news-inner
clock08:45 calendar-gray 18 Aprel 2013 view-gray3555 dəfə oxunub
view-gray3555 dəfə oxunub

Bəkarət kəmərinin açarı kimdədir?

Kulis.az əksəriyyətimizin uzun illər eşidib inandığı, əslində isə səhv olan 14 məlumatı təqdim edir:

Çin səddi Aydan görünürmü?

Belə bir fikir var ki, guya insanın tikdiyi və Aydan görülən yeganə yer Çin səddidir. Bu, qətiyyən belə deyil. İnsanın tikdiyi heç bir tikili Aydan görünmür.

Kosmosa uçan ilk canlı hansıdır?

Nə Layka, nə meymun, nə də başqa heyvan. Kosmosa ilk dəfə milçək gedib. Milçəklər bir qədər taxıl toxumu ilə birgə Amerikanın “V2” raketinə qoyulub və 1946-cı ilin iyulunda kosmosa göndərilib.

Ən təhlükəli heyvan hansıdır?

Yayda hamını bezdirən ağcaqanad indiyə qədər 45 milyard insanın ölümünə səbəb olub. Xüsusi təhlükəli olan dişi ağcaqanadlara görə hər 12 saniyədə bir insan dünyasını dəyişir.

Qırxayağın əslində neçə ayağı var?

Qırxayaq sözü latınca “yüz ayaq” mənasını verən “centipede” sözündən götürülüb. Amma bu heyvanın nə qırx, nə də yüz ayağı var. Daha doğrusu, hələ də dəqiq sayı bilinmir.

Müharibədən daha təhlükəli nədir?

İş-içki, narkotik və müharibədən daha çox insanı öldürməkdədir. Hər il təxminən 2 milyon insan işlə bağlı qəzalarda və xəstəliklərdən dünyasını dəyişir. Halbuki, müharibələrdə hər il 650 min insan ölür. Ən təhlükəli işlə isə Berinq boğazında xərçəng ovlayan alyaskalılar məşğul olur.

Bəkarət kəməri nə üçündür?

Bəkarət kəməri ilə bağlı yayılan ilk rəsm XV əsrə aiddir. Konrad Kyeserin müasir hərbi geyimlər haqda yazdığı kitabda florensiyalı qadınların geyindiyi “dəmir alt paltarı”ın bir şəkli var. Qadın dəmir alt paltarına qabaqdan bir qıfıl vurub, açarını da özündə saxlayarmış.

Acı bibərin ən acı hissəsi haradır?

Əksəriyyət elə bilir ki, acı bibərin ən acı yeri dənələridir. Ancaq bibərin ən acı yeri dənələrinin yığıldığı mərkəzi pərdədir. Bu pərdədə bibərə xüsusi acılıq verən rəngsiz və iysiz kapsaisin maddəsi var.

“Tutanhamonun lənəti” nədir?

Bu, tamamilə jurnalistlərin uydurmasıdır. Tutanhamonun məzarı ilk dəfə 1922-ci ildə Houard Karter tərəfindən kəşf olunub. Həmin vaxt “Daily Express”in Qahirə müxbiri xəbəri daha maraqlı etmək üçün özündən “fironun lənəti” adlı hekayə uydurub. Sonra hekayəni “Daily Mail” və “New York Times” da yayımlayıb. Beləliklə, qorxmayan adamlar belə Tutanhamonun məzarını ziyarət etməkdən çəkinməyə başlayıb.

“Çörək yoxdursa, tort yeyin” fikri kimə məxsusdur?

“1789-ci il idi və Fransa inqilabı bütün gücü ilə yayılırdı. Yeməyə çörək tapılmırdı. Parisdəki kasıblar da etiraz etmək üçün kral sarayının qarşısına yığışdılar. Kraliça Mariya Antuanetta sarayın qarşısına yığılan kütlənin “Çörək istəyirik” tələblərinə təəccüblə: “Çörək yoxdursa, tort yeyin”, - cavabını verib”.

