news-inner
clock13:21 calendar-gray 23 Aprel 2013 view-gray4124 dəfə oxunub
view-gray4124 dəfə oxunub

Salam Sarvanın təzə şeiri

Gecənin eyni vaxtında

oyaq qalanların gözlərində

cürbəcür yuxusuzluq var indi.

Mən bu sakit gecədə oturub

uzaqdakılarım barədə düşünürəm.

İndicə anladım ki, gün işığı yaxını,

gecə qaranlığı uzağı görmək üçündü.

Yanımızdakı sevgililər

doğma gəlməz adama.

Doğmalıq-keçmişindəkilərlə

birgə xatirələrin olmağındadı.

Üzümüzü üzünə söykədiyimiz

sevgilimizin çiyinləri üstündən

ayrıldığımız adamlara baxırıq əslində.

İndi bildinmi, Qızım,

niyə darıxırıq əslində?!

Bir az da gözləsəydilər,

tramvaylar kimi qayıdacaqdıq

göyə baxanda elektrik xəttimizi,

yerə baxanda relsimizi görənlərin yanına.

Təkcə and yerimiz dəyişmir, Qızım:

canına and içdiklərimizin

qəbrinə and içirik indi...

And içirəm ki,

mən sənin ən yaxşı keçmişin olacam...

news-inner-user
Salam Sarvan

21 məqalə

Paylaş

Oxşar xəbərlər