news-inner
clock08:15 calendar-gray 20 Aprel 2013 view-gray1902 dəfə oxunub
view-gray1902 dəfə oxunub

Onlar kimi dostlarınız varmı?

Kulis.az “Writers Bloq” saytına istinadən məşhur əsərlərdə ən sadiq dostlar siyahısını sizə təqdim edir. Oxuyun və seçin, bu qəhrəmanlardan hansı ilə dostluq etmək istərdiniz?

Dr. Uatson – “Şerlok Holms”

Ən yaxın dostunuzdan nə gözləyirsiniz? Yəqin ki sizi diqqətlə və səbirlə dinləməyini. Şerlokun arxasında duran, onu dəstəkləyən və bəzən də dostuna görə ona yönələn istehzalı baxışlara dözən Uatson sadiq dost kimi siyahıda yer alır.

Sanço Panso – “Don Kixot”

Sanço yel dəyirmanlarını özünə düşmən bilən birinin dostu idi. Üstəlik, dostu ilə səyahət etmək üçün ailəsindən uzaqlaşır, Don Kixotu düşdüyü çətin vəziyyətlərdən çıxarır.

Enkidu – “Gılqamış dastanı”

Endiku bizə göstərir ki, bir diktatoru bərk-bərk qucaqlayaraq onun imperiya üzərində qurduğu basqısını zəiflədə bilərsən! Endiku Gılqamış qəlbinə yenidən sevgi bəxş edir, onu yaxşı insana çevirməyə çalışır. Endikunun əsl dost olduğunu başa düşəndə Gılqamış sakitləşir və ikisi birləşərək şərlə savaşırlar.

Cim – “Heklberri Finnin macəraları”

Yaxşı dost xoşbəxt vaxtlarınızda yanınızda olduğu qədər pis gününüzdə yanınızdan ayrılmayan insandır. Cim də Hek və Toma olan sədaqətini həyatı bahasına qoruyan dostdur. O, yəqin ki hamının arzuladığı, ideal dost kriteriyalarına ən çox uyğun gələn qəhrəmandır.

Horasio – “Hamlet”

Horasio tamaşa boyu ancaq “Hamletin dostu” kimi təqdim olunur. Hamletin içəcəyi zəhəri özü içmək istəyir. Hamlet isə ona yaşayaraq Danimarkadakı işləri qaydasına salmağı tapşırır. Horasio da digər dostcanlı qəhrəmanlar kimi daima yoldaşına dəstək verib yanından ayrılmayanlardandır.

Həsən – “Çərpələng uçuran”

Əmirlə Həsənin dostluğu romanın ən təsirli hissələridir. Əmir ağa, Həsən isə qulluqçu övladı olur. Əmir özünü Həsəndən üstün görsə də, Həsənin onun üçün hər cür fədakarlıq etməyi xoşuna gəlir, digər tərəfdən onun sədaqətliliyinə əsəbiləşir. Həsən həyatı bahasına olsa da ağasına və dostu Əmirə sadiq qalır.

Semuayz Gemci – “Üzüklərin hökmdarı”

Frodo: Bunu edə bilmərəm Sem.

Sem: Bilirəm. Səhv edirik. Qaydalara görə burda olmamalıyıq. Amma burdayıq. Böyük hekayələrdəki kimi, Frodo. Qaranlıq və təhlükələrlə dolu hekayələr. Bəzən hekayənin axırını bilmək istəmirsən. Çünki bu qədər pislikdən, şərdən sonra dünyanın əvvəlki halına qayıdacağına, xoşbəxt sonluğa inanmırsan. Amma hər şey keçib gedir, adi bir kölgəyə çevrilir. Qaranlığı da keçmək lazımdır... Yeni günün başlamağı üçün... İndi başa düşürəm. Hekayələrdə heç vaxt təslim olmayıb yoluna davam edənlər var, bax onlar həyatda nəyəsə çox inananlardır.

Frodo: Biz nəyə inanırıq, Sem?

Sem: Bu dünyada yaxşılığın mövcudluğuna. Məncə, buna görə mübarizə aparmağa dəyər.

news-inner-user
Rəna Nevzat

298 məqalə

Oxşar xəbərlər

Xəbər lenti

Qadınlar sevmək üçündür, başa düşmək üçün yox - Sevgi haqqinda qəribə aforizmlər
21:02 17 İyun 2021
Məşhur aktyor yeni seriala çəkilir
18:50 17 İyun 2021
Atası başını qırxıb oğlan kimi böyütdü: İki dahi bəstəkarımızın evlilik təklif etdiyi “yaralı turac” - Video
18:33 17 İyun 2021
Orxan Saffarinin ilk kitabı nəşr olundu - Foto
18:14 17 İyun 2021
Çingiz Abdullayevə AYB-də yeni vəzifə tapşırıldı - Eksklüziv
17:47 17 İyun 2021
Buqələmun gecə rəngini dəyişmir - Kino tariximizdə ilkə imza atan film
17:01 17 İyun 2021
Məşhur hind aktyor vəfat etdi
16:17 17 İyun 2021
Başını dik tut, mən şəhid oldum
15:29 17 İyun 2021
Nizaminin sözlərinə bəstələnmiş musiqi albomu buraxıldı
14:40 17 İyun 2021
Azərbaycanlı ifaçı beynəlxalq müsabiqənin Qran-Pri mükafatına layiq görüldü
13:52 17 İyun 2021
Van Dammın azərbaycanlı gəlini kimdir? – Dosye - Fotolar
13:08 17 İyun 2021
Yazıçılar İttifaqından qovuldu, peyğəmbərə görə ölüm fətvası verildi, küçədə qətlə yetirildi – Necə öldürüləcəyini öncədən yazan yazıçımız
12:45 17 İyun 2021
Van Dammın oğlu azərbaycanlı qızla evləndi: Ortaq dostları bu nikahdan yazır... - Fotolar
12:18 17 İyun 2021
Şəhriyarı Azərbaycandan küsdürənlər – Sərdar Amin yazır...
11:34 17 İyun 2021
Anamın ayaqqabısını geyindirdiyim qız məni necə aldatdı?
11:02 17 İyun 2021
Məni döyüb stadiondan qovdular
10:30 17 İyun 2021
Xalq artistindən üzücü xəbər: "Hərəkət edə bilmirəm"
09:44 17 İyun 2021
Cırıq maskalılar - Zamin Hacı yazır...
09:01 17 İyun 2021
Məşhur şairin qızı: “Atamın ölümünü məndən gizlədilər, amma...” - Müsahibə
21:00 16 İyun 2021
Pakistanda prospektlərdən birinə Nizami Gəncəvinin adı verilib
19:00 16 İyun 2021