news-inner
clock08:15 calendar-gray 13 May 2013 view-gray3969 dəfə oxunub
view-gray3969 dəfə oxunub

Qadınlara məsləhət: “Tez-tez zəng vurmayın!”

Psixoloq Cennifer Oykl bir neçə illik araşdırmalarından sonra cütlüklərə uzunmüddətli münasibətlər və bir-birini daha yaxşı anlamaq üçün bəzi məsləhətlər hazırlayıb.

Kulis.Az həmin məsləhətlərdən bir neçəsini təqdim edir.

1. Tez-tez zəng vurmayın!

Qadınlar başına ən xırda hadisəni belə danışmaq üçün telefona əl atıb, sevgilisinə zəng vurur. Telefon zəngi onlara rahatlıq verir, danışır, ürəyini boşaldırlar. Ancaq kişilər bezir…

Psixoloq və yazıçı Patrisia Kovalt yazır ki, sevgilisinə tez-tez zəng vurub, halını, nə etdiyini soruşan oğlanlar sevgililərinin sevimlisi olur. Ancaq eyni şey kişilər üçün keçərli deyil. Yəni qadın kişiyə tez-tez zəng vurursa, kişi bundan bezir və soyumağa başlayır. Kişilər bu vəziyyətdə sevgilisinin ona çox möhtac olduğunu düşünür.

Qadınlar əsasən sevgililərindən xəbər ala bilmədikdə tez telefonu götürüb zəng vurur, ya da çoxlu mesaj yazırlar. Əslində, bir az gözləsəniz, sevgiliniz özü sizə zəng vuracaq. Çünki onda sizin nə etdiyiniz və zəng vurmamağınızın səbəbini öyrənmək marağı oyanacaq. Hətta telefon danışığından da onun həyəcanlı və maraqlı suallarını sezəcəksiniz. Tezliklə münasibətlərinizin daha yaxşı olduğunu görəcəksiniz.

2. Onun hər fikrinə qatılmayın

“Sevgilinizin hər fikrinə qarşı çıxın” demirik. Ancaq öz fikrinizi deməkdən də qorxmayın. “Yaxşı münasibət üçün eyni fikirdə olmaq lazımdır” düşüncəsi doğru deyil. Öz fikrinizi əsaslandırmağınız, hər şeyə “hə” deyən qadın olmadığınızı göstərir və bu da sizi sevgilinizin gözündə yüksəldir.

Oykl kişilərin onlara meydan oxuyan qadınları xoşladıqlarını deyir. Ancaq onu axmaq yerinə qoymağa çalışmayın.

3. Onu münasibətinizdəki problemlərə üzləşdirin

“Sənə demək istədiyim bir şey var” cümləsi kişilərin ən sevmədiyi cümlədir. Ona görə də nə probleminiz varsa, bunu birbaşa deyin.

“Orijinal qəlb” kitabının müəllifi və psixoterapist Con Amodeo yazır: “Kişilər sevgililərini xoşbəxt etmək istəyirlər, amma heç cür nə etmək lazım olduğunu müəyyənləşdirə bilmirlər”.

Buna görə də, üstü örtülü danışmaqdansa, birbaşa problemi izah etmək ən doğrusudur.

4. Sevgiliniz olmadan əylənin

Əslində, boş vaxtlarınızı birlikdə keçirdikdə münasibətinizin yaxşı olacağını düşünürsünüz. Ancaq bu, həmişə yaxşı nəticələr vermir.

Oykla görə, daima birlikdə olanda danışa biləcəyiniz mövzular da azalır və bir müddətdən sonra bir-birinizdən sıxılmağa başlayırsınız. Bundan başqa, kişilər xüsusi əyləncə dünyası, çoxlu dostları olan qadınlara daha çox hörmət edirlər.

Həftənin ən az bir neçə günü üçün plan qurun, yəni kinoya, dostlarınızla restorana gedin, fərqli əyləncələr tapın və ən əsası əyləncənizə sevgilinizi dəvət etməyin.

