“Yazıçı rinqi” layihəsinin budəfəki qonaqları şairə Aysel Əlizadə və şair Alik Əlioğludur. İştirakçılara 7 sual verilir. Hər sual qarşısında yazılan balla qiymətləndirilir. Oyunun sonunda suallara verilən doğru cavablar ballara uyğun olaraq toplanılır.

Hər suala 2 dəqiqə ayırmaqla cəmi 14 dəqiqə vaxt verilir. Bir köməkçi vasitə var – “dosta zəng”. Dosta zəng üçün 1 dəqiqə vaxt ayrılır. Bu da iştirakçıya verilən 14 dəqiqədən çıxılır.

Əvvəlcədən bildiririk, bu sadəcə oyundur.

1. Baş qəhrəman hərbi xidmətə gedir. Qorxaq fərarilərsə burda varlanırlar. O hərbi xidmətdən qayıdandan sonra varlı qorxaqlardan biri onu özünə cangüdən götürür. Beləliklə, qəhrəmanlar qorxaqların cangüdəninə çevrilir, həm müharibədə, həm də sülh dövründə. “Cangüdən” adlı bu hekayənin müəllifi kimdir? (6 bal)

a) Kamran Nəzirli

b) Elçin Hüseynbəyli

c) Orxan Fikrətoğlu

d) Səfər Alışanlı

e) Saday Budaqlı

Aysel Əlizadə – c

Alik Əlioğlu– c

Doğru cavab – c

2. Bu cümlə F. M. Dostoyevskinin hansı məşhur romanının “uzaqdan gələn yolu” adlandırılır. Qeyd edək ki, bu cümlə həmin romanın ilk cümləsidir: “Bizim indiyənədək heç nəylə fərqlənməyən şəhərimizdə çox da uzaq olmayan keçmişdə baş vermiş qəribə hadisələrin təsvirinə keçməzdən əvvəl mən öz səriştəsizliyim ucbatından bir qədər uzaqdan – istedadlı və çox hörmətli Stepan Trofimviç Verxovenskinin tərcümeyi-halının bəzi təfərrüatlarından başlamaq məcburiyyətindəyəm”. Söhbət F. M. Dostoyevskinin hansı romanından gedir?(6 bal)

a) “Karamazov qardaşları”

b) “Şeytanlar”

c) “Yeniyetmə”

d) “İdiot”

e) “Cinayət və Cəza”

Aysel Əlizadə – b

Alik Əlioğlu – b

Doğru cavab – b

3. Orxan Pamukun hansı romanının adı ilə Dantenin ilk kitabının adı eynidir? (4 bal)

a) “Bəyaz Qala”

b) “Mənim adım qırmızı”

c) “Qara kitab”

d) “Yeni həyat”

e) “Məsumiyyət muzeyi”

Aysel Əlizadə – d

Alik Əlioğlu – d

Doğru cavab – d

4. Pulutov romanlarının əsas qayəsi nə idi? (5 bal)

a) Cəngavərliyin qüdrətini tərənnüm etmək

b) Cəngavərliyin ənənəçiliyinin ifşası

c) Ülvi sevgi hissləri qarşısında hər şeyin puç və mənasız olması

d) Cəmiyyətdəki yoxsulluğun ifşası

e) Cəngavərliyin ifşası

Aysel Əlizadə – a

Alik Əlioğlu – e

Doğru cavab – d

5. 4 dişi olan yeganə heyvan hansıdır? (5 bal)

a) Köpək balığı

b) Fil

c) Gərgədan

d) Şir

e) Finqo

Aysel Əlizadə – e

Alik Əlioğlu – a

Doğru cavab – b

6. “Titanik” filmində ən çox işlənən söz hansıdır? (5 bal)

a) Leonardo

b) Roza

c) Qorxuram

d) Getmə

e) Sevirəm

Aysel Əlizadə – b

Alik Əlioğlu – c

Doğru cavab – b

7. Hansı fransız yazarı üç dəfə edama məhkum edilmiş, lakin hər dəfə bəxti gətirib azad olub? (4 bal)

a) Fransua Viyon

b) Alfonso de Lamartine

c) Alfred de Musset

d) Alfred de Vigni

e) Andre Çenier

Aysel Əlizadə – a

Alik Əlioğlu – e

Doğru cavab – a

Toplam:

Aysel Əlizadə: 25

Alik Əlioğlu: 16

Ümumi ballara əsasən budəfəki “Yazıçı rinqi” layihəsinin qalibi Aysel Əlizadədir.

• “27 Sentyabr – Anım Günü” elektron məlumat bazası təqdim edildi
• Bredli Kuper yeni "G.I. Joe" filminin baş rolunu canlandıracaq
• Ağır xəstəliklə mübarizə aparan Selin Dion səhnədə göz yaşlarına boğuldu