda Bolqarşünaslıq üzrə III Beynəlxalq konqresin keçirilməsi bu əlamətdar tarixlə bağlı baş tutan əsas tədbirlərdən biri oldu. Forum Bolqarıstan Respublikasının Prezidenti Rosen Plevneliyevin himayəsi və YUNESKO-nun dəstəyi ilə keçirilir. Forumun işində Avropa, Asiya və Amerikadan olmaqla 500-dən çox görkəmli alim iştirak edir.

Məlumat üçün bildirək ki, Bolqarşünaslıq üzrə I və II konqreslər müvafiq olaraq 1981 və 1986-cı illərdə keçirilmişdir. Sonralar, təxminən otuz il müddətində bu ənənəyə ara verilmiş, xarici ölkələrdəki bolqarşünaslıq mərkəzlərinin bir hissəsinin fəaliyyəti dayandırılmışdı. Sofiya Universitetinin 125 illik yubileyi sözügedən konqresin keçirilməsi ənənəsinin bərpası üçün yeni zəmin yaradıb. Konqres təşkilatçılarının fikrincə, bu Forumun keçirilməsi dünya bolqarşünaslığının hazırkı durumunu xarakterizə edən real vəziyyəti qiymətləndirmək baxımından mühüm əhəmiyyətə malikdir.

Sofiya Universitetinin rektoru prof. İvan İlçevin dəvəti ilə Bakı Slavyan Universitetinin rektoru, Əməkdar elm xadimi, AMEA-nın müxbir üzvü, prof. Kamal Abdullayev Forumun işində iştirak etmək üçün Bolqarısanın paytaxtındadır.

Mayın 24-də Sofiyada Bolqarıstan Prezidenti Rosen Plevneliyevin də qatıldığı bolqarşünaslıq üzrə III Beynəlxalq Konqresin rəsmi açılışı olub. Rəsmi mərasim çərçivəsində prof. Kamal Abdullayevə Sofiya Universitetinin ali mükafatı – «MAVİ LENT FƏXRİ NİŞANI» (“HONORARY BLUE RIBBON INSIGNIA”) təqdim edilib. Xatırladaq ki, bu mükafatın verilməsi haqqında qərar həmin universitetin 2012-ci il, 19 dekabr tarixində keçirilmiş Elmi Şurasının toplantısında qəbul edilmişdi.

Təqdimetmədə iştirak edən Prezident Rosen Plevneliyev professor Kamal Abdullayevi təbrik edib, rektora və ümumilikdə Azərbaycan xalqına xoş məramlarını çatdırıb.

Kamal Abdullayev öz nitqində elmi fəaliyyətinə yüksək dəyər verən və Azərbaycanda bolqarşünaslığın inkişafına verdiyi töhfələri qiymətləndirən Sofiya Universitetinin Elmi Şurasına öz minnətdarlığını bildirib. Həmçinin Azərbaycana səfər etdiyi təqdirdə Prezident Rosen Plevneliyevi Bakı Slavyan Universitetində görməkdən məmnun olacağını diqqətə çatdırıb.

Səfər çərçivəsində BSU-nun rektoru prof. Kamal Abdullayevlə prof. İ. İlçev arasında Kliment Orxidski adına Sofiya Universitetində Azərbaycan Dili və Mədəniyyəti Mərkəzinin yaradılması ilə bağlı saziş imzanıb.

Mərkəzin fəaliyyətə başlaması Azərbaycan dili və mədəniyyətinin Avropada təbligi və tanınması sahəsində vacib rol oynayacaq. Qeyd etmək lazımdır ki, BSU-nun «Xarici ölkələrdə Azərbaycanşünaslığın inkişafı» proyekti çərçivəsində Rusiya, Ukrayna və Belarusun bir sıra ali təhsil ocaqlarında yaradılmış Azərbaycan dili və mədəniyyəti mərkəzləri uğurla fəaliyyət göstərir. Sofiya Universitetindəki Azərbaycan Dili və Mədəniyyəti Mərkəzi isə Balkanlarda yaradılmış ilk bu tipli təsisatdır.

news-inner-user

19075 məqalə

Oxşar xəbərlər

Xəbər lenti

Əhli-kef
11:01 20 İyun 2021
Kamyunun arvadı bu ssenariyə etiraz etdi – “Yad” filmində baş verənlər
16:31 19 İyun 2021
Müğənni Sılanın kitabı çap olundu
15:41 19 İyun 2021
"Qırmızı papaq" onlayn nümayiş olunacaq
13:46 19 İyun 2021
Gəlinini iş yoldaşına qısqanan “Qoçu Əsgər” – Xalq artistindən maraqlı faktlar
12:29 19 İyun 2021
Fərəc Fərəcov haqqında monoqrafiya çap olunub
11:25 19 İyun 2021
Devid Quetta musiqilərini satdı
10:25 19 İyun 2021
Bu mahnı gənc alimi cəsarətləndirmək üçün yazılmışdı: Dünyanı gəzdi - İllərin mahnısı
09:01 19 İyun 2021
Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021