Gözəl vaxt keçirmək üçün ona “möhtacsınız” imici yaratmaqdansa, çoxlu planlarınız arasında ona vaxt ayırıb, yaxşı vaxt keçirdiyinizi göstərmək, münasibətinizi daha da gücləndirəcək.

5. Ona sevgi göstərin

Psixoloq Kovalt bəzi qadınların “aldadılmaq” qorxusu ilə kişilərə hisslərini bildirmədiklərini yazır. Ancaq hisslərinizi gizlətməyiniz belə təəssürat yarada bilər ki, sevgilinizlə maraqlanmırsınız.

Yaxşı bir gün keçirdikdən sonra sağollaşanda “Əla gün oldu” deyib onu sevindirə bilərsiniz. Onunla birlikdə olanda nə hiss edirsinizsə, bunu deməkdən çəkinməyin. Hisslərinizi dilə gətirməyiniz münasibətinizə müsbət təsir göstərəcək.

Bunları etməyin!

Ona aid hər şeyin sizə də aid olduğunu düşünməyin. Onun e-mail və ya Facebook hesabının şifrəsini istəmək doğru deyil.

Sədaqətini test etməyin. Anası sizi sevmirsə, onu seçim etməyə məcbur etməyin.

Onu dostlarınıza “gələcək ərim” kimi təqdim etməyin.

news-inner-user
Rəna Nevzat

297 məqalə

Oxşar xəbərlər

Xəbər lenti

“Pişiyin evi” onlayn göstəriləcək
18:49 23 Oktyabr 2020
Nazirlik Zəngilanda dağılan məscidlə bağlı bəyanat yaydı
18:15 23 Oktyabr 2020
Azərbaycan əsgərinə heyrətlənən erməni hərbçi
17:31 23 Oktyabr 2020
Bütün zamanların ən gözəl aktrisasının həyatı film olur
16:53 23 Oktyabr 2020
Kino tarixinin ən qorxulu filmləri açıqlandı
16:11 23 Oktyabr 2020
Yapon caz ifaçısı Azərbaycan ordusuna pul köçürdü
15:29 23 Oktyabr 2020
Beynəlxalq Türk Mədəniyyəti və İrsi bəyanat yaydı
14:52 23 Oktyabr 2020
Allahı danan müəlliminin başına stul çırpdı, ömür boyu övladı olmadı, qızlığını xalası oğluna qısqandı - Xalq artistindən maraqlı faktlar
14:15 23 Oktyabr 2020
Facebookda yayılan təhlükəli döyüş videoları
13:34 23 Oktyabr 2020
Köçkünlük statusu – Sevinc Elsevər yazır...
12:47 23 Oktyabr 2020
Dağıdılan, dəyişdirilən, yer üzündən silinən abidələrimiz
12:04 23 Oktyabr 2020
“Bitls” qrupunun keçmiş üzvündən yeni albom
11:18 23 Oktyabr 2020
Qanın alın yazısı yox idi - Aqşindən yeni şeir
10:41 23 Oktyabr 2020
Fərid Hüseynin yeni kitabı çıxdı
10:15 23 Oktyabr 2020
"Qurban olum Azərbaycan" mahnısının söz yazarı vəfat etdi
09:40 23 Oktyabr 2020
Gərək o sirrin üstünü açmayaydım - Bircənin romanı
09:00 23 Oktyabr 2020
Azərbaycan beynəlxalq musiqi festivalında təmsil olunacaq
18:41 22 Oktyabr 2020
Məşhur muzeylərin eksponatlarını dağıtdılar
18:04 22 Oktyabr 2020
Kuklada uşaqlar üçün tamaşa
17:23 22 Oktyabr 2020
Arvadına kölə kimi baxan varlı ər – Hekayə
16:44 22 Oktyabr 2020