Bakı Film İnstitutu növbəti yeni ixtisas üzrə tələbə qəbulu elan edib. Aktyor Qurban Məsimovun aktyorluq kursuna sənəd qəbulu 25 aprel 2013-cü il tarixinədəkdir. Bundan əvvəl institutda kinoprodüser ve kinorejissor kursları da təşkil olunub. Hazırda kinoprodüser kursunda ikinci qrupda kurslar başa çatmaqdadır.

Baki Film Institutu layihəsinin rəhbəri Fehruz Şamıyevin Kulis.az-a verdiyi xəbərə görə, aktyor kursu 3 ay davam edəcək. Kursun məqsədlərindən biri də indiki TV filmlərin və serialların sayının çoxaldığı bir dönəmdə, bu sahədə aktyor işinin keyfiyyətinin artırılmasına xidmət göstərməkdir. Kursa qatılmaq istəyənlər iki ədəd fotoşəkil və Bakı Film İnstitutunun kurslarına qatılmaq uchun iştirak blankını doldurmalıdırlar. Aktyor kursunda aylıq ödəniş 80 manatdır.

Baki Film Institutu layihəsinin rəhbəri Fehruz Şamıyevin bildirdiyinə görə aktyor kursları hazırda TV kanallarda sayı artan seriallardakı problemlərin az da olsa aradan qaldırılmasına xidmət edəcək.”Hələ serial bumu başlamadan öncə Azərbaycan da geniş tamaşaçı kütləsi “Aramızda qalsın” serialını yaxından izləyirdi. Həmin vaxtda serialın baş qəhrəmanı Qurban Məsimov ve Kamilə Babayeva idi. Qurban Məsimov bir çox filmlərdə və tamaşalarda oynayıb. Məncə, Qurban Məsimovun istedadı hamıya məlumdur. Xüsusi ile qeyd etmek istəyirəm ki serial istehsalında Qurban Məsimovun böyük təcrübəsi var. Məncə, efirdəki seriallarımızı izləyəndə orada nə qədər təsadüfi insanların rol aldığını görməmək mümkün deyil. Bizim kurslara qatılan şəxslər ən azından pafos və sünilikdən azad olacaqlar. Qeyd edim ki kursları bitirən şəxslərə Cinema Gənc Kinematoqrafçılar Mərkəzinin, Bakı Film Institutunun sertifikatı veriləcək. Sözsuz ki, bu sertifikatı əldə etmək elə də asan olmayacaq”

• Ailəsi Sibirə sürgün olunan bəy oğlu – Qiyas bəy Şıxlinskinin faciəvi həyat hekayəsi
• "Qladitator"un ulduzundan pərəstişkarlarına sərt xəbərdarlıq: "Kim özünü axmaq kimi aparsa..."
• "Sevgi də armud kimidir..." - İtalyan yazıçıdan sitatlar