news-inner
clock12:50 calendar-gray 15 May 2013 view-gray1160 dəfə oxunub
view-gray1160 dəfə oxunub

Ramiz Əzizbəyli:“Qoca olduğum üçün mənə film vermirlər”

“Artıq qoca olduğum üçün mənə film vermirlər”. Bunu APA -ya açıqlamasında xalq artisti, professor Ramiz Əzizbəyli deyib.

Onun sözlərinə görə, son illər təkcə pedaqoji fəaliyyətlə məşğuldur: “Son çəkdiyim və tamaşaçıların da bu günə kimi sevə-sevə seyr etdiyi film “Bəxt üzüyü” filmidir. O filmdən sonra başımı qatmaq üçün Orxan Fikrətoğlunun bir əsərini verdilər, öz ssenari müəllifliyimlə çəkdim. Bu filmə ilk baxış 2006-cı ildə oldu. O gündən bu günə kimi də heç bir film verməyiblər. Bir də iki il öncə Oqtay Mirqasımovun “İntiqam almadan ölmə” filminə baş rolda, Salman rolunda çəkilmişəm. Bu filmə ilkin baxış oldu və şəxsən mədəniyyət və turizm naziri Əbülfəs Qarayev filmi bəyəndi. Amma sonradan bəlli oldu ki, bu filmin də tamamlanması üçün lazım olan maliyyə vəsaiti ayrılmayıb. Ad qoyublar ki, guya gənclərlə işləyirlər. Cavanların da çəkdiyi filmlərdən çox olsa, ikisini xalq bəyənir, ya da bəyənmir. İndi bilmək istəyirəm ki, bu dövlətin pulları hara gedir”.

R.Əzizbəylinin fikrincə, bu sənət belədir ki, rejissor yaşa dolduqca dahiləşir: “Mənim adımı qoca qoyub yaradıcılıqla məşğul olmağıma şərait yaratmırlar. Halbuki vaxt olub rejissorluğa ancaq 40 yaşından sonra başlayıblar ki, qoy təcrübə olsun. Elə mən də “Bəxt üzüyü” filmini 42 yaşımda çəkmişəm”.

Mədəniyyət və Turizm Nazirliyinin kinematoqrafiya şöbəsinin filmlərin təbliği və qeydə alınması sektorunun müdiri Yusif Şeyxov APA -ya açıqlamasında bildirib ki, çəkilişə film verilməsi üçün gərək layihə təqdim edilsin: “Ramiz müəllim nə vaxt layihə təqdim etdi ki, biz qəbul etmədik? Film verilməsi üçün gərək layihə təqdim edilsin. O ki qaldı “İntiqam almadan ölmə” filminə, bu barədə “Azərbaycanfilm” kinostudiyasından soruşun.”

“Azərbaycanfilm” kinostudiyasının direktoru Müşfiq Hətəmov isə APA -ya bildirib ki, film tamamlanmaq üzrədir: “Maliyyə məsələləri ilə bağlı söylənilən iddia həqiqətə uyğun deyil. Filmin sadəcə post-prodakşın işləri qalıb ki, bunu da filmin müəllifi Oqtay Mirqasımov xarici şirkətlərdən birində etmək istədi. Biz də kinostudiya olaraq həmin şirkətlə müqavilə bağladıq. Hazırda film həmin şirkətdə öz növbəsini gözləyir. Yaxın zamanda bu işlər də tamamlandıqdan sonra film tamaşaçıların ixtiyarına veriləcək”.

Qeyd edək ki, film Azərbaycanda yaşamış almanların 1941-ci ildə İosif Stalinin əmri ilə Orta Asiyaya sürgün olunmasından bəhs edir. Bu mövzunun tarixi isə XIX əsrin əvvəllərinə gedib çıxır. O vaxt alman icmaları çar I Aleksandrın razılığı ilə Rusiya imperiyasının əyalətlərinə - Krıma, Qafqaza gələrək burada məskunlaşırlar. 1819-cu ildə Vürtemberq krallığı - indiki Almaniyanın Baden-Vürtemberq əyalətindən gələn almanlar Azərbaycanın qərbində, Gəncə yaxınlığında ilk koloniyanı - Helenendorf kəndini (indiki Göygöl şəhəri) salırlar. Filmdə məktublar, etiraflar, xatirələr, insan hiss və yaşantıları yer alır. Ekran əsərinin intriqa yaradan adının açıqlaması sonda aydın olur. Süjet elə qurulub ki, film tamaşaçının gözləmədiyi, ağlına gətirmədiyi sonluqla bitir.

news-inner-user
APA

105 məqalə

Oxşar xəbərlər

Xəbər lenti

İntəhasız acı nəğmə - Qorki haqqında esse
13:25 11 May 2021
Sevgiliyə gül uzadan əllərin tənhalığı - Ramil Əhməddən yeni şeirlər
12:00 11 May 2021
Tom Kruz mükafatlarından imtina etdi - Qalmaqal
11:30 11 May 2021
“Qarabağa sülh, sevgi və ümid” adlı xeyriyyə konserti keçiriləcək
10:26 11 May 2021
II Nikolayın qızı onun şəklini istədi, çar öz sarayına qonaqlığa çağırdı - Azərbaycanlı qaçağın film kimi həyatı
09:00 11 May 2021
Berlin Film Festivalı açıq havada keçiriləcək
17:35 10 May 2021
Musa Dədə əbədiyyət yaşında - Fərid Hüseyn yazır...
15:51 10 May 2021
Çingiz Qənizadə: “Kəramət Böyükçölü maliyyələşdirib üstümə göndərənləri yaxşı tanıyıram” – Müsahibə
14:30 10 May 2021
Leonardo da Vinçinin çəkdiyi rəsm hərraca çıxarılacaq
13:45 10 May 2021
Məşhur yazıçı vəfat etdi
12:30 10 May 2021
Allah üçün bənna kimdir? - Şəhriyar Del Gerani yazır...
11:30 10 May 2021
Türkiyəli bəstəkar Qarabağ Zəfərinə mahnı bəstələdi - Video
10:20 10 May 2021
Kimi Kreml xəstəxanasına müalicəyə göndərdi, kimi "KQB"-nin qəzəbindən qorudu? – Heydər Əliyevin ədəbiyyatımıza verdiyi töhfələr
09:30 10 May 2021
Zöhrə Abdullayeva xəstəxanaya yerləşdirildi
19:45 09 May 2021
Ədəbiyyatımızın ən gözəl müharibə şeirləri - Mətnlər
14:28 09 May 2021
9 May qələbəsində rus arağının rolu - “Tamamilə məxfi” sənədlər
10:30 09 May 2021
Paşinyan Cıdır düzündə “Yallı” gedəndə – Bircə yazır...
09:01 09 May 2021
Şuşa haqda məşhur şeirin müəllifindən Qələbə Şeiri
08:01 09 May 2021
Yeni filmin nümayişi təşkil olunub
18:01 08 May 2021
Ədəbiyyat tariximizə qızıl hərflərlə yazılan misralar: 5 seçmə şeir
17:20 08 May 2021