writer1

Sevda Sultanova

Məqalə sayı

860
clock09:00 calendar-gray 09 May 2013 view-gray13752 dəfə oxunub
view-gray13752 dəfə oxunub

“Seks niyə vacibdir?” yazısı haqda

Çox dəyərli xanımlarımızdan biri Günel Mövludun “Seks niyə vacibdir?” yazısına sosial şəbəkələrdəki təhqiramiz şərhləri oxuyanda anladım ki, qadınlar, xüsusən də kişilər məqaləni beyinləri ilə yox, cinsiyyət orqanları ilə oxuyublar.

Yoxsa seks aclığından əziyyət çəkən “əxlaqlı” erkəklər yazara barbar münasibət göstərməzdilər, cəngəllikdən gələn, ömründə qadın görməyən kimi hərisliklə intim akt təklif etməzdilər.

Axı, niyə seksdən, daha dəqiqi seksual təminatsızlıqdan danışmaq vacibdir?

XXI əsrin ən əhəmiyyətli rejissorlarından biri Ulrix Seidlə “Niyə bütün filmlərinizdə personajların sekslə bağlı problemləri var” sualını verəndə rejissorun cavabı belə olur:

“Çünki seks insanın əsas instinktidir. Bu instinkt hər kəsin həyatında vacib rol oynayır: pozitiv və ya neqativ anlamda. Hər kəsin instinktə davranmaq problemi var”.

Bizim ölkədə xüsusən kişilərin seks instinktləri ilə davranmaq problemi mövcuddur.

Qadınlar isə kişilərlə müqayisədə seksual təminatsızlığa daha dayanıqlıdırlar və onlardan fərqli olaraq cinsi istəklərinin əsiri olmamağa iradələri yetir.

Üstəlik, bir sıra problemlər seksual təminatsızlığın səbəbidir. Seksual təminatsızlıq isə hər şeydən əvvəl aqressiya, zorakılıq təhlükəsi törədir.

Təbii ki aqressiya ən çox seks instinktinə davam gətirməyən kişilərdən gəlir.

Məsələn, hər gün mətbuatda ölkəmizin müxtəlif yerlərində baş verən zorakı-insest hadisələri haqda tükürpədici məlumatlar oxuyuruq. Niyə ölkədə intensiv olaraq belə hadisələr baş verməlidir? Məsələnin kökündə sosial –maddi problemlər dayana bilməzmi?

Həyat yoldaşına yalnız orqazm, nəsil törətmə obyekti kimi baxan evli kişi seks rəngarəngliyi arzusu ilə başqa qadınlara tamah salır. Çünki arvadı ilə seks rəngarəngliyini yaşamağı namussuzluq, milli-mənəvi dəyərlərə yad sayır.

Yaxud küçədə baxışları ilə qadınları soyunduran, yəqin ki, xəyallarında min cürə seksual fantaziya quran kişilər... Seksual təminatı olmayan, əllərinə fürsət düşən həmin kişilər sosial şəbəkələrdə Günelə hücum çəkib, seksual aclıqlarını virtual şəkildə də olsa öldürürlər. Eynilə imkan olan kimi küçələrdə qadınları zorlayan hindistanlılar kimi.

Günel məqaləsində “əxlaq”la silahlanıb, ana və bacısından başqa bütün qadınlara seks istehlakçısı kimi baxan kişilərdən, maddi, sosial səbəblərin, feodal ənənələrinin doğurduğu seksual aqressiyadan, cinsi təminatsızlığın insanın sağlamlığını, psixologiyasını zədələməsindən danışıb. Yəni bu qədər bəsit.

Cəmiyyət sözsüz ki, azad seksə hazır deyil. İnsanlara, hətta ictimai sektordakı seksual inqilabı təbliğ edən gənclərə elə gəlir ki, azad seks bir qadının bütün kişilərlə sevişməsidir. Guya cəmiyyəti dəyişmək istəyən həmin gənclərin çoxunun da əsas məqsədi azad seks tərəfdarı maskası altında cinsi ehtirasını təmin etməkdir.

Əgər bu ölkədə insanlar normal cinsi həyat yaşamaq istəyisə, məişətdən başlayaraq hər şeyə münasibətini dəyişməyi və dəyişdirməyi, bir-birinə güvənməyi, inanmağı bacarmalıdır.

Məsələn, kişi anlamalıdır ki, sevdiyi qadınla nikahsız-flansız sevişirsə, bu, onun əxlaqsız olması və qadının kimlə gəldi, harda gəldi sevişməsi demək deyil.

Qadın da inanmalı, əmin olmalıdır ki, o, kişi üçün seks obyekti deyil və kişi evlənmək üçün bakirə axtarışına çıxmayacaq.

Ümumiyyətlə isə əxlaqsızlığı, fahişəliyi kişi ya qadın nikahlı da edə bilər. Birdəfəlik anlamaq lazımdır ki, əxlaq nikah və ya kəbin yox, düşüncə məsələsidir.

REKLAM

Yazarın digər yazıları

Xəbər lenti

Tanınmış aktrisa vəfat etdi
17:44 13 May 2021
Amerikalı rəssamın əsəri 93 milyon dollara satıldı - Foto
15:46 13 May 2021
İnsanın təkbaşına xoşbəxt olması utanılası bir işdir - Kamyudan unudulmaz aforizmlər
14:28 13 May 2021
Nizamiyə həsr olunan beynəlxalq konfransa tezis qəbulu davam edir
13:46 13 May 2021
Yəhudi yazıçının kitabını yandırmaq üçün alanlar - Ayxan Ayvaz yazır...
12:30 13 May 2021
Rafiq Tağının üçcildliyi nəşr olundu - Foto
11:25 13 May 2021
"Xarıbülbül" festivalının qala konserti olacaq
10:31 13 May 2021
Bu da bu cür həyatdır – Elçinin hekayəsi
09:29 13 May 2021
“Azərbaycan–ispan danışıq kitabçası” çap olunub
18:18 12 May 2021
Azərbaycan bəstəkarlarının əsərlərinin toplusu Şuşada təqdim olundu - Foto
17:41 12 May 2021
Şuşada "Xarıbülbül" festivalı
15:00 12 May 2021
Mənim Tanrım gözəllikdir, sevgidir - Hüseyn Cavidin şeirləri
14:24 12 May 2021
Ağadadaş Ağayev əməliyyat öncəsi fotosunu yaydı
13:09 12 May 2021
30 ilin ən gözəl müjdəsi
12:04 12 May 2021
Tanınmış aktyor vəfat etdi
12:00 12 May 2021
Bu gün Şuşada «Xarıbülbül» müsiqi festivalı başlayır
10:12 12 May 2021
İrəvandan yük maşınında qaçan, özündən 24 yaş böyük direktorla evlənən, İran şahının sevimlisi olan Xalq artisti
09:03 12 May 2021
Sonsuz - Şərif Ağayarın hekayəsi
17:00 11 May 2021
Filmimiz Braziliyada beynəlxalq festivalda sertifikata layiq görülüb
15:50 11 May 2021
Soljenitsının Nobel almasının gizlinləri
14:45 11 May 2021