writer1

Cəlil Cavanşir

Məqalə sayı

294
clock12:31 calendar-gray 08 Aprel 2013 view-gray1717 dəfə oxunub
view-gray1717 dəfə oxunub

Dəli qardaşın dəli bacısı

Cəlil CAVANŞİR

Bir kənd xatirəsi

Kəndimizdə əqli cəhətdən qüsurlu bacı-qardaş vardı. Qardaşın adı Camaləddin, bacının adı Gülşən.

Doğulduqları böyük ailədə əqli cəhətdən qüsurlu təkcə ikisi deyildi. Böyük qardaşları Əlfəddin də şizofreniyadan əziyyət çəkirmiş.

Novruz bayramında kəndə gedəndə təsadüfən həbsxanada dünyasını dəyişmiş Əlfəddinin dilənçilik edən oğlunu gördüm. Həm əqli, həm də fiziki cəhətdən qüsurlu olan bu gənci lap uşaqlığından tanıyıram. Kəndimizin “Yuxarı Bazar yeri” adlı hissəsində, kəndə gələn avtobusların sonuncu dayanacağında dayanıb gəlib-gedənə əl açırdı.

Əslində kənd camaatı ona bu imkanı vermirdi. Hamı sözləşibmiş kimi, evlərinə ərzaq, pul, pal-paltar göndərirdi. İnsafən özü də abırlı uşaq idi, heç kəsi incitməz, özünü sakit aparardı. Nədənsə o uşağı görən kimi atasının faciəsi yadıma düşdü...

...Camaləddinlə Gülşən əqli cəhətdən qüsurlu olsalar da, kənddə hamını ad-ad tanıyırdılar. Orta məktəbi son sinifinə qədər oxumuşdular. Gülşən qaradinməz olsa da, Camaləddin çoxdanışan idi. Camaləddinin uzun çənəsi, çirkli saçları bir də hamıya verdiyi “Sən allah, mən gözələm?” sualı hələ də yadımdan çıxmayıb...

...Camaləddin bacısıyla birlikdə bütün kənd toylarına gedərdi. Barmağında metal üzüklər, boynunda muncuq və yaz adi metaldan hazırlanmış, qızılı rəngli zəncir olardı. Bütün bu əşyaların onu gözəl göstərdiyini düşünürdü. Uşaqlar dəstə ilə onların arxasınca düşüb oxuyurdular :

Camaləddin, Gülşən

Gedirdilər şən-şən.

Camaləddin yıxıldı,

Gülşən yaman paxıldı.

Hərdən Camaləddinin əsəbləşib uşaqlara daş atmağı da olurdu. Uşaqlara qarşı aqressiv olsa da mənə dəymirdi. Anam orta məktəbdə ona da, bacısı Gülşənə də dərs demişdi. Həmişə rastlaşanda deyirdi : “Sən Şəkurə müəllimənin oğlusan, bilirəm. Sənin maman elə gözəl idi ki...”

...Gülşəni qonşuları kəndlimiz Tacıya ərə verəndə biz uşaq idik. Böyüklər evdə bu barədə təəssüflə danışırdılar. Xüsusən anam Gülşənə dərs dediyi üçün, ondan ev qadını olmayacağını yaxşı bilirdi. Tacı Gülşənin böyük qardaşı Əlfəddinlə dost idi. İkisi də başdan xarab olduğu üçün yaxşı yola gedirdilər. Əlfəddin Gülşəni subay dostu Tacıya verib, üstündəki yükdən qurtulmaq istəmişdi. Heç bir həftə keçmədi ki, Əlfəddin Tacını kəndin içində, “Dingbaşı” deyilən məhəllədə baltalayıb öldürdü. Sən demə Tacı Gülşəni döyürmüş...

...Əlfəddin həbsxanada öləndən sonra ailəsi və şikəst uşaqları başsız qaldı. Elə Gülşən də, Camaləddin də sahibsiz, kimsəsiz qalmışdı. Gülşənlə heç kəsin işi yox idi. Camaləddinin isə fikri-zikri canlı-cüssəli oğlanlarda idi. Özünü qadın hesab etdiyi üçün dodağına pomada çəkir, qaşlarına, saçına, saqqalına jele sürtürdü. Hamıya inandırmağa çalışırdı ki, gözəldir. Hətta biz doqquzuncu sinifdə oxuyanda sinif yoldaşlarımdan birinə vurulmuşdu və hər yerdə bu barədə danışırdı. Hərdən küçələrinin başında dayanıb sinif yoldaşımın dərsdən gəlməyini gözləyirdi...O vaxtlar bu bizim üçün sadəcə zarafat üçün mövzu idi...

Hər yerdə axmaq, özünü və hisslərini idarə edə bilməyənlər olur. Kəndin ərgən oğlanlarından bir neçəsi Camaləddini gəndalaşlığa çəkmişdi...

...İndi yəqin ki, Camaləddin də, Gülşən də qocalıb. Bəlkə də dünyadan köçüblər. Mənim isə xəyalımda kəndimizin daşlı, palçıqlı, narahat küçələri canlanır. Camaləddin bacısı Gülşənin əlindən tutub hansısa toya tələsir...

REKLAM

Yazarın digər yazıları

Xəbər lenti

Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020
Xalq rəssamı vəfat etdi
15:09 13 Avqust 2020