Bu rəvayəti yəqin çoxları eşidib və inanıb. Amma burda bəzi uyğunsuzluqlar var. Birincisi, cümlədə “tort” kimi yayılmış o söz əslində “brioş”-dur (çörəyə çox oxşayan un məmulatı). Bu halda cümlənin də mənası dəyişir: “Çörək istəyirlərsə, ən yaxşısından verin”. O ki qaldı sözlərin Mariya Antuanettaya məxsusluğuna, bu da müəmmalıdır. Çünki Jan-Jak Russo bu ifadəni hələ 1740-cı illərdən bəri eşitdiyini və 1760-cı illərdən aristokratik böhranın təsviri kimi işlədildiyini vurğulayıb. Nəzərə alsaq ki, kraliça Antuanetta 1755-ci ildə dünyaya gəlib, onda bu sözlərin müəllifi olması inandırıcı deyil.

Dəniz donuzları nə üçündür?

Dəniz donuzları artıq neçə illərdir ki, laboratoriyalarda sınaq heyvanı kimi istifadə olunmur. Buna baxmayaraq perulular hər il 65 milyon dəniz donuzu yetişdirirlər. Əsas alıcıları da Kolumbiya, Boliviya və Ekvadordur. Bu ölkələrdə dəniz donuzları qida rasionuna daxildir.

Yaşayan ən böyük şey hansıdır?

Fil, mavi balina, yoxsa nəhəng sekvoya ağacı? Xeyr, dünyadakı ən böyük şey göbələkdir. Kəsilmiş ağac kötüyünün üstündə böyüyən göbələk (Armillaria ostoyae) indiyə qədər görülmüş ən böyük göbələkdir. Amerikanın Melhor meşəsində yerləşən bu göbələk 890 hektarlıq ərazini tutur və yaşının 2000 il olduğu təxmin edilir.

Kosmos nə rəngdədir?

Əksəriyyət kosmosu göy rəngdə təsəvvür edir, amma kosmosun rəngi əslində açıq qəhvəyidir. 2002-ci ildə Con Hopkins Universitetinin alimləri Avstraliyada Qalaktikaları Araşdırma Qurumunun topladığı 200 min kosmos işığını tədqiq etdikdən sonra kosmosun solğun yaşıl rəngdə olduğu qərarını veriblər. Amma bir neçə həftə sonra hesablamalarda səhvə yol verdiklərini və kosmosun açıq qəhvəyi rəngdə olduğunu deyiblər.

Dəvələr donqarlarında nə yığırlar?

Dəvələr donqarlarında su deyil, yağ yığırlar. Bu yağı da enerji anbarı kimi istifadə edirlər. Suyun yığıldığı yer bədənləridir, yəni onları susuzluqdan qan dövranı sistemləri qoruyur.

İlk Amerika prezidenti kimdir?

Peyton Rendolf! O, Corc Vaşinqtondan əvvəlki ABŞ Konqresinin ilk rəhbəri olub. ABŞ Konqresi şikayətləri İngiltərəyə bildirmək üçün 13 koloniya tərəfindən yaradılmış müzakirə orqanı idi.

news-inner-user
Rəna Nevzat

298 məqalə

Oxşar xəbərlər

Xəbər lenti

Adamları tanıdım – Nura Suri oğlunun qəza keçirməsindən yazdı
23:55 18 İyun 2021
Hamlet Xanızadənin xatirə gecəsi keçirildi
18:58 18 İyun 2021
Cahangir Cahangirovun 100 illiyi qeyd olunub
18:01 18 İyun 2021
Çiçək kimi ətirli, tər və sütül bədənlər! - Qadına sonetlər
17:20 18 İyun 2021
Müasir İncəsənət Muzeyində sərgi açılacaq
16:40 18 İyun 2021
Azərbaycanın ən naşı klassiki – Seymur Baycanı sərt tənqid etdilər
16:00 18 İyun 2021
Tikanlı sözlər adamı necə öldürür?
15:15 18 İyun 2021
Əkrəm Əylislinin vəziyyəti ağırlaşdı - Açıqlama
14:27 18 İyun 2021
Bakıda yeni sərgi açılır
14:09 18 İyun 2021
“